மின்வாகனங்கள் சார்ந்த தொழில்கள் இனி அதிகரிக்கும்

Valar
-
0
மின்வாகனங்கள் சார்ந்த தொழில்கள் இனி அதிகரிக்கும்

அடுத்துவரும் காலங்களில் எரிஎண்ணெய் இல்லாத இயற்கை வளங்களை கொண்டு வாகனங்கள் இயக்கப்பட உள்ளன. சுற்றுச்சூழல் பாதிப்பு, எரிபொருள் பற்றாக்குறை, பொருளாதார மந்த நிலை, வளைகுடா நாடுகளின் உலக அரசியல் போன்ற பல்வேறு காரணங்களால் எரி எண்ணெய் பயன்பாட்டை குறைப்பதற்கு திட்டமிடப்பட்டு உள்ளது. உலகிலுள்ள அனைத்து நாடுகளின் ஆய்வுகளை மேற்கொண்டு தண்ணீர், காற்று, சூரியஒளி, கடல் அலை, காந்தப்புல இயக்கம், சமன் உருளை இயக்கம், மணல் மின்கலம் போன்ற இயற்கை ஆற்றல்கள் மூலம் உற்பத்தி செய்து வாகனங்களை இயக்கி வருகின்றார்கள்.

தண்ணீரில் உள்ள ஹைட்ரஜன் வாயு கொண்டு தமிழக மாணவர்கள் இருசக்கர வாகனத்தை இயக்கிக் காட்டி வருகின்றனர். வழக்கமான வாகன தொழில் நுட்பத்தில் பெட்ரோலுக்கு பதிலாக தண்ணீர் பயன்படுத்தப்படுகிறது.

காற்று ஆற்றல் மூலம் மின்சாரம் உற்பத்தி செய்யப்படுகிறது. அதன் மூலம் கார்களை இயக்கி வருகின்றார்கள். சூரியஒளி தகடுகள் மூலம் மின்சாரம் உற்பத்தி செய்து, ஆட்டோ, கார்களை இயக்கி வருகிறார்கள். 2020 ஆண்டிலிருந்து மிதிவண்டி முதல் கனரக வண்டிகள் வரை பேட்டரியில் இயங்கும் மின் வாகனங்கள் விற்பனைக்கு தயாராக உள்ளன. நடுவண அரசும், மாநில அரசுகளும் பல்வேறு சலுகைகளை வழங்க இருப்பதாக கூறப்படுகின்றது.

உலகளவில் 197 நாடுகளை உறுப்பினர் களாக கொண்டு 1992ல் தொடங்கப்பட்ட United Nation Frame work Convertion Change Conference அமைப்பு கொண்டு வரும் தீர்மானங்களை எல்லா நாடுகளும் செயல்படுத்த வேண்டும்.

Also read: கடலில் இருந்து மின்சாரம் எப்படிப் பெறப்படுகிறது?

இந்தியாவில் 2001 முதல் 2016 ஆண்டுவரை 230 மில்லியன் உள்எரிப்பு எந்திரங்கள் ICE -International Confusion Engine விற்பனையாகி உள்ளன. இந்த வாகன மூலங்கள் 47.40 டன் எரி எண்ணெய் பயன்படுத்தப்பட்டு 84.60 டன் கார்பன் டை ஆக்சைட் வெளியிடப்பட்டு உள்ளது.

2015 ஆம் ஆண்டு FAME -Faster Adoption and Manufacturing of Hybrid Electric Vehicle மின் வாகனங்கள் உற்பத்தி விரைவாக ஏற்பு திட்டத்தை அறிமுகப்படுத்தியது. இந்த திட்டத்திற்கு 2019-2020 நிதியாண்டில் பத்தாயிரம் கோடி ரூபாய் நிதி ஒதுக்கப்பட்டு உள்ளது. இந்தியாவில் சுமார் 17 கோடி இரு சக்கர வாகனங்கள் உள்ளன. இவற்றில் காலாவதியான வாகனங்கள் 7 கோடிக்கு மேல் உள்ளன. ஒரு வாகனத்திற்கு ஆண்டிற்கு 200 லிட்டர் வீதம் 3400 லிட்டர் எரி எண்ணெய் செலவாகிறது. மின் வாகனங்கள் பயன்படுத்துவதால் 340 கோடி மிச்சமாகும். அடுத்த 7 ஆண்டுகளில் அனைத்து இருசக்கர மோட்டார் வாகனங்களையும் மின்சார வாகனங்களாக மாற்ற வேண்டும். மேலும், 2025 ஆண்டிற்குள் 3 கி.மீ.க்கு ஒரு சார்ஜிங் மையம் அமைக்க வேண்டும்.

தற்போதுள்ள அரசு கழிப்பறை கட்டுவது, பிளாஸ்டிக் கழிவுகளை பொறுக்குவதும் தான் தூய்மை என்று கருதுகிறது. தூய்மை என்பது சுற்றுச்சூழல் மாசுபடுவதை குறைத்தல் அல்லது தடுத்தல் ஆகும். சுற்றுச்சூழல் காற்று மாசு, தண்ணீர் மாசு, மண் மாசு, வெப்ப மாசு, அணுக்கதிர் மாசு, ஒலி மாசு, ஒளி மாசு, குப்பை மாசு, பிளாஸ்டிக் மாசு போன்றக் காரணிகளால் மாசுபடுகிறது.

இந்தியாவில் 90% வாகனங்கள் மூலம் காற்று மாசு, வெப்ப மாசு, ஒலி மாசு, ஒளி மாசு போன்ற மாசுகள் உருவாக்கப்படுகின்றன. மீதமுள்ள மாசு தொழிற்சாலைகள் மற்றும் உயிரினங்களால் ஏற்படுகிறது. மத்திய அரசு FAME திட்டத்தின் மூலம் மின்வாகனங்களுக்கான ஜிஎஸ்டியை 12% லிருந்து 5% ஆக குறைக்க திட்டமிட்டுள்ளது. மின்னூட்ட மைய உள் கட்டமைப்பை ஊக்குவிக்க உதிரிபாகங்களுக்கு சுங்க வரிவிலக்கு அளிக்கப்பட உள்ளது. மத்திய வாகனச்சட்டங்களில் திருத்தங்கள் வர இருக்கின்றன. BS4- Bharat Stage Emission Standards வாகனங்களை பதிவு/புதுப்பிக்க தடை விதிக்க இருக்கிறார்கள். வாகன உற்பத்தியாளர்களுக்கு BS6 வாகனங்களை உற்பத்தி செய்யவும், பெட்ரோல் உற்பத்தி செய்யவும் பரிந்துரை செய்துள்ளனர். 15 ஆண்டுகளுக்கு மேல் ஆன வாகனங்களை அழிப்பதற்கு 2020ல் சட்டம் கொண்டுவர இருக்கிறார்கள்.

மாநில அரசு, “தமிழ்நாடு மின்சார வாகனக் கொள்கை 2019” அறிவித்துள்ளது.

மின்சார வாகனங்களுக்கு 100% வாகனவரி செலுத்திய தொகையை பின்னர் வழங்கப்படும். (Central GST, State GST வரியை முதலில் அரசிற்கு செலுத்தி விட வேண்டும். பின்பு, பயனாளிக்கு திரும்ப வழங்கப்படும். ஆனால் மத்திய அரசு GST 12% லிருந்து 5% குறைப்பதாக பரிசீலனையில் உள்ளது. ஆனால் நடுவண மாநில அரசுக்கு செலுத்திய முழு வரித்தொகையும் மாநில அரசு வழங்குமா என்று தெரியவில்லை. மேலும் கலப்பின வாகனங்களுக்கு  CST 43% வரிவிகிதமாக உள்ளது. அந்த வாகனங்கள் பற்றி எதுவும் குறிப்பிடவில்லை.)

மின்வாகன உதிரிபாகங்கள், பேட்டரி, மின்னூட்ட உபகரணங்கள் தயாரிக்கும் தொழிற்சாலைகள், ரூபாய் 50 கோடி முதலீடு செய்து 50 நபர்களுக்கு வேலைவாய்ப்பு நிறுவனங்களுக்கு சிறப்பு சலுகை வழங்கப்படும். (என்ன சிறப்பு சலுகை என்பது தெரியவில்லை).

மின்சார வாகனங்கள் 15% மானியமும், மின் கலங்கள் உற்பத்தி தொழிலுக்கு 20% மானியம் வழங்குவதாக தெரிவிக்கப்பட்டுள்ளது. (ஏற்கனவே, தொழில் வளர்ச்சிக்கு 15% முதல் 30% மூலதன மானியம் வழங்கப்பட்டு வருகிறது. இது புது சலுகையாக தெரியவில்லை).

அரசு தொழில் பூங்காக்கள் மூலம் அமைக்கப்படும் தொழிற்பூங்காக்களில் நிலம் வாங்குவதில் 20% மானியம் வழங்கப்படும். (அரசு நிலங்கள் விற்பனை செய்யப்படுவதில்லை. அரசு நிலம் 99 ஆண்டுகளுக்கு குத்தகை ஒப்பந்தங்கள்தான் செய்யப்படுகிறது. மேலும், பல நிபந்தனைகள் உள்ளன. அந்த பூங்காவின் அருகிலுள்ள நிலத்தின் மதிப்பை விட பன்மடங்கு விலை அதிகமாக உள்ளது).

தென்மாவட்டங்களில் தொடங்கப்படும் மின்வாகன நிறுவனங்களுக்கு 50% மானியம் வழங்கப்படும். (எந்தெந்த மாவட்டங்கள் என்பது குறிப்பிடப்படவில்லை. ஏற்கனவே, தென் மாவட்டங்களில் வாகனங்கள் உற்பத்தி, பழப்பதப்படுத்தும் தொழில் பூங்காக்களில் நிலம் கட்டிடம் விற்பனை ஆகாமல் வேறு தொழில்கள் நடைபெற்று வருகின்றன).

மின் வாகனங்கள் மற்றும் மின்னூட்டும் உபகரணங்கள் உற்பத்தி செய்யும் தொழில்சாலைகளுக்கான நிலத்திற்கு 100 சதவீத முத்திரைத்தாள் கட்டணம் விளக்கு அளிக்கப்படும்.

மின்சார வாகனங்கள் மற்றும் மின்னேற்றும் உபகரணங்கள் உற்பத்தி தொழில்களுக்கு 100% (GST) வரி விலக்கு அளிக்கப்படும். (மின் கட்டணத்திற்கு 18% GST வரி விதிக்கப்பட்டுள்ளது. ஆனால் TNGEDCO நிறுவனத்திடம் எந்த அறிக்கையும் இல்லை).

மின்வாகனத் தொழில் தொடங்கிய நிறுவனங்களுக்கு 2025 ஆண்டுவரை சேம நல நிதி (ESI) பதிவு செய்யப்பட்ட நிறுவனங்களின் பங்களிப்பாக செலுத்திய தொழிலாளர்கள் சேம நல நிதிக்கு ஈடான தொகை மானியமாக வழங்கப்படும். (இ.எஸ்.ஐ நிறுவனங்கள் பங்களிப்பு தொகை 0.75% திரும்ப வழங்கப்படும்).

மின் வாகன தொழில்களில் ஈடுபடும் சிறு, குறு மற்றும் நடுத்தர தொழில் நிறுவனங்களுக்கு மூலதன மானிய திட்டத்தின் கீழ் உள்ள தகுதி வரம்பை விட 20% கூடுதல் மூலதனம் மானியம் வழங்கப்படும்.

தொழில் துறை சார்பாக மின்சார வாகன உற்பத்தித் தொழிற்சாலைகளுக்கு பூங்காக்கள் உருவாக்கப்படும்.

தனியார் உணவகங்கள், வணிக வளாகங்கள், திரையரங்குகளில் மின்னேற்றும் வசதி ஏற்படுத்தப்படும்.

மேலும், அரசு போக்குவரத்து மேலும் அரசு போக்குவரத்து வாகனங்களுக்கு வாங்குவதற்கு நிதியுதவி வழங்கப்படும்.

ஆட்டோகளுக்கு திறந்த நிலை அனுமதி வழங்கும் திட்டம் நடைமுறைப்படுத்தப்படும்.
நகரங்களிலுள்ள அனைத்து அடுக்குமாடி குடியிருப்புகளிலும் வாகனங்களுக்கு மின்னேற்றும் வசதிகள் ஏற்படுத்தும் வகையில் கட்டுமான சட்டங்களில் தேவையான மாறுதல்கள் செய்யப்படும்.

பொது வசதி மையங்கள் (C.S.C. Common Service Centre) மூலம் புதியதாக தொடங்கப்படும் மின்னுட்ட மையங்களுக்கான பதிவு நடுவண அரசால் செய்யப்படும். மத்திய அரசு வெளியிடும் மொபைல் ஆப்ஸ் மூலம் மின்வாகன பயன்பாட்டாளர்கள் தகவல்களை அறிந்து கொள்ளலாம்.

மின் வாகன உற்பத்தி தொடங்கப்படும் புதிய தொழிலுக்கு தனி கவனமும், ஊக்கமளிக்கும் வகையில் மையங்கள், ஆய்வு மையங்கள், சோதனை கூடங்கள், ஆலோசனை மையங்கள், பொது வசதிகள் போன்ற அனைத்து வசதிகளுக்கு செய்து கொடுக்கப்படும்.

நடுவண அரசு மின் வாகனங்களுக்கு மானியம் வழங்குகிறது. இருச்சக்கர வாகனத்திற்கு ரூ 4000 முதல் 5000 வரை (அ) 20% 3-4 சக்கர வாகனங்களுக்கு ரூ 60,000 (அ) 4 சக்கர வாகனங்களுக்கு 1,00,000 (அ) 20% கனரக வாகனங்களுக்கு. 4,00,000 (அ) 20% வரை மானியம் வழங்கப்படுகிறது.

1728ல் அன்யிஸ் ஜெடிக் என்ற ஹங்கேரி நாட்டை சேர்ந்த ஆராய்ச்சியாளர் முதன் முதலில் மின் வாகனத்தை வடிமைத்தார். அதன்பின், 1890ல் மேம்பட்ட வாகனம் நேர்மின் மோட்டாரில் இயங்கும் வாகனம் கண்டுப்பிடிக்கப்பட்டது.

1890-ஆம் ஆண்டுகளில் வாகனங்கள் நேர்மின்சாரத்தில் இயங்கியன. அந்த காலக்கட்டத்தில் DC மோட்டாரின் முடுக்கு விசை, இழுவிசை, மோட்டார் சுழற்சி, மின் கலங்களில் சேமிப்பு திறன், ரீசார்ஜ் போன்ற வசதிகள் இல்லை. அதனால் மின்வாகனங்களின் பயன்பாடு குறைந்தது. மேலும், உள்ளக எரிபொருள் வாகன இயக்க தொழில் நுட்பம், மற்றும் பெட்ரோலியம் சுத்திகரிப்பு தொழில் நுட்பம் போன்றவற்றிற்கு தேவையான எரிபொருள்கள் கிடைத்தாலும் கடந்த 130 ஆண்டுகளில் வாகனங்கள் அதிக வளா;ச்சி அடைந்து, உலக பொருளாதாரத்தை மாற்றி அமைத்துவிட்டது. சுற்றுச்சுழலையும் மாசுப்படுத்தி விட்டது.

கடந்த 100 ஆண்டுகளில் தொழில் நுட்ப வளர்ச்சியால் புதிய மின் வாகனங்கள் அறிமுகமாகிவிட்டது. மேலும் ஐ.சி என்ஜினை விட பல மடங்கு இழுத்திறன் வேகம் உடையதாகவும் நேர்மின் மோட்டாரின் சுழற்சி உடையதாகவும் உள்ளது.

ஒவ்வொறு பயன்பாட்டிற்கும் தகுந்த மின் மோட்டார்கள் அறிமுகமாகி விட்டது. பல ஆயிரம் டன் எடையுள்ள பயணிகளை ஏற்றி செல்லும் ரயில் நேர்மின் மோட்டாரில்தான் இயங்குகிறது. அரசு பேருந்துகள், டிராக்டர், டிப்பர், சொகுசு பேருந்து, சிற்றுந்து, சரக்கு வாகனங்கள் மற்றும் பயணிகள் வாகனங்கள், ஆட்டோ, இருசக்கர வாகனங்கள் முற்றிலும் மாசு, சத்தம் இல்லாத குறைந்த பயணச்செலவுடைய வாகனங்கள் சாலைகளில் பயணிக்க தொடங்கி விட்டன. கேரளாவில் சோலார் ஆட்டோரிக்ஷா அதிக அளவில் ஓடத்தொடங்கி விட்டன.

Also read: இதுவா, பொருளாதார வளர்ச்சி ?

மின்சார வாகனங்களில் 2000 வாட்ஸ் இயக்க திறனுள்ள மோட்டாரும் 48 முதல் 60 ஓல்ட் ஆற்றல் உடைய BLDC மோட்டார்கள் பொறுத்தப்படுகிறது. இதனால் மின்வாகனம் 60 முதல் 100 கி.மீ மேல் வேகத்தில் செல்லக்கூடிய ஆற்றல் உடையது. லித்தியம் அயன் பேட்டரிகள் விரைவில் சார்ஜ் ஆவதோடு நீண்டநாள் உழைக்க கூடியது. வாகன பதிவு, காப்பீடு, அரசு மானியம், வரி சலுகை பெறக்கூடிய வாகனங்களை, பல நிறுவனங்களின் ஸ்கூட்டர் பைக்குகள் புதிய தொழில் நுட்பத்துடன் தயாரிக்கப்பட்டு விற்பனைக்கு வந்துள்ளன.

21 ஆம் நூற்றாண்டில் பேட்டரி உற்பத்தியாளர்கள் அதிக அளவில் உற்பத்தி செய்வதால் பேட்டரிகளின் விலை குறைந்து விட்டது. சோடியம் அயன் பேட்டரி, மணல் பேட்டரி, அலுமினியம் ஏர் பேட்டரிகள், கார்பன் அயன், துத்தநாக பேட்டரி, சில்வர் ஆக்சைட் பேட்டரி, போன்ற புது வகையான பேட்டரிகள் விற்பனைக்கு வர உள்ளன. இதனால், மக்கள் குறைந்த விலையில் பேட்டரிகளை வாங்கவும், நீண்ட காலம் பயன்படுத்தவும் முடியும். இதனால் மின்சார வாகனங்களின் இயக்கம் தொடங்கி விடும். தற்போது மாருதிவேன், ஆட்டோக்கள், சிற்றுந்து, பேருந்து, படகு, தொடர்வண்டி, விமானம் போன்றவை சோலாரில் இயங்கி வருகின்றன. விண்கலங்கள் 1960 முதல் சோலாரில் இயங்கி வருகின்றன. காற்று ஆற்றல் மூலம் பாய்மர கப்பல் ஆயிரம் ஆண்டுகளாக இயங்கி வந்தது.

  • மின் வாகனத்தைச் சார்ந்த தொழில்கள்
  • மின் வாகன மின்கலங்கள் மின்னேற்றும் நிலையம்.
  • மொபைல் ஆப்ஸ் மூலம் மின்னுட்ட நிலையம், உதிரி பாகங்கள் விற்பனையாளர்கள் முகவரி, மின் வாகன ஒர்க்ஷாப் விவரங்கள்.
  • மின் வாகன சேவை மையம் பணிமனை.
  • மின் வாகன உதிரிபாகங்கள் விற்பனை நிலையம்.
  • முச்சக்கரம், நாற் சக்கர ஆட்டோ ரிக்சா, பயணிகள் சரக்கு வாகனம் வாடகைக்கு விடுதல்.
  • மின் வாகன சிறப்பு பழுது நீக்கம் இதர நிகழ்ச்சி ஒளிபரப்புதல்.
  • மின் வாகன உதிரிபாகங்கள் இணையதள விற்பனை.
  • மின் வாகன பணிமனை.
  • நடமாடும் பழுது நீக்கும் மற்றும் மின் கலன் வழங்குதல்.
  • மின்வாகனங்கள் அங்கிகார விற்பனையாளர்கள்.
  • பெட்ரோல் டீசல் வாகனங்கள் அழிப்பு பணிமனை.
  • மின்வாகனங்கள் ஆலோசனை மையம் (வாகன பதிவு, உரிமம் மானியம், நிதியுதவி, இதர சேவைகள்).

இந்தியாவில் உற்பத்தி மற்றும் விற்பனையாகும் மின் வாகனங்கள்

மிதிவண்டிகள்: எலக்ட்ரான், ஹல்கா எலக்ட்ரோ, ஆம்பியர், பிஎஸ்ஏ மோட்டார், இ.பைக், எலக்ட்ரோதிராம், எக்கோ, இ. ட்ரியோ பைக், ஓ.எம்.ஓ பைக், ஸ்பீரோ, எனர்ஜி.

ஸ்கூட்டர்: காட்டி யவா, துன்வால் இ பைக், ஏதர் எனர்ஜி, பேட் ஆர்எஃப், கேஎல்பி கோம்பாகி, லைட் எக்ஸ் மோட்டார், ஒகினவா, பிலாட்டினா, ஷிமா இ வெக்கிள், என்.ஓ.எஸ்,

மோட்டார் சைக்கிள்: எஸ்.வி.எம். பைக், ஓ.கே. பிளே, ரெக்ஸ் நாமோ, ஆக்லோஸ், கேஎல்பி கோமாக்கி, ஏல்லி எலக்ட்ரான், வோல்டா, மகேந்திரா, ஓ.கே. பிளே,

சிற்றுந்து: எக்கோயான், மஹிந்திரா, டாடா ஏய்ஸ் எலக்ட்ரிக், அசோக் லேலேண்ட்.

பேருந்து: அசோக் லேண்ட், டாடா ஸ்டார் பஸ்,

படகு: ஆதித்யா.

தொடர்வண்டி: 1925 ஆண்டு முதல் மின் தொடர்வண்டி எந்திரத்தை இந்திய ரயில்வே துறை உற்பத்தி செய்து வருகிறது.

– க. கலைச்செல்வன், கம்பம் (9840650150)

பர்சனல் லோன்: எச்சரிக்கை தேவை

Valar
-
0
பர்சனல் லோன்: எச்சரிக்கை தேவை

பொருளாதார நெருக்கடிகளில் இருந்து சமாளிக்க ‘பர்சனல் லோன்’ எனப்படும் தனிநபர் கடனை நாடுவது பலரின் வழக்கம். அவ்வாறு கடன் பெறுவதற்கு முன்பு பின்வரும் செய்திகளைப் படித்துவிட்டு முடிவெடுங்கள்.

கடன் கேட்டு வங்கியை அணுகும் முன்பாக நம் பொருளாதாரத்தை பற்றித் தெளிவு வேண்டும். வங்கி விதிகளின்படி, நம்மால் முறையாக கடனை திரும்பச் செலுத்தமுடியுமா என்று பார்க்க வேண்டும்.

Also read: நகைக் கடனா? கவனம்

கடனை திருப்பிச் செலுத்த முடியாதவரையோ, சரியான வருமானம் இன்றி இருப்பவரையோ வங்கிகள் வரவேற்பது இல்லை. கடன் பெறுவதற்கான ‘கிரெடிட் ஸ்கோர்’ அடிக்கடி மாறிக்கொண்டே இருக்கும். இந்த ஸ்கோர் நிறைவாக இல்லாதபோது, கடன் மறுக்கப்பட அதிக வாய்ப்பு உள்ளது.

தனிநபர் கடனை ஒரு பாதுகாப்பற்ற கடனாகவே வங்கிகள் வைத்திருக்கின்றன. வங்கிக் கடன் புள்ளி விவரங்கள்படி, தனிநபர் கடன்கள்தான் அதிக வாராக்கடன்களாக உயர்ந்துள்ளன. எனவே, இக்கடனுக்கு 11 முதல் 16 சதவீதம் வரை வட்டி முடிவு செய்ய வாய்ப்பு உள்ளது. நீண்ட கால கடனா, குறுகிய காலக் கடனா என்பது தவணைத் தொகையைத் தீர்மானிக்கும் முக்கியக்காரணியாக உள்ளது. நல்ல கிரெடிட் ஸ்கோர், குறைந்த வட்டியை பெற்றுத் தரும்.

கடன் தொகையைப் பொறுத்து, வங்கிகளின் கட்டணங்கள் உயர வாய்ப்பு உள்ளது. எனவே, கூடுதலாக வசூலிக்கப்படும் கட்டணங்களையும், அதற்கு மேலும் விதிக்கக்கூடிய கட்டணங்களையும் கடன் வாங்குவதற்கு முன்பு கட்டாயம் கவனிக்க வேண்டும். இல்லை என்றால் கடன்தொகையில் ஒரு சிறு தொகையை இழக்க வேண்டி வரும்.

Also read: லெட்டர் ஆப் கிரடிட் தரும் பயன்கள்

தவணைக்காலம் தவறித் தாமதமாகப் பணம் கட்டுபவர்கள், அபராதம் செலுத்த வேண்டும். அது பண நெருக்கடியை மேலும் கூடுதலாக்கும். தவணை நாளில் வங்கிக் கணக்கில் போதுமான தொகை இருக்கிறதா என்று உறுதிப்படுத்திக்கொள்வதும் அவசியம் ஆகும்.

– த. செந்தமிழ்ச் செல்வன்

புறக்கணிக்க முடியாத ஆன்லைன் வணிகம்

Valar
-
0
புறக்கணிக்க முடியாத ஆன்லைன் வணிகம்

ஆன்லைன் வணிகம், கடையில் பொருட்கள் வாங்குவதை எளிதாக்கி உள்ளது. அதாவது, பொருள்களை தேடிச் செல்ல வேண்டியதில்லை. வீட்டிலிருந்து வாங்கலாம். மற்றும் பெரிய ஒப்பந்தங்களையும் பெறலாம். மின் வணிகம் பற்றி மேலும் இங்கு தெரிந்து கொள்ளலாம்.

ஆன்லைன் வணிகம்

ஆன்லைன் வணிகம் அல்லது மின் வணிகம் என்பது இணையத்தின் உதவியுடன் ஆன்லைனில் நடைபெறும் வணிக பரிவர்த்தனைகள் ஆகும். இ-பிசினஸ் என்ற சொல் 1996 ஆம் ஆண்டில் நடைமுறைக்கு வந்தது. மின் வணிகம் என்பது மின்னணு வணிகத்திற்கான சுருக்கமாகும். இங்கு வாங்குபவரும், விற்பனையாளரும் நேரடியாக சந்திப்பதில்லை.

Also read: வீட்டில் இருந்து செய்யக்கூடிய தொழில்கள்

வேகமாக வளர்ந்து வரும் இன்றைய உலகில், பல்வேறு வகையான மின் வணிகங்களை செய்து வருகிறோம். தற்போதைய உலகப் பொருளாதாரத்தில் ஆன்லைன் வணிகத்தை புறக்கணிக்க முடியாது.

ஆன்லைன் வணிகத்தின் சிறப்புகள்:

· அமைப்பது எளிது.

· புவியியல் எல்லைகள் இல்லை.

· பாரம்பரிய வணிகத்தை விட மிகவும் மலிவானது.

· நெகிழ்வான வணிக நேரம் உள்ளன.

· சந்தைப்படுத்துதலில் செலவு குறைவாக இருக்கும்.

· ஆன்லைன் வணிகம் அரசாங்கத்திடம் இருந்து மானியங்களைப் பெறுகிறது.

· சில பாதுகாப்பு மற்றும் ஒருமைப்பாடு சிக்கல்கள் உள்ளன.

· தனிப்பட்ட தொடர்பு இல்லை.

· வாங்குபவரும், விற்பனையாளரும் சந்திப்பதில்லை.

· தயாரிப்புகளை வழங்க நேரம் எடுக்கும்.

· பரிமாற்றம் பாதிப்பு உள்ளது.

· யார் வேண்டுமானாலும் எங்கிருந்தும் எதையும் வாங்கலாம்.

· பரிமாற்றம் பாதிப்பு பாரம்பரிய வணிகத்தை விட அதிகமாக உள்ளது.

ஆன்லைன் வணிகத்தின் வகைகள்

இப்போது, பல வகையான மின் வணிகங்கள் உள்ளன. அவை அனைத்தும் இறுதி நுகர்வோர் யார் என்பதைப் பொறுத்தது. மின்வணிகத்தின் வகைகள் பின்வருமாறு:

வணிகத்திலிருந்து வணிகத்திற்கு (பி 2 பி)

இரண்டு நிறுவனங்களுக்கிடையில் நடக்கும் பரிவர்த்தனைகளுக்கு கீழ் வருகின்றன. தயாரிப்பாளர்கள் மற்றும் பாரம்பரிய வர்த்தக மொத்த விற்பனையாளர்கள் பொதுவாக இந்த வகை மின் வர்த்தகத்துடன் செயல்படுகிறார்கள். மேலும், இது நிறுவனங்களின் செயல்திறனை பெரிதும் மேம்படுத்துகிறது.

வணிகத்திலிருந்து நுகர்வோர் (பி 2 சி)

ஒரு நுகர்வோர் ஒரு விற்பனையாளரிடம் இருந்து தயாரிப்புகளை வாங்கும்போது, அது நுகர்வோர் பரிவர்த்தனை வணிகமாகும். பிளிப்கார்ட், அமேசான் போன்றவற்றில் இருந்து ஷாப்பிங் செய்யும் நபர்கள் வணிக நுகர்வோர் பரிவர்த்தனைக்கு ஒரு சான்று ஆகும். அத்தகைய பரிவர்த்தனையில் இறுதி நுகர்வோர் விற்பனையாளரிடம் இருந்து நேரடியாக வாங்குகிறார்.

Also read: நல்ல லாபம் தரும் மறுசுழற்சிப் பொருட்கள் கடை

நுகர்வோர் முதல் நுகர்வோர் (சி 2 சி)

மற்றொரு நுகர்வோருக்கு தயாரிப்பு அல்லது சேவையை விற்கும் நுகர்வோர் இந்த பரிவர்த்தனையில் அடங்குவர். சான்றாக, மக்கள் விற்க விரும்பும் தயாரிப்புகளின் OLX இல் விளம்பரங்களை வைக்கின்றனர். சி 2 சி வகை பரிவர்த்தனைகள் பொதுவாக இரண்டாவது வகை தயாரிப்புகளுக்கு நிகழ்கின்றன. வலைத்தளம் என்பது பொருட்களை அல்லது சேவையை வழங்குவதில்லை.

நுகர்வோர் முதல் வணிகம் (சி 2 பி)

சி 2 பி பொருட்களை பரிமாறிக் கொள்ளும் பாரம்பரிய கொள்கைக்கு எதிராக உள்ளது. இந்த வகையான சேவைகள், தயாரிப்புகளைத் துல்லியமாகத் தேடும் நிறுவனங்களுக்கு தனிநபர்கள் சேவைகளை அல்லது தயாரிப்புகளை கிடைக்கச் செய்கின்றன.

நுகர்வோர் – நிர்வாகம் (சி 2 ஏ)

நுகர்வோர் – நிர்வாகம் என்பது தனிநபர்களுக்கும் பொது நிர்வாகத்திற்கும் இடையில் நடத்தப்படும் அனைத்து மின் பரிவர்த்தனைகளையும் உள்ளடக்கியது. சில சான்றுகள்: கல்வி – தகவல்களை பரப்புதல், தொலைதூர கற்றல், சமூக பாதுகாப்பு – தகவல்களை வழங்குதல், பணம் செலுத்துதல் போன்றவற்றின் மூலம் வரி – வரி வருமானம், உடல்நலம் – நியமனங்கள், நோய்கள் பற்றிய தகவல்கள், சுகாதார சேவைகளை வழங்குதல் போன்றவை.

வணிகத்திலிருந்து நிர்வாகம் (பி 2 ஏ)

இ-காமர்சின் இந்த பகுதி, நிறுவனங்கள் மற்றும் பொது நிர்வாகம் அல்லது அரசாங்கத்தால் நடத்தப்படும் அனைத்து பரிவர்த்தனைகளையும் உள்ளடக்கியது. மற்றும் அரசாங்கமும் அதன் மாறுபடும் நிறுவனங்களும் இதில் அடங்கும். மேலும், இ-அரசாங்கத்தில் செய்யப்பட்ட முதலீடுகளுடன் அண்மை ஆண்டுகளில் இந்த வகையான சேவைகள் அதிகரித்துள்ளன.

– த. செந்தமிழ்ச் செல்வன்

குப்பைகளைப் பிரித்து விற்பனை செய்யும் ஆப்

Valar
-
0
குப்பைகளைப் பிரித்து விற்பனை செய்யும் ஆப்

சென்னையில் மட்டும் நாள்தோறும் 5000 மெட்ரிக் டன் அளவுக்கு குப்பைகள் சேகரிக்கப்பட்டு அகற்றப்பட்டு வருகின்றன. வீடுகள், வணிக வளாகங்களில் இருந்து சேகரித்து அகற்றப்படும் குப்பைகளைப் பிரித்து அப்புறப்படுத்துவது என்பது சென்னை மாநகராட்சிக்கு மிகப்பெரிய கடினமான செயலாக இருக்கின்றது. எனவே சென்னையில் உருவாகும் குப்பைகளைப் பிரித்து விற்பனை செய்து பணமாக மாற்றும் இணையதளம் ஒன்றை சென்னை பெருநகர மாநகராட்சியும், நகர அமைப்பினரும் இணைந்து உருவாக்கியுள்ளனர்.

Also read: பிளாஸ்டிக் பைகளை விட தீங்கு நிறைந்தது பேப்பர் பைகள்

இந்த இணையதளம் மூலம் விற்பனையாளர் மட்டுமல்ல நுகர்வோரும் பலன் பெறலாம் என்று கூறப்பட்டுள்ளது. இதில், நம்மிடம் அதிக அளவில் தேங்கி இருக்கும் பிளாஸ்டிக் மற்றும் உலோகக் கழிவுகளைப் பற்றிய தகவல்களை பதிவு செய்தால், தேவையானவர்கள் குறிப்பிட்ட விலை கொடுத்து வாங்கிக் கொள்ளலாம். அதற்கு இதில் கணக்குத் தொடங்க வேண்டும். மேலும் விவரங்களுக்கு madraswasteexchange.com எனும் இணைய முகவரிக்குச் செல்லவும்.

– த. செந்தமிழ்ச் செல்வன்

மாடித் தோட்டம்: புதினா வளர்ப்பு

Valar
-
0
மாடித் தோட்டம்: புதினா வளர்ப்பு

புதினா சைவ மற்றும் அசைவ உணவுகளில் அதிகம் பயன்படக்கூடிய ஒரு தாவரமாகும். இது, மணம் நிறைந்த தாவரம் என்பதால் பிரியாணியில் அதிகம் பயன்படுத்துவார்கள்.

ஒரு மண்தொட்டியில் மண்புழு உரம் மற்றும் மணல் கலந்த கலவையை நிரப்பி அவற்றில் முற்றிய புதினா கீரையின் தண்டு பகுதியை 2 அங்குலம் அளவிற்கு நடவேண்டும். நடவு செய்த பின், சரியான நிழலும், சூரிய ஒளியும், தண்ணீரும் புதினா செடிக்கு கிடைக்கும் பட்சத்தில் மூன்று வார காலத்தில் நன்கு வளர்ந்து நிற்கும். செடியில் பூக்கள் பூப்பதற்கு முன் அறுவடை செய்ய வேண்டும். இல்லையெனில் இலைகள் பழுத்து உதிர்ந்து விடும்.

Also read : வெந்தயக்கீரை சாகுபடி

இதை பொறுத்தவரை, பூச்சிகள் மற்றும் நோய் தாக்குதல்கள் இருக்காது. எனவே, தினமும் காலை மற்றும் மாலை நேரங்களில் தண்ணீர் தெளிக்க வேண்டும். பிறகு அவற்றில் முளைத்திருக்கும் களைகளை அகற்ற வேண்டும்.

தொட்டியில் வளர்ந்த புதினா செடிகளை, முழுமையாக பிடிங்கி அறுவடை செய்யாமல், சிறிது தண்டுகளை விட்டுவிட்டு கட் செய்தால் மீண்டும் அவற்றில் தளிர்கள் விட தொடங்கும். இதன் மூலம் தொடர்ந்து இரண்டு வருடங்கள் வரை வளர்க்கலாம். அதன் பிறகு, புதிதாக தண்டுகளை நட்டு மீண்டும் புதினா செடிகளை வளர்க்கலாம்.

Also read: நகரத்துக்கு நடுவே ஒரு பசுமைத் தோட்டம்

புதினாவில் இரண்டு வகைகள் உள்ளன. ஒன்று ஸ்பியர் வகை புதினா, மற்றொன்று மிளகுக்கீரை இவை புதினா செடியின் தண்டு, நறுமண இலை, புத்துணர்ச்சியூட்டும் சுவை ஆகியவற்றால் வேறுபடுகிறது.

கடன் கேட்டு வருபவர்களுக்கு முன்வந்து உதவிய “எஸ் வங்கி” ராணா கபூர்

Valar
-
0
கடன் கேட்டு வருபவர்களுக்கு முன்வந்து உதவிய “எஸ் வங்கி” ராணா கபூர்

ராணா கபூர் தனது வங்கியில், கடன் கேட்பவர்கள் அனைவருக்கும் வழங்குவார். ஐந்து ஆண்டுகளுக்கு முன்பு, ஒரு கப்பல் நிறுவனத்தின் விளம்பரதாரர் ஒருவர் அளவுக்கு மீறி வாங்கிய திருப்பி கட்ட முடியாமல் தவித்துக் கொண்டிருந்தார்.

பெரிய தனியார் வங்கியில் கடன் வாங்கி இருந்தார். வாங்கிய கடனை திருப்பிச் செலுத்துவதற்கான காலம் முடிந்து விட்டது. கடன் தொகை, சுமார் 3.5 பில்லியன் ரூபாய் ஆகும். அவர், அணுகிய வங்கிகள் அனைத்தும் உதவ தயங்கின. எஸ் வங்கியின் தலைவரான கபூரை அணுகினால் வழி பிறக்கும் என தன் நண்பர் கூறியதைக் கேட்டு கபூரை சந்திக்க முயன்றார். சந்திக்க முடியவில்லை.

இரண்டு நாட்களுக்குப் பிறகு, எதிர்பாராத நிலையில், கபூரின் அலுவலகம் அவரை அணுகியது. கபூர், 2014 இன் பிற்பகுதியில், மும்பையின் சிறந்த குடியிருப்புகளில் ஒன்றான ஆல்டமவுன்ட் சாலையில் ஒரு கட்டிடத்தை வாங்கினார். ஏனெனில், சந்திப்புகளுக்கு அவரது அபார்ட்மெண்ட் சிறிய இடமாக இருந்தது. முகேஷ் அம்பானியின் வீட்டுக்கு அருகில் அமைந்துள்ள அடுக்குமாடித் தொகுதியை ரூ. 1.28 பில்லியன் செலுத்தி வாங்கினார். பிறகு, அதை இடித்து விட்டு ஒரு பங்களாவைக் கட்டும் திட்டமும் அவருக்கு இருந்தது.

Also read: வங்கி மோசடிகளை குறைக்க

கப்பல் நிறுவனத்தின் விளம்பரதாரருடன் அந்த மாலை நேரத்தில் உரையாடல் நிகழ்ந்தது. எந்த வங்கியும் அவருக்கு உதவ முன்வராத போது கபூர், அவருக்கு பணம் கொடுக்க முடிவு செய்தார். ஓரிரு நாட்களில் பணம் விளம்பரதாரரின் கணக்கில் ஏற்றப்பட்டது.

‘ராணா கபூர்’ வங்கி வட்டாரங்களில் ஒரு வேறுபாடான மனிதராக விளங்கினார். நிலக்கரி உரிமங்கள் ரத்துசெய்யப்பட்ட போது, மின்சாரத் துறைகளுக்கு கடன் வழங்கினார். எஸ் வங்கி, கபூர் நிறுவப்பட்ட நிறுவனம் ஆகும். ஆனால் தற்போது, அவரிடம் இல்லை.

1998 இல் ரேடோ இந்தியா நிதி உருவாக்க, அசோக் கபூர் மற்றும் ஹர்கிரத் சிங் உடன் கைகோர்த்தார். இது ஒரு NBFC ஆகும். NBFC என்பது ஒரு வங்கி சாரா நிதி நிறுவனம்(NBC) ஆகும். நிறுவனங்கள் சட்டம், 1956 இன் கீழ் பதிவுசெய்யப்பட்டது. இது கடன்கள் மற்றும் முன்னேற்றங்கள், பங்குகள், பத்திரங்கள், கடனீடுகள், பத்திரங்கள் கையகப்படுத்தல், குத்தகை, வாடகை கொள்முதல், காப்பீடு முதலானவைகளை உள்ளடக்கியது. 2003 ஆம் ஆண்டில், கபூர் மற்றும் சிங் தங்கள் பங்குகளை விற்றனர்.

அதே ஆண்டில், அவர்கள் உரிமத்தைப் பெற்றனர். 2004 ஆம் ஆண்டில், எஸ் வங்கி செயலில் இருந்து விலகி இருந்தது. சிங் பிரிந்து செல்ல முடிவு செய்திருந்தார். அது இப்போது, அசோக் கபூர் மற்றும் கபூர் பொறுப்பில் விடப்பட்டது. கபூர் தலைவராகவும், அசோக் கபூர் தலைமை நிர்வாக அதிகாரியாகவும், ஒரு நாளைக்கு வங்கியை இயக்கும் வேலைகளுடன் பொறுப்புகள் தெளிவாகப் பிரிக்கப்பட்டன. 2008 இல் டயஸ்டர் தாக்கும் வரை, இருவருமே நன்கு நிர்வகித்தனர். அந்த ஆண்டு மும்பை பயங்கரவாத தாக்குதலில் அசோக் கபூர் கொல்லப்பட்டார். அன்றில் இருந்து எஸ் வங்கி கபூரின் கைக்கு மாறியது.

அந்த சந்திப்பின் போது, கபூர் வங்கி சரியான பாதையில் இருப்பதை தெளிவுபடுத்தினார். கடன் வாங்குபவரை ஒருபோதும் விடக்கூடாது என்பது கபூரின் வியாபார தந்திரம். வங்கி வட்டாரங்களில் ஒரு நிலையான நகைச்சுவை என்னவெனில், கட்டண வருமானத்தில் கபூர் ஒருபோதும் சமரசம் செய்ய மாட்டார். ஒவ்வொரு கால் ஆண்டின் முடிவிலும் அந்த கட்டிடத்தின் வலிமையைப் பொறுத்து கூடுதல் கடன் அனுமதிக்கப்பட்டுள்ளதாக கடன் வாங்குபவருக்கு அழைப்பு விடுக்கப்படும். ஒவ்வொரு காலாண்டிலும் ரூ .3 பில்லியனுக்கும் அதிகமான கட்டண வருமானம் பதிவாகும்.

இது கபூரின் வங்கி. எனவே, அவர் விரும்பிய வழியில்தான் அதை இயக்குவார். முன்னாள் எஸ் வங்கி அதிகாரிகள் கூறுகையில், “ராணா ஒரு உரைச் செய்தியை அனுப்புவதன் மூலம் ஒரு உறவு மேலாளரை நீக்குவது மிகவும் சாதாரணமானது” என்கின்றனர். கடனை வழங்கும்போது, கபூர் தான் தொழிலதிபருடன் உட்கார்ந்து சிறிய விவரங்களை அலசுவார். “விளம்பரதாரர் களை நேரடியாகக் கையாள்வது மற்றும் சிறிய ஒப்பந்தங்களில் கூட அவர் தன்னை ஈடுபடுத்திக் கொள்வார்.

Also read: காசோலை திருப்பம்: இடைக்காலமாக 20% சட்டம்

ஒரு பெரிய உள்கட்டமைப்பு குழுவின் திட்ட விரிவாக்கத்திற்கு ரூ .20 பில்லியன் தேவைப்பட்டது. அதன் பாரம்பரிய கடன் வழங்குநர்கள் கடுமையான விதிமுறைகளை நடைமுறைக்கு கொண்டு வந்தனர். இரண்டு மூன்று கூட்டங்களில் கடன் அனுமதிக்கப் பட்டதோடு மட்டுமல்லாமல், தற்போதைய வடிவத்தில் இந்த திட்டத்தைப் பார்க்க விரும்புவதும் இல்லை. குழுவில் ஒரு மூத்த அதிகாரி கபூரை “மிகவும் வழக்கத்திற்கு மாறான வங்கியாளர்” என்று நினைவு கூர்ந்தார். இப்போது வசூலிக்கப்பட்டுள்ள 13 சதவீத வட்டி விகிதம் மற்றவர்களுடன் ஒப்பிடும்போது, வட்டி விகிதம் 15-16 என்ற அளவில் அதிகமாக இருந்தது.

அசோக் கபூர் காலமானதும், அவரது மனைவி தன் மகள் ஷாகுனை எஸ் வங்கி குழுவில் பரிந்துரைக்க விரும்பினார். அது நடக்கவில்லை. பின், ஷாகுனுக்கு இடமளிக்கப்பட்டபோது, இந்த ஆண்டின் தொடக்கத்தில், இது நீண்ட போராக மாறியது.

வராக் கடன் சிக்கல்கள்

எஸ் வங்கியால் வெளியிடப் பட்ட வராக் கடன் அளவைவிட மத்திய வங்கியின் வராக் கடன் அளவு பல மடங்கு அதிகமாக இருந்தது. மேலும், 2016 மற்றும் 2017 ஆண்டுகளிலும் இந்தப் போக்கே தொடர்ந்தது. அண்மையில் நடைபெற்ற இந்திய ரிசர்வ் வங்கியின் தணிக்கையில், எஸ் பேங்க் கடன் வழங்கும் நடைமுறைகளின்மீது குற்றச்சாட்டுக்கள் எழுந்ததாகக் கூறப் படுகிறது. இதன் தொடர்ச்சியாக, எஸ் பேங்க் தலைவர் ராணா கபூருக்கு மூன்றாண்டு பணி நீட்டிப்பு செய்யும் முடிவை இந்திய ரிசர்வ் வங்கி நிராகரித்தது. எஸ் வங்கி 1,200 கிளைகளின் நிறுவப் பட்ட நெட்வொர்க் ஆகும். அது ரூ .400 பில்லியன் சில்லறை வர்ததகங்களை கொண்டுள்ளது. நன்கு இணைந்த கார்ப்பரேட் நிறுவன உறவுமுறை உள்ளது. எஸ் வங்கிக்கு, கடன் வாங்கியவர்களிடம் இருந்து திரும்பி வரவேண்டிய தொகை அதிகமாக உள்ளது. மேலும் வங்கி பழைய நிலைக்கு மீண்டும் வரும் என்று கருதப்படுகின்றது. கபூரின் கொள்கைகளான “வைரங்கள்” விரைவில் புதிய வளர்ச்சியை அடையும்.

– த. செந்தமிழ்ச் செல்வன்

சிறு, குறு நிறுவனங்களுக்கு பதிவு செய்தால் தான் சலுகையா?

Valar
-
0
சிறு, குறு நிறுவனங்களுக்கு பதிவு செய்தால் தான் சலுகையா?

மிககுறைந்த முதலீட்டில் வியாபார நடவடிக்கைகளில் ஈடுபடும் நிறுவனங்களை சிறு, குறு மற்றும் நடுத்தர நிறுவனங்கள் (Micro small and medium Enterprise) என்று அழைக்கப்படுகிறது. சிறு, நடுத்தர நிறுவனங்களின் மேம்படுத்துதல் (MSMED) சட்டம் 2006 ஆனது இவைகளை உற்பத்தி நிறுவனங்கள் என்றும் சேவை நிறுவனங்கள் என்றும் இரண்டாக வகைப்படுத்துகின்றது. அதாவது, தொழில் மேம்படுத்துதல் சட்டம் 1951 இன் படி, பொருளை உற்பத்தி செய்யும் அல்லது உற்பத்தியில் ஈடுபட்டுள்ள நிறுவனங்களை உற்பத்தி நிறுவனங்கள் என வரையறுக்கப் படுகின்றது. சேவை வழங்கு வதில் ஈடுபட்டுள்ள நிறுவனங்கள் சேவைத் துறை நிறுவனங்கள் என வரையறுக்கப்படுகின்றது.

மேலும், எந்திரங்களின் மொத்த மதிப்பு இருபத்தைந்து இலட்சத்திற்கு மிகாமல் இருப்பவை மிகச் சிறிய உற்பத்தி நிறுவனங்கள் என்றும், எந்திர மதிப்பு இருபத்தைந்து இலட்சத்திற்கு மேல் இருந்தால் சிறு உற்பத்தி நிறுவனங்கள் என்றும், மதிப்பு ஐந்து கோடிக்கு மேல் ஆனால் பத்து கோடிக்கு மிகாமல் இருப்பவை நடுத்தர உற்பத்தி நிறுவனங்கள் என்றும் இந்த சட்டம் வரையறுக்கின்றது.

Also read: நிறுவனங்களின் சட்டம் 2013, நன்மைகளும் விதிவிலக்குகளும்

சேவைத்துறையில் ஈடுபடும் நிறுவனங்கள் பயன்படுத்தும் கருவிகளின் முதலீடுகள் பத்து இலட்சத்திற்கு மிகாமல் இருப்பவை மிகச் சிறிய சேவைத்துறை நிறுவனங்கள் என்றும், பயன்படுத்தும் கருவிகளின் முதலீடுகள் பத்து இலட்சத்திற்கு மேல் ஆனால் இரண்டு கோடிக்கு மிகாமல் இருப்பவை சிறு சேவைத்துறை நிறுவனங்கள் என்றும், பயன்படுத்தும் கருவிகளின் முதலீடுகள் இரண்டு கோடிக்கு மேல் ஆனால் ஐந்து கோடிக்கு மிகாமல் இருப்பவை நடுத்தர சேவைத்துறை நிறுவனங்கள் என்றும் இந்த சட்டம் வரையறுக்கின்றது. குறு, சிறு, நடுத்தர நிறுவனங்கள், தொழிலகங்கள் மேம் படுத்துதல் சட்டம் 1951 இன்படி பதிவுசெய்து கொள்ளவேண்டும்

சிறு தொழில்கள் மேம்பாட்டு வங்கி (Small Industries Development Bank Of India), குறு, சிறு, நடுத்தர நிறுவனங்களின் துறை அமைச்சகத்தால் அறிமுகபடுத்தப்பட்டு நடைமுறையில் உள்ள கடன் உத்திரவாத திட்டம் ஆகியவற்றின் கீழ் பதிவுசெய்யும் நிறுவனங்கள் தேவையான கடன்வசதிகளை பெறமுடியும். மேலும், MSME ஆக பதிவுபெற்ற நிறுவனங்கள் ISO சான்றிதழ் பெறுவதற்காக செலவிட்ட தொகையை இந்திய அரசிடம் இருந்து திரும்ப பெற்று கொள்ளமுடியும். அதுமட்டும் அல்லாது, MSME ஆக பதிவுபெற்ற நிறுவனங்கள் பயன்படுத்தும் மின்சாரத்திற்கு கட்டண சலுகைகளை பெறமுடியும் அதனோடு இவ்வாறான நிறுவனங்களிடம் இருந்து பொருட்களை சேவைகளை பெறும் நிறுவனங்கள் ஆகியவற்றிற்கான தொகையை 15 நாட்களுக்குள் வழங்கவேண்டும். தவறினால், அதிகபட்சம் 45 நாட்களுக்கு மேல் செலுத்த வேண்டும். மேலும், இந்திய அரசின் தொழில்துறை ஊக்குவிப்பு மானியத் தொகையை பெறமுடியும்.

– ச. குப்பன்

கால்நடைகள், கோழி வளர்ப்பு: சில பொதுவான செய்திகள்

Valar
-
0
கால்நடைகள், கோழி வளர்ப்பு: சில பொதுவான செய்திகள்

கோழி வளர்ப்பு: முட்டை கோழி பண்ணை, கறிக்கோழி பண்ணை, நாட்டு கோழி பண்ணை.

ஆடு வளர்ப்பு: செம்மறி ஆடு வளர்ப்பு, வெள்ளாடு வளர்ப்பு.

மீன் வளர்ப்பு: பேன்சி மீன் வளர்த்தல், உண்கின்ற மீன்கள் வளர்த்தல், மருந்துகள் மற்றும் தடுப்பூசி தொடர்பான தொழில்கள்.

கோழி வளர்ப்பு:

முட்டை கோழி வளர்ப்பு சிறிய அளவிலான ப்ராஜெக்ட்

சுமார் 5000 முட்டைக் கோழிகள் வளர்ப்பதற்கான கோழி பண்ணை அமைப்பதற்கான செலவு 12,50,000 ஆகும். நீளம் 120 அடி அகலம் 30 அடி இருக்க வேண்டும்.

ஒரு முட்டை உற்பத்தி செய்ய உண்டாகும் செலவு விவரம்:

ஒருநாள் முதல் 16 வாரம் வரை சுமார் நான்கு மாதங்கள் வரை 0.66 ps

வளர்ப்பு செலவு + தினசரி தீவனச் செலவு 2.75 ps

முட்டை கோழி விற்பதால் கிடைக்கும் லாபம் ஒரு முட்டைக்கு 0.32 ps

கோழிப்பண்ணை முதலீட்டுக்கான வட்டி செலவு (12.5 Lacs 10% Bank interest/ annum) 0.10 ps

இதர செலவு 0.15 ps

Also read: முயலுக்கு கொடுக்க வேண்டிய தீனிகள்

உற்பத்தி செலவு 3.34 ps

ஒரு முட்டை சராசரி விலை 3.65 ps

நிகர லாபம் 0.31 ps

தினமும் 4000 முட்டைகள் உற்பத்தி செய்யும்போது ஒரு நாளைக்கான வருமானம் Rs. 1240.

ஒரு மாதத்திற்கான வருமானம் Rs. 37,200.

ஒரு ஆண்டிற்கான வருமானம் Rs. 5,02,200.

கறவை மாட்டினங்கள்:

உள்நாட்டு கறவை இனங்கள்: சிவப்பு சிந்தி, தார்பார்க்கர், சாகிவால், கிர்.

வெளிநாட்டு கறவை இனங்கள்: ஜெர்சி, ஹோல்ட்டியன், பிரிசியன்.

உள்நாட்டு எருமை இனங்கள்: முர்ரா, சுர்தி, பாதாவாரி, ஜாப்ராபாடி, மேஹ்சானா, நாக்புரி.

கறவை மாடுகளை தேர்வு செய்தல்: அதிக பால் உற்பத்தி தரக்கூடிய கலப்பின பசுக்கள், முதல் அல்லது இரண்டாம் ஈற்று மாடுகள். அகன்ற வயிற்று பகுதியுடன் நீளமான உடலமைப்பு, பளபளப்பான கண்கள், மினுமினுப்பான தோல் மற்றும் ஈரமான நாசிப்பகுதி. பால் மடி பஞ்சு போன்று நன்கு விரிந்து உடலோடு ஒட்டி இருக்க வேண்டும். மடியின் இரத்த நாளங்கள் படைத்து, வளைந்து நெளிந்து இருக்க வேண்டும். பால் கறந்தபின், மடி சுருங்கி விடவேண்டும். மடிக்காம்பு நான்கும் சம இடைவெளியில் ஒரே அளவு இருத்தல். மாடுகள் சுறுசுறுப்பாக அசை போட வேண்டும். கன்று ஈன்ற 10 முதல் 15 நாட்களுக்குப் பிறகு மாடுகளை வாங்க வேண்டும்.

கறவை மாடுகளுக்கு கொட்டகை அமைத்தல்:

ஒரு வரிசை கொட்டில், இரு வரிசை தலையும், தலையும் பார்க்கும்படி, இருவரிசை வாலும், வாலும் பார்க்கும்படி. மேடான இடத்தில் கொட்டகை. 10-15 மாடுகளுக்கு ஒற்றை வரிசை முறை. 15 மாடுகளுக்குமேல் வால்-வால் அமைப்பில் இரு வரிசை. ஒரு மாட்டிற்கு 60 சதுரஅடி இட வசதி. கொட்டகையின் நீளவாட்டம் கிழக்கு மேற்காக அமைத்தல். தரைப்பகுதி வழுக்காமல் சிமெண்ட் கான்க்ரீட் கொண்டு அமைத்தல். தரைப்பகுதியில் மாடு நிற்கும் இடத்தில் 40 அங்குலத்திற்கு ஒரு அங்குலம் அளவிலும், கழிவு நீர்க்கால்வாயில் 60 அங்குலத்திற்கு 1 அங்குலம் வரையிலும் சரிவு கொடுக்க வேண்டும்.

கொட்டகைச் சுகாதாரம் மற்றும் கோடை கால பராமரிப்பு:

உயர் அழுத்த நீர் தெளிப்பான், கொட்டகையின் கூரையின் மேல் நீர் தெளிப்பான், மாட்டின்மேல் நீர் திவளை தெளிப்பான், கொட்டகையினுள் மின்விசிறி, கொட்டகையினுள் மின்விசிறியுடன் திவளை நீர்த்தெளிப்பான், இரப்பர் மேட்.

கறவை மாடுகளில் சினைத்தருண அறிகுறிகள்:

மாடு அமைதியின்றி காணப்படும். அடிக்கடி அடிவயிற்றில் இருந்து கத்திக் கொண்டு இருக்கும். தீவனத்தில் நாட்டம் இருக்காது. பிறப்பு உறுப்பில் இருந்து கண்ணாடி போன்ற நிறமற்ற வழுவழுப்பான திரவம் வடியும். பிறப்பு உறுப்பின் வெளிப்பகுதி தடித்து சிவந்து இருக்கும். வாலை ஒதுக்கிக் கொண்டு இருக்கும். அடிக்கடி சிறுநீர் கழிக்கும். மாடுகள் மேல் தாவும், மற்ற மாடுகளை தன்மேல் தாவ அனுமதிக்கும். பால் அளவு சற்று குறையும்.

கறவை மாடுகளின் இனப்பெருக்க மேலாண்மை:

கலப்பின கிடேரிகள் 9 முதல் 18 மாதங்களில் சினைப் பருவத்திற்கு வரும். பருவமடைந்த மாடுகள் 18 முதல் 21 நாட்களுக்கு ஒருமுறை சினைப்பருவத்திற்கு வரும். சினைப் பருவம் தொடங்கி சுமார் 8 முதல் 16 மணிநேரம் வரையில் உள்ள மைய சினைத்தருணம் மாடுகளை சினைப்படுத்துவதற்கு ஏற்ற காலமாகும். பொதுவாக காலையில் பருவத்திற்கு வரும் மாட்டை மாலையிலும், மாலையில் பருவத்திற்கு வரும் மாட்டை மறுநாள் காலையிலும் கருவூட்டல் செய்வது நலம். சினைப்பருவத்திற்கு வந்த 8 முதல் 16 மணி நேரத்தில் செயற்கை முறை கருவூட்டல் செய்ய வேண்டும். சினைத்தருண அறிகுறிகள் 24 மணி நேரத்திற்கு மேல் நீடித்தால் இரண்டாவது முறையும் கருவூட்டல் செய்யலாம். கருவூட்டல் செய்த மாடுகளை 60 நாட்கள் கழித்து சினைப் பரிசோதனை செய்ய வேண்டும். தொடர்ந்து மூன்று முறை கருவூட்டல் செய்தும் சினையாகாத மாடுகளுக்கு தக்க சிகிச்சை மேற்கொள்ளல் வேண்டும்.

Also read: குறைந்த முதலீட்டில் வெள்ளாடு வளர்க்கலாம்

கறவை மாடுகளுக்கு சினைப்பருவ ஒருங்கிணைப்பு:

கறவை மாடுகளில் தீவன சத்துப்பற்றாக்குறை இருக்கக் கூடாது. கறவை மாடுகளுக்கு தினமும் 30 கிராம் தாது உப்புக்கலவை அவசியம் கொடுக்க வேண்டும். கறவை மாடுகளுக்கு குடற்புழு நீக்கம் செய்ய வேண்டும். கறவை மாடுகளில் இனப்பெருக்க உறுப்பு குறைபாடுகள் இருக்கக் கூடாது. கன்று ஈன்ற பின் 60 -90 நாட்களுக்குள் மாடுகளை சினைப்படுத்த வேண்டும்.

கறவை மாடுகளுக்கு அடர்தீவனம் அளித்தல்:

உடல்நிலை பராமரிப்பிற்கு ஒரு கறவை மாட்டிற்கு தினமும் 1.5 கிலோ அடர் தீவனம் தேவைப்படும்.

தினசரி சுமார் 2.5 லிட்டர் பால் கொடுக்கும் கறவை மாட்டிற்கு 1.5 கிலோ தீவனம் போதும். 2.5 லிட்டருக்கு மேல் பால் கொடுக்கும் மாட்டிற்கு ஒரு கிலோ சேர்த்து கொடுக்க வேண்டும்.

சினை மாடுகளுக்கு உடல் எடையை பொறுத்து தினமும் 1.0-1.5 கிலோ அடர் தீவனம் கூடுதலாக கொடுக்க வேண்டும்.

பால் வற்றி சினையின்றி உள்ள மாட்டிற்கு 1.5 கிலோ போதுமானதாகும்.

கறவை மாடுகளுக்கு பசுந்தீவனம்:

புல்வகை தீவனம்: கம்புநேப்பியர் ஒட்டுப்புல் (கோ.4), கினியாப்புல் (கோ.3)

தானியவகை தீவனம்: சோளம் (கோ.எஃப்.எஸ்.29), மக்காச் சோளம் (ஆப்பிரிக்கன் நெட்டை).

பயறுவகை தீவனம்: வேலி மசால், குதிரை மசால்.

மரவகை தீவனம்: அகத்தி, சூடாபுல்.

மாடுகளுக்கு அவற்றின் உடல் எடையில் 2.0 முதல் 2.5 சதவிகிதம் உலர் பொருள் தேவைப்படும். மாட்டின் எடையில் ஒவ்வொரு 100 கிலோ கிராம் எடைக்கும், 1.0 கிலோ உலர்ந்த தீவனமும், 5.0 கிலோ பசுந்தீவனமும் கொடுக்க வேண்டும். கொடுக்கும் தீவனங்களில் மூன்றில் ஒரு பங்கு பயறு மற்றும் மர வகை இருக்க வேண்டும்.

பதப்படுத்தப்பட்ட பசுந்தீவனம் – ஊறுகாய் புல்:

கோடைகாலங்களிலும், தீவனப் பற்றாக்குறை காலங்களிலும் தீவனத்தைப் பதப்படுத்தி கொடுக்கலாம். சோளம், மக்காச்சோளம், கம்பு மற்றும் கோ 4 ஆகிய பசுந்தீவனங்களை பூக்கும் பருவத்தில் அறுவடை செய்து பதப்படுத்தி ஊறுகாய் புல் தயாரிக்கலாம். அறுவடை செய்த பசுந்தீவனத்தை 3 முதல் 4 மணிநேரம் உலரவிட்டு 4 அல்லது 5 செ.மீ நீளமுள்ள துண்டுகளாக வெட்ட வேண்டும். சிறு துண்டுகளாக வெட்டப்பட்ட பசுந்தீவனத்தை சிமெண்ட் தொட்டியிலோ அல்லது மண்குழியிலோ காற்றுப்புகாமல் நிரப்ப வேண்டும். இடையில் யூரியா, உப்பு மற்றும் கரும்புச் சக்கரைப்பாகு ஆகியவற்றை தூவ வேண்டும். பின், அதன் மீது பாலிதின் பேப்பரை விரித்து அதன்மேல் மண்ணை கொட்டி காற்று போகாதவாறு பூசி மூடவேண்டும். மூன்று மாதங்களுக்கு பிறகு, அதை பயன்படுத்த தொடங்கலாம்.

மாடுகளின் எடையை கண்டறிதல்:

மாடுகளின் எடையை கணிக்க உடல் நீளம், மார்பு சுற்றளவு ஆகியவற்றை அங்குலத்தில் எடுக்க வேண்டும். உடல் எடையை கிலோகிராமில் அறிய உடல் நீளமுடன் மார்புச் சுற்றளவைப் பெருக்க 600ஆல் வகுத்தால் அறியலாம்.

எடையை பவுண்டில் அறிய உடல் நீளத்தை மார்புச் சுற்றளவுடன் பெருக்கி 300ஆல் வகுக்க வேண்டும். கன்றுகளுக்கு ஒருவார வயதிற்குள் கொம்புக் குருத்தை நீக்கி கொம்பு வளர்வதை தடுக்கலாம். இறைச்சிக்காக வளர்க்கப்படும் காளைக் கன்றுகளை 8 முதல் 10 வார வயதில் பர்டிசோ கருவி மூலம் ஆண்மை நீக்கம் செய்யலாம்.

கறவை மாட்டுப் பண்ணை கருவிகள்:

தீவனப்புல் வெட்டும் எந்திரம், தீவனப்புல் அறுக்கும் எந்திரம், பசுந்தீவனம் வெட்டவும், தீவன மூலப்பொருட்கள் அரைக்கவும் பயன்படும் எந்திரம், வைக்கோல் கட்டி தயாரிக்கும் எந்திரம், பால்கறவை எந்திரம் சாணம் சேர்க்கும் ஊர்தி, தானியங்கி நீர் தொட்டி.

மாடுகளை தாக்கும் நோய்கள், அறிகுறிகள் மற்றும் தடுப்பு முறைகள்:

அடைப்பான் நோய்: இதன்மூலம் மாடுகள் திடீரென்று இறக்கும், இறந்தவுடன் ஆசனவாய், நாசித்துவாரம் மற்றும் வாயிலிருந்து கருஞ்சிவப்பு இரத்தம் வரும். இதை தடுக்க 6-வது மாதத்தில் தடுப்பூசி போட வேண்டும். பின்னர், ஆண்டு ஒருமுறை தடுப்பூசி போட வேண்டும்.

கோமாரி நோய்: உதடுகளின் உட்புறம், ஈறுகள், மேல்தாடை, நாக்கின் பின்புறம் கொப்புளங்கள் உண்டாகி உடைந்து, வலியினால் மாடு தீவனம் உட்கொள்ளாது. கும்புகளுக்கிடையேயும் கொப்புளங்கள் தோன்றுவதால் இரணமாகி மாடு நொண்டும். இந்த நோயைத் தடுக்க 3 வது மாதத்தில் நோய்த் தடுப்பூசி போட வேண்டும். பின்னர், ஆறு மாதங்களுக்கு ஒருமுறை தடுப்பூசிப் போட வேண்டும்.

Also read: கமலா ஆரஞ்சு எப்படி பயிரிடப்படுகிறது?

சப்பை நோய்: மாடுகளின் இடுப்பு மற்றும் தொடைப் பகுதிகளில் வீக்கம் ஏற்பட்டு இறந்து விடும். இதற்கு கன்றுகளுக்கு 5 வது மாதத்தில் தடுப்பூசி போட்டபின், ஆண்டிற்கு ஒருமுறை தடுப்பூசிப் போட வேண்டும்.

தொண்டை அடைப்பான் நோய்: தொண்டையின் அடிப்பகுதியில் வீக்கம் ஏற்பட்டு மாடுகள் மூச்சுவிட சிரமப்பட்டு இறந்துவிடும். தடுக்க, கன்றுகளுக்கு 6 வது மாதத்தில் முதல் தடுப்பூசி போட்டபின், ஆண்டிற்கு ஒருமுறை போடவேண்டும்.

காசநோய்: மாடு மிகவும் இளைத்து மெலிந்து காணப்படும். தொடர்ந்து உடல் எடை குறையும். நோயுற்ற மாடுகளைப் பிரித்து அப்புறப்படுத்தி சிகிச்சை அளிக்க வேண்டும்.

கறவை மாடுகளில் மடிநோய் மற்றும் அறிகுறிகள்:

கன்று ஈன்ற மாடுகளில் காம்பு மற்றும் மடி வீங்கிச் சிவந்து காணப்படும். தொட்டால் மாட்டிற்கு வலிக்கும். பால் மஞ்சளாக இரத்தம் கலந்து வரும். வீக்கம் குறைந்த மாடுகளில் பார் திரிதிரியாக இருக்கும்.

கறவை மாடுகளில் மடிநோய் தடுப்பு:

கிருமி நாசினி மருந்து கொண்டு தொழுவத்தை சுத்தம் செய்தல். தரையை உலர்ந்த நிலையில் வைத்தல். இரண்டு வாரத்திற்கு ஒருமுறை பாலைப் பரிசோதனை செய்து நோய் உள்ளதா என கண்டறிதல். பால் மடிகளில் தேங்கக் கூடாது. பால் கறந்தபின் காம்பின் துவாரம் 30 நிமிட நேரம் வரை திறந்திருப்பதால் மாடுகள் படுக்கும் தருவாயில், கிருமிகள் மடிக்குள் சென்று மடிநோயை ஏற்படுத்தும். எனவே மாடுகள் படுக்காமல் இருக்க தீவனம் கொடுப்பதன் மூலம் மடிநோயை வராமல் தடுக்கலாம்.

கறவை மாடுகளுக்கு வழக்கில் இல்லாத தீவனப் பொருட்களை அளித்தல்:

மரவள்ளிக் கிழங்கு திப்பி, புளியங்கொட்டை, பார்லிக் கழிவு, முந்திரிப் பழம், கரும்புத் தோகை மற்றும் சக்கை, கழிவுப் பஞ்சு.

100 லிட்டர் பாலில் இருந்து கிடைக்கும் பால் பொருட்கள்:

கெசின்: 6.8 கிலோ பசு, 7.5 கிலோ எருமை.

கொழுப்பு நீக்கிய பால்: 90.2 லி பசு, 85.5 லி எருமை.

பன்னீர்: 11.0 கிலோ பசு, 14.0 கிலோ எருமை.

– டாக்டர் வி. சி. பழனிச்சாமி, பிவிஎஸ்., சாணார் பாளையம், வில்லரசம் பட்டி, ஈரோடு, (9449025866)

அஞ்சலக ஆயுள் காப்பீடு: குறைந்த பிரீமியம், அதிக போனஸ்!

Valar
-
0
அஞ்சலக ஆயுள் காப்பீடு: குறைந்த பிரீமியம், அதிக போனஸ்!

1884-ம் ஆண்டு பிப்ரவரி மாதம் முதலே ஆயுள் காப்பீட்டு பாலிசிகளைஅஞ்சல் அலுவலகங்கள் வழங்கி வருகின்றன. அஞ்சல் அலுவலகங்களில் எடுக்கப்படும் ஆயுள் காப்பீட்டு பாலிசிகளுக்கு அதிக போனஸ் கிடைக்கும் என்பதால்தான் பலரும் இதில் சேர்ந்து பலனடைந்து வருகின்றனர். தற்போது, அதிகபட்ச காப்பீட்டுத் தொகை ரூ.50 லட்சமாகவும், குறைந்தபட்ச காப்பீட்டுத் தொகை 20,000 ரூபாயாகவும் உயர்த்தப்பட்டுள்ளது.

Also read: அஞ்சலகம் குறித்த கால வைப்பு திட்டம்

அஞ்சல் ஆயுள் காப்பீட்டுத் திட்டங்கள் அரசு ஊழியர்கள், நகர்ப்புற, கிராமப்புற மக்களுக்கு பயனளிக்கக் கூடியதாக அமைக்கப்பட்டுள்ளது. இதில் இரண்டு வகையான திட்டங்கள் உள்ளன. ஒன்று, அஞ்சல் ஆயுள் காப்பீட்டுத் திட்டம் (PLI). இரண்டாவது, கிராமிய அஞ்சல் ஆயுள் காப்பீட்டுத் திட்டம் (RPLI). முதல் திட்டத்தில் அரசு மற்றும் அரசு உதவியுடன் நடைபெறும் நிறுவனங்களின் ஊழியர்கள், அனைத்து தனியார் கல்வி நிறுவனங்கள், வங்கி ஊழியர்கள், NSC/ BSC களால் வகைப்படுத்தப்பட்ட தனியார் கம்பெனி ஊழியர்கள் ஆகியோர் சேரலாம். இரண்டாவது திட்டத்தில் கிராமப் பகுதிகளில் வசிக்கும் அனைவரும் பாலிசி எடுத்துக் கொள்ளலாம்.

மற்ற நிறுவனங்களின் ஆயுள் காப்பீட்டுத் திட்டங்களைவிட அஞ்சல் அலுவலகங்களில் அளிக்கப்படும் ஆயுள் காப்பீட்டுத் திட்டங்களில் பல சிறப்புகள் உண்டு.
மற்ற இன்சூரன்ஸ் திட்டங்களைவிட குறைந்த பிரீமியம். அதிக போனஸ் ஒரு வருடத்துக்கு சுமார் ரூ.1,500 ஆகும். கட்டும் பிரீமியத்துக்கு வருமான வரிச் சலுகை உண்டு. முதிர்வுத் தொகைக்கு முழு வரி விலக்கு உண்டு.

பணியிலிருந்து விலகி விட்டாலும் பாலிசியைத் தொடரலாம்.

Also read: அஞ்சலக சேமிப்புக் கணக்குகளுக்கு ஏடிஎம், டெபிட் கார்டுகள்

குறைந்தபட்ச காப்பீட்டு தொகை ரூ.20,000. அதிகபட்சம் ரூ.50 லட்சம் வரை ஆகும். ஒருவர் எத்தனை பாலிசிகள் வேண்டுமானாலும் எடுக்கலாம்.

பிரிமீயத்தை இந்தியாவில் எந்த அஞ்சலகத்திலும் செலுத்தலாம். ஆன்லைன் மூலமாகவும் செலுத்தலாம்.

– த. செந்தமிழ்ச் செல்வன்

இலவசமாக விளம்பரம் செய்ய உள்ள வழிகள்

Valar
-
0
இலவசமாக விளம்பரம் செய்ய உள்ள வழிகள்

மாரிசாமி ஊமைத்துரை:

தற்போது எனக்கு 25 வயது. சொந்தத் தொழில் தொடங்கி உள்ளேன். அதை அடுத்த கட்டத்துக்குக் கொண்டு செல்ல முயற்சி செய்துகொண்டே இருக்கிறேன் ஆனால் வணிகர்களிடம், வாடிக்கையாளர் களிடம் கொண்டு செல்லும்போது பெரும்பாலும் அனைவரும் ”பார்க்கலாம்.., பார்க்கலாம்..” என்றே கூறுகின்றனர். சந்தைப் படுத்துவது பெரும் சவாலாக இருக்கிறது. உழைக்க தயாராக உள்ளேன். சந்தைப்படுத்துவதற்கான உங்கள் ஆலோசனைகள் என்ன?

Also read: வணிக உறவு வலைப்பின்னல் வணிகத்தை அதிகரிக்கும்

பொறியாளர் பழனிச்சாமி, குவைத்:

தற்போது உள்ள வணிக சந்தையில் உங்கள் பொருட்களை சந்தைப்படுத்து வதற்கு சமூக வலைத் தளங்களைப் பயன்படுத்தலாம். முகநூலில் உள்ள நீங்கள் உங்களுடைய பொருட்களை சந்தைப்படுத்த முகநூல் இலவசமாக வழங்கும் தனிப் பக்கங்கள் எதையாவது தொடங்கி உள்ளீர்களா? இல்லை எனில் அதை முதலில் செய்யுங்கள்.

கூகுள் வழங்கும் இலவச வலைப்பூ (blog) ஒன்றை தொடங்குங்கள். கூகுள் இலவசமாக வழங்கும் லோக்கல் பிசினஸ் (Google Local Business) பக்கம் ஒன்றை தொடங்கி உங்களது சேவை குறித்து அல்லது உற்பத்திப் பொருள் குறித்து விளம்பரப் படுத்துங்கள். கூகுள் வழங்கும் இலவச ஒரு பக்க இணைய தளத்தை உருவாக்கி அதிலும் விளம்பரப்படுத்துங்கள்.

தனியாக ஒரு இணைய தளத்தை (வெப்சைட்) தொடங்கி, கூகுளில் யாராவது உங்கள் சேவை அல்லது பொருள் தொடர்பாக தேடும்போது அந்த கூகுள் தேடுபொறியில் (Google Search Engine) முதல் பக்கத்தில் வரும்படி நிலைநிறுத்துங்கள். இதற்கு செர்ச் எஞ்சின் ஆப்டிமைசேஷட் தொழில் நுட்பத்தைப் (SEO) பயன்படுத்த வேண்டும். Pinterest ல் உங்கள் பொருள் பற்றி இலவசமாக விளம்பரம் செய்ய முடியும்.

Also read: பால் உற்பத்தியைப் பெருக்கும் தீவன ரகங்கள்

இனி வரும் பத்து ஆண்டுகளில் சந்தை முழுவதையும் இணையமே ஆளும். ஏனென்றால் நம் அடுத்த தலைமுறை உள்ளங் கையிலேயே உலகத்தைத் தேடி தங்களுடைய அனைத்து தேவைகளும் ஒரு சுட்டியில் (click-ல்) தன் வீட்டு வாசல்படியில் வந்து நிற்க வேண்டும் என்ற நிலைக்குச் சென்று கொண்டு இருக்கிறது.

இது எதையுமே பொத்தாம் பொதுவாக உங்களுக்கு சொல்லவில்லை. நான். வளைகுடா நாடுகளில் இந்த வழிகளைப் பயன்படுத்தி நாள்தோறும் நூற்றுக் கணக்கானோரிடம் தொழில் செய்து வருகிறேன்.

1...192021...59Page 20 of 59