பெரிய நகரங்களில் ஒவ்வொரு ஏரியாவிற்கும் அந்த பகுதியை சார்ந்த விளம்பரங்களுடன் இலவச செய்தி இதழ் வாரம் ஒரு முறை வரும். இப்படி வெளிவரும் பல செய்தித்தாள்கள் சிக்கல்களால் நின்றுவிடுவதும் உண்டு. ஆனால், அவற்றில் புதுமைகளை புகுத்தினால் கண்டிப்பாக வெற்றி பெற முடியும் என்றும், தங்கள் பகுதி மக்களுக்கு செய்திகளுடன் பலவித விருதுகளையும் வழங்கி பலவித செயல்களை செய்து வருகிறார் திரு. சுகுமார் சுவாமிநாதன் அவர்கள்.

அவர் கூறியதாவது, “ஒரு செய்தி நிறுவனத்தில் வேலை செய்து வந்தேன். பிறகு சொந்தமாக தொழில் செய்ய விரும்பி அந்த நிறுவனத்தில் இருந்து விலகி பல நிறுவனங்களுக்கு கிராஃபிக்ஸ் டிசைன் செய்து தரும் பணியை தொடங்கினேன். வெளி நாட்டு நிறுவனங்களுக்கும் வேலை செய்து தந்தேன். இருந்தாலும் விளம்பர இதழ் நடத்தவேண்டும் என்ற எண்ணம் இருந்து கொண்டே இருந்தது. எங்களுடைய பகுதியான சென்னை, கொளத்தூரில் தொடர்ச்சியாக இலவச இதழ்கள் வருவதில்லை. அதற்கு நிறைய நடைமுறை சிக்கல்கள் இருந்தாலும் புதுமையாக செய்தால் நிச்சயம் இதில் வெற்றி பெற முடியும் என்ற நோக்கத்தில் 2015ஆம் ஆண்டு முதல், கொளத்தூர் மெயில் என்ற மாத இதழை வெளியிட தொடங்கினேன்.

Also read: அறிவியல் போட்டியில் வெற்றி பெற்ற, தமிழக மாணவி ‘நாசா’வுக்கு செல்கிறார்!

தொடக்கத்திலேயே ஒரு உறுதி எடுத்துக்கொண்டேன். மக்களை ஏமாற்றும் விளம்பரங்கள், அலுவலகமே இல்லாமல் முகவரி கொடுக்கும் விளம்பரங்கள், MLM என்று சொல்லப்படுகிற நெட்வொர்க் மார்க்கெட்டிங் போன்றவற்றை தவிர்த்து சரியாக இயங்கி கொண்டு இருக்கும் நிறுவனங்களில் இருந்து மட்டுமே விளம்பரம் பெற வேண்டும் என்ற உறுதி மொழி எடுத்து இன்று வரை அவற்றை பின்பற்றி வருகிறேன். மொத்தம் எட்டு பக்கங்கள் கொண்ட செய்தித்தாள் வெளியிடுகிறேன். அதில், அந்த பகுதி செய்திகளை வெளியிடுவதால் மக்கள் தங்கள் வட்டாரத்தில் நடக்கும் நிகழ்ச்சிகளை பற்றிய தகவல்களை வழங்குகிறார்கள். நாட்டில் நடப்பதை கொடுப்பதற்கு எண்ணற்ற செய்தி நிறுவனங்கள் உண்டு. ஆனால், வட்டார செய்திகளை வெளியிடும் நிறுவனங்கள் இல்லை என்றே சொல்லலாம். அந்த இடத்தை கொளத்தூர் மெயில் நிறைவு செய்கிறது. இவற்றைத் தவிர பல்வேறு விருதுகளை சிறப்பாக செயல்படுபவர்களுக்கு வழங்கி வருகிறோம்.

கொளத்தூர் மற்றும் சுற்றுவட்டார பகுதியில் சிறப்பாக செயல்படும் பெண்களுக்கு நம்பிக்கை நட்சத்திரம் விருதும், இளைஞர்களுக்கு மற்றும் ஓவியம், கட்டுரை, கவிதை போன்றவற்றில் சிறப்பாக இயங்கும் சிறுவர் சிறுமியர்களுக்கு young star விருதும், சமூகத்திற்கு தொண்டு செய்து வரும் அனுபவமிக்க மனிதருக்கு வாழ்நாள் சாதனையாளர் விருதும், சிறந்த மனிதருக்கு ஐகான் ஆஃப் தி இயர் விருதும், கொலு போட்டி, கோலப் போட்டி, சமையல் குறிப்பு போட்டி போன்ற வற்றில் வெற்றி பெரும் பெண்களுக்கு அவர்களை உற்சாகபடுத்துவதறான விருதும், குறிப்பாக சிறந்த தம்பத்தினருக்கு சிறந்த தம்பதியார் மற்றும் குடும்பம் விருதும் கொடுத்து சிறப்பித்து வருகின்றோம். கடந்த ஆண்டு ஐகான் ஆஃப் தி இயர் விருது-2018 பிரேம் நாத் என்பவர் பெற்றார். 2014 ஆண்டு லிபியா நாட்டின் கடலில் நடந்த மீட்பு பணியில் 80 உயிர்களை காப்பாற்றிய இவர் கொளத்தூர் பகுதியில் ரோபோடிக்ஸ் தொழில்நுட்பத்தை அரசு பள்ளி மாணவர்களுக்கு இலவசமாக சொல்லி கொடுக்கிறார். விருதுகள் மனிதர்களுக்கு உற்சாகம் தரும் என்பதால் இந்த பகுதி மக்கள் உற்சாகமாகவும், சிறப்பாகவும் செயல்படுகிறார்கள்.

Also read: டேட்டா சென்டர்களை இங்கேயே அமைக்க வேண்டும்!

அச்சு செய்திதாள் மட்டும் இல்லமால் யூடியூப் சேனல் வழியாக செய்திகளை கொடுக்கிறேன். வாட்சாப் வழியாக M.Paper என்று சொல்லப்படுகிற மொபைல் செய்திதாளும் அனுப்புவதால் அச்சு செய்தி தாள் பார்க்க முடியாதவர்கள் இவற்றை படிக்க தொடங்குகிறார்கள். இப்போது, எளிமையாக கணினி இயக்குவதற்கான பயிற்சியை கற்றுக் கொடுத்து வருகிறேன். உயர் பதவியில் இருந்து ஓய்வு பெற்ற பலருக்கு கணினியை இயக்க சிக்கல் இருப்பது உண்மை. அவர்கள் எளிமையாக புரிந்து கொள்ளும் வகையில் கற்றுக் கொடுப்பதால் பலர் மகிழ்ச்சி அடைந்து உள்ளனர். கணினி பயிற்சி கொடுப்பதற்கு என்று தனியாக ஒரு அலுவலகம் எடுத்து உள்ளேன். M.Sc Psychology முடித்து உள்ளதால் Mind Power Training சொல்ல படுகின்ற நம்மால் ஒரு வேளையில் முழுமையாக கவனம் செலுத்தி செய்து வெற்றி பெற முடியும் என்பதற்கான பயிற்சியை கொடுத்து வருகிறேன். இவை மூன்று நாட்கள் நடைபெறும். இதன் மூலம் சிறுவர்களால் நன்கு படிக்கவும், மனதை ஒருமுகபடுத்தவும் முடியும்.

கொளத்தூர் மெயில் மூலம் மக்களுக்கு விருதுகள், எளிமையாக கணினி பயிற்சி, மாணவ-மாணவிகளுக்கு mind power training போன்றவை நடத்தி வருவதால் அனைத்து தரப்பு மக்களையும் சந்தித்து வருகிறேன். ஒரு இலவச செய்தித்தாள் நடத்துவதில் ஏற்படும் பொருளாதார சிக்கல்கள் எனக்கும் ஏற்பட்டது. இருந்தாலும், இந்த பகுதி மக்களின் நம்பிக்கையை பெற்று உள்ளதால் இந்த இதழுக்கு விளம்பரங்கள் வருகின்றன. கடந்த ஐந்து ஆண்டுகளாக நடத்திவருவதால் அனைத்து ஏற்ற இறக்கங்களையும் சந்தித்து உள்ளேன். இன்று கொளத்தூர் பகுதி மக்களின் மனதில் சிறந்த இடத்தை பிடித்து உள்ளேன். இவற்றை தக்கவைக்க இன்னும் கடுமையாக, அதே நேரம் நேர்மையாக உழைக்கவேண்டும் என்று செயல்பட்டு கொண்டு இருக்கிறேன்” என்று கூறினார் திரு. சுகுமார்.

– செழியன். ஜா

சாலை­க­ளில் வாக­னங்­கள் அதி­க­ரிக்க, அதி­க­ரிக்க காற்று மாசும் அதி­க­ரிக்­கி­றது. இந்த காற்று மாசால் உடல்­ ந­லமும் பாதிக்­கப்­ப­டு­கி­றது. காற்­றில் கலந்­துள்ள பி.எம்.2.5 எனும் மெல்­லிய துகள் கார­ண­மாக ஆஸ்­துமா, நுரை­யீரல் அடைப்பு நோய், மூச்­சுக் குழாய் அழற்சி, நுரை­யீரல் புற்­று­நோய் போன்ற நோய்­கள் ஏற்படுகின்றன. டீசல், பெட்­ரோல் போன்ற எரி­பொ­ரு­ளில் இயக்கப்படும் வாக­னங்­கள், 2.5 மெல்­லிய துகள்­கள் காற்­றில் கலந்து மாசு ஏற்­ப­டுத்­து­வ­தற்கு கார­ண­மாக உள்ளன.

காற்­றில் மாசு ஏற்­ப­டு­வ­தை­ தடுக்கவும், போக்­கு­வ­ரத்து நெரி­சலை குறைக்­கப்­ப­தற்­கான முயற்­சி­யிலும் ‘யூலு’ (Yulu) என்ற நிறுவனம் ஈடு­பட்­டுள்­ளது. இதன் நிறு­வ­னர் அமித் குப்தா(43) கூறு­கை­யில், “நாங்­கள் தொழில்­நுட்­பத்தை பயன்படுத்தி காற்று மாசு­விற்கும், போக்­கு­வ­ரத்து நெரிசலுக்கும் தீர்வு காண­வேண்­டும் என்று கருதுகின்றோம். இதற்கு மின்­சா­ரத்­தால் இயங்­கும் வாகனங்கள்தான் சிறந்த தீர்வு. இத­னால் காற்­றில் மாசு ஏற்­ப­டாது. பெரிய நக­ரங்­க­ளுக்கு எங்­கள் மின்­சார வாகனங்கள் சிறந்த உதா­ர­ண­மாக இருக்­கும்” என்று தெரிவித்தார்.

யூலு நிறு­வ­னம் இரண்டு வித­மான இரு சக்­கர வாகனங்களை அறி­மு­கப்­ப­டுத்­தி­ உள்­ளது. யூலு மூவ் என்பது நவீன சைக்­கிள். யூலு மிரே­சில் என்­பது மின்சாரத்தால் இயங்­கும் பைக் அதை இ-பைக் என­லாம். இந்த மின்­சார பைக் லித்­தி­யம் அயன் பேட்­ட­ரி­யில் இயங்­கு­கி­றது. சென்ற மார்ச் மாதம், புதிதாக பேட்­ட­ரியை மாற்­றிக் கொள்­ளும் வச­தி­யும் அறிமுகப்படுத்தி உள்ளது. இதில், அதிகபட்சம் மணிக்கு 25 கி.மீட்­டர் வேகத்­தில் செல்ல முடியும். ஒரு முறை பேட்­டரி சார்ஜ் செய்­தால் 60 கி.மீட்­டர் வரை செல்­ல­லாம்.

Also read: பிரவுசிங் சென்டர்களில் இவற்றையும் செய்யலாம்!

யூலு சைக்­கிள், மின்­சா­ரத்­தால் இயங்­கும் இ-பைக், சைக்கிள் பயன்­ப­டுத்த வாடகை கட்­ட­ணம் செலுத்த வேண்­டும். முதன் முறை ஆப் மூலம் பதிவு செய்து கொள்ள வேண்­டும். இதற்கு டெபா­சிட்­டாக ரூ.250 செலுத்த வேண்டும். இந்த டெபா­சிட்டை திரும்ப வாங்­கிக் கொள்ளலாம். இ-பைக்­கிற்கு முத­லில் ரூ.10 கட்­ட­ணம் வசூ­லிக்­கின்­ற­னர். அடுத்து ஒவ்­வொரு 10 நிமிட பயன்பாட்டிற்கும் கட்­ட­ண­மாக ரூ.10 செலுத்த வேண்­டும். சைக்­கி­ளுக்கு முதல் 30 நிமி­டத்­திற்கு ரூ.10 கட்­ட­ணம் செலுத்த வேண்­டும். அதன் பிறகு, ஒவ்­வொரு 30 நிமிடத்திற்கும் ரூ.5 கட்­ட­ணம் விதிக்­கப்­படு­கி­றது. இதை புறப்­பட்ட இடம் என்று இல்­லா­மல் எந்த இடத்­தி­லும் விட்டுச் செல்­ல­லாம். இரவு வைத்­துக் கொள்ள வேண்­டும் எனில் தனி­யாக கட்­ட­ணம் செலுத்த வேண்­டும்.

சென்ற ஆண்டு 2018 ஜன­வரி முதல் யூலு நிறு­வ­னம் சைக்கிள், இ-பைக்கை அறி­மு­கப்­ப­டுத்­தி­யுள்­ளது. இவற்றின் பயன்­பாட்­டால் 935 டன் கரி­ய­மில வாயு காற்றில் கலப்­பது தடுக்­கப்­பட்­டுள்­ள­தாக கூறு­கி­றது. யூலு வாக­னங்­கள் ஓடிய மொத்த தூரத்தை கணக்­கிட்டு, அதே தூரம் பெட்­ரோல், டீசல் போன்ற எரி­பொ­ரு­ளால் வாகனங்கள் ஓடி இருந்­தால், ஏற்­ப­டும் காற்று மாசுவை கணக்­கிட்­டுள்­ளது.

யூலு நிறு­வ­னத்தை தொடங்­கிய அமித் குப்தா, 2000ல் கான்­பூர் ஐ.ஐ.டி யில் மெக்­கா­னி­கல் பட்­டம் பெற்­ற­வர். “இப்­போ­து­தான் நான் படித்த படிப்பு பயன்­ப­டு­கி­றது” என்கிறார் அமித் குப்தா. இவர் மொபைல் போன் ஆப் போன்­ற­வை­க­ளை­யும், புதிய கண்­டு­பி­டிப்­பு­கள் சேவைகளை உரு­வாக்­கும் இன்­மொப் என்ற நிறுவனத்தை தொடங்­கி­ய­வர்­க­ளில் ஒரு­வர். இவர் 2017ல் யூலு நிறு­வ­னத்தை தொடங்­கு­வ­தற்­காக, அதில் இருந்து வில­கி­னார். யூலு நிறு­வ­னம் அறி­மு­கப்­ப­டுத்­தி­யுள்ள சைக்கிள், இ-பைக் எவ்­வாறு மக்­க­ளுக்கு பயன்­ப­டு­கி­றது என்று பார்ப்­போம்.

பெங்­க­ளூ­ரைச் சேர்ந்­த­வர் ரோகன் மிட்­டல் நண்பர்களுடன் காபி சாப்­பிட்டு பேசிக் கொண்­டி­ருந்­தார். அவர் வாடகை காருக்­காக நீண்ட நேரம் காத்­தி­ருந்­தார். ஆனால் கார் வர­வில்லை. அப்­போ­து­தான் முதன் முறையாக யூலு சைக்­கிள், இ-பைக் பற்றி கேள்விப்பட்டார். அதில் இருந்து கடந்த எட்டு மாதங்களாக யூலு சைக்­கி­ளை­தான் பயன்­ப­டுத்­து­கி­றார். தின­சரி 20 கி.மீட்­டர் பய­ணம் செய்­யும் ரோகன் மிட்­டல், நீங்­கள் எப்­போ­தா­வது யூலு சைக்­கிளை ஓட்டி இருக்கிறீர்களா? இது மிக நன்­றாக உள்­ளது என்கிறார். இவர் யூலு சைக்­கிளை விரும்ப மற்­றொரு காரணம், இதன் வடி­வ­மைப்பு என்­கின்­றார். யூலு நிறு­வ­னத்­தி­னர் வாடிக்கையாளர்களின் கருத்து அறிந்து, நவீ­னப்­ப­டுத்­திக் கொண்டே உள்­ள­னர். சொந்­த­மாக சைக்­கிளை வாங்குவதைவிட, யூலு சைக்­கிள் பயன்படுத்தவே விரும்புகின்றேன். உங்­க­ளுக்கு பிடித்த சைக்­கிள் கிடைப்பது கடினம் மட்­டு­மல்ல, அதை பரா­ம­ரிக்க வேண்டும் என்­கின்­றார் ரோகன் மிட்­டல்.

Also read: நிலக்கரி சாம்பல் மொத்த விற்பனையில் அசத்தும், நஜ்முன்னிசா

நாங்­கள் முதன் முத­லில் சைக்­கிள், இ-பைக் அறிமுகப்படுத்தும் போது, இதை பற்றி அர­சி­டம் சரி­யான கொள்கை இல்லை. தற்­போது மத்­திய அரசு காற்று மாசுவை குறைக்­க­வும், மின்­சா­ரத்­தால் இயங்­கும் வாகனங்களை அறி­மு­கப்­ப­டுத்­த­வும் கொள்கை­களை அறி­மு­கப்­ப­டுத்­தி­யுள்­ளது. ஹைப்ரிட் வாக­னங்­கள், மின்சாரத்தால் இயங்­கும் வாக­னங்­க­ளுக்­கான கொள்­கைளை அறி­மு­கப்­ப­டுத்­தி­யுள்­ளது.

இந்த வாக­னங்­கள் இயக்­கு­வ­தில் உள்ள சிக்கல்களை கண்­ட­றிந்து, அவை­க­ளுக்கு தீர்­வு­ காண யூலு நிறுவனத்தைச் சேர்ந்­த­வர்­கள் முயற்சி மேற்கொண்டுள்ளனர். இந்த ஆண்டு இ-பைக் அறிமுகப்படுத்திய பிறகு, இதை சார்ஜ் செய்ய போதிய சார்ஜ் ஸ்டேஷன்­கள் இல்லை என்­பதை உணர்ந்­த­னர். எனவே, சிறிய சார்ஜ் ஸ்டேஷ­ன்களை வடி­வ­மைத்து, டெக் பார்க், வண்­டி­கள் நிறுத்­து­மி­டம், மற்ற கடை­கள் ஆகியவற்றின் அரு­கில் நிறு­வி­யுள்­ள­னர். வாடிக்­கை­யா­ளர்­க­ளுக்கு உதவ 160 ஊழி­யர்­க­ளும் உள்­ள­னர். பேட்­ட­ரியை பாது­காப்­பாக வைப்­ப­தற்கு ஏற்ற வகை­யில் வடி­வ­மைத்­துள்­ள­னர்.

2018ல் பெங்­க­ளூ­ரில் யூலு நிறு­வ­னம் சைக்­கிள், இ-பைக் வாட­கைக்கு விட தொடங்­கி­யது. பூனா, மும்­பாய், புவனேஷ்வர் ஆகிய நக­ரங்­க­ளி­லும் சேவையை தொடங்கி உள்ளது. இதன் சேவையை 15 லட்­சம் பேர் பயன்படுத்துகின்றனர். தற்­போது, இந்­தி­யா­வில் யூலு நிறுவனம் மிக அதிக அளவு சைக்­கிள், இ-பைக் வாடகைக்கு விடும் நிறுவனமாக உள்­ளது. இது 8,500 சைக்­கிள், 2,500 இ-பைக் வாட­கைக்கு விடு­கி­ன்றது. அடுத்த ஆண்டு இறு­திக்­குள் மேலும் 50 நக­ரங்­க­ளில் சேவையை அறி­மு­கப்­ப­டுத்த உள்ளது.

“எங்­கள் சேவையை பெரிய நக­ரங்­க­ளி­லும், சுமார்ட் சிட்டிகளிலும் அறி­மு­கப்­ப­டுத்­து­வதே எங்­கள் இலக்கு. 2022க்குள் பத்து லட்­சம் இ-பைக்­குகளை அறி­மு­கப்­ப­டுத்த திட்­ட­மிட்­டு உள்­ளோம். தகுந்த கூட்டு நிறு­வ­னத்­து­டன் இணைந்து வெளி­நா­டு­க­ளி­லும் அறி­மு­கப்­ப­டுத்த திட்டமிட்டு உள்ளோம்” என்று அமித் குப்தா தெரி­வித்­தார்.

– த. செந்தமிழ்ச் செல்வன்

ஆலன் மைக்கேல் சுகர் என்பவர், பிரிட்டன் தொழிலதிபர், ஊடகப் பிரபலம், அரசியல்வாதி மற்றும் அரசியல் ஆலோசகராவும் திகழ்ந்தவர். 2016 இல் 1.15 பில்லியன் மதிப்புடன் 95வது பணக்கார நபராக இடம்பிடித்தார். இவர் கூறிய, வெற்றிக்கான பத்துக் குறிப்புகள்.

உங்களுக்கு முன் அனுபவம் இருக்கும் தொழிலைத் தொடங்குங்கள். இந்த அனுபவம் ஒரு நிறுவனத்தில் நீங்கள் வேலை பார்த்ததின் மூலம் பெற்றதாக இருக்கலாம் அல்லது உங்களது பொழுதுபோக்கின் மூலம் கிடைத்த அனுபவமாக இருக்கலாம்.

சந்தைப்படுத்துவதற்கு முன், தொழிலுக்கான சந்தையை முழுவதும் ஆராய்ந்து பாருங்கள். சந்தையில் உங்கள் தொழிலை போன்ற மற்ற தொழில்கள் இல்லை என்பதை உறுதிசெய்யுங்கள். உங்கள் தொழிலை ஒத்த தொழில் நிறுவனங்கள் ஏற்கனவே இருக்குமென்றால், வாடிக்கை யாளர்கள் உங்களிடம் ஏன் வாங்க வேண்டும்? என்று ஆராய்ந்து பாருங்கள்.

Also read: இவர்கள் தரும் வெற்றிக்கான குறிப்புகள்

உங்கள் தொழில் சார்ந்த வல்லுநர்களிடம் மட்டும் கலந்து பேசுங்கள்.

முறையான தொழில் திட்டத்தை உருவாக்குங்கள். இந்த தொழில் திட்டம் நீங்கள் எந்த திசையில் செல்ல வேண்டும் என்பதை காட்டும் மற்றும் சந்தையை புரிந்துகொள்வதற்கு உதவும். மற்றவர்கள் செயலை தீவிரமாக செய்ய உதவும்.

ஒவ்வொரு அடியாக வையுங்கள். நடக்க முடியும் முன் ஓட முயற்சிக்க வேண்டாம். சிறியதாக தொடங்குங்கள். ஒன்று கிடைத்தபின் அடுத்த அடியை வைத்து வளருங்கள்.

பின்னடைவுகளுக்கு தயாராக இருங்கள். உங்கள் திட்டத்தில் நம்பிக்கை, நோக்கத்தில் உறுதி, தீவிர உணர்ச்சி கொண்டிருந்தால் உங்களுக்கு வெற்றி கிடைக்கும்.

உங்களுக்கென்று தனித்துவமான பாணியை கண்டுபிடியுங்கள். அது புதியதாக இருக்கவேண்டும் என்பதில்லை. பல விஷயங்கள் முன்பே செய்தவைதான். செய்யும் விதத்தை சிறந்ததாக செய்யுங்கள்.

Also read: எப்போதும் நம்பிக்கை தருபவராக இருங்கள்!

வங்கிகள் உங்களுக்கு பணம் கொடுப்பார்கள் என்று எதிர்பார்க்க வேண்டாம். தொழிலில் உங்கள் பணத்தை போடுங்கள். தொழிலில் துணிகர முயற்சி எடுக்க தயாராக இருப்பதை அவர்களுக்கு நிரூபியுங்கள். நீங்கள் தொழிலில் எவ்வளவு தீவிர ஈடுபாடு கொண்டு இருக்கிறீர்கள் என்பதை அவர்களுக்கு உணர்த்தினால், தயக்கம் குறைந்து பணத்தை கொடுப்பார்கள்.

பல்வேறு ஆதாரங்களில் ­­இருந்து அறிவுரைகளை பெறுங்கள்.

சாதாரணமாக இருங்கள். உங்களுக்கு தோன்றிய ஐடியா சிறந்தது என்று நினைக்கலாம். ஆனால் அந்த ஐடியா யாருக்காவது தேவைப்படுமா, செலவு குறைந்ததா, நடைமுறையில் செயல்படுத்த முடியுமா? என்பதை சிந்தியுங்கள்.

– த. செந்தமிழ்ச் செல்வன்