அமெரிக்காவும், சீனாவும் வர்த்தகத்தில் முனைப்பாக ஈடுபட்டு வருகின்றன. இதனை ஒரு வர்த்தகபோர் என்று கூட சொல்லலாம். இந்த சூழலை சாதகமாகப் பயன்படுத்தி செயற்கை பஞ்சு கலந்த ஆயத்த ஆடை ஏற்றுமதியில் கவனம் செலுத்துவதன் மூலம் வேலைவாய்ப்புகள் இந்தியாவில் அதிகரிக்கலாம் என்று ஜவுளித் தொழில் முனைவோர் கருத்து தெரிவிக்கின்றனர்.

உலக அளவில், ஆயத்த ஆடை சந்தையில் மிக முக்கியமாக கருதப்படுவது அமெரிக்க சந்தையாகும். சீனா மீது அமெரிக்கா தொடுத்துள்ள வர்த்தகப் போரால், அங்கு சீனாவின் ஏற்றுமதி ஆதிக்கம் குறைந்து அந்த வணிகவாய்ப்பு மற்ற நாடுகளுக்கு கிடைக்கத் தொடங்கியுள்ளது.

Also read: ஏற்றுமதி தொழில் முனைவோர்களின் வர்த்தக நிலை

நடப்பு ஆண்டின் சனவரி மாதம் முதல் ஆகஸ்ட் மாதம் வரையிலான 8 மாத காலத்தில் அமெரிக்கா 57,308 பில்லியன் டாலர் (இந்திய மதிப்பில் சுமார் ரூ. 4 லட்சம் கோடி) இறக்குமதி செய்துள்ளது. கடந்த ஆண்டு இதே கால அளவைக் கணக்கிட்டால், 5.76 சதவீதம் அதிகமாகும்.

அமெரிக்க சந்தையில் சீனா 30 சதவீதத்தைக் கைப்பற்றி முதல் இடத்தில் இருந்தாலும் நடப்பு ஆண்டில் வளர்ச்சிவீதம் 1.99 சதவீதம் மட்டுமே. இதே காலகட்டத்தில் 16 சதவீத சந்தையை கைப்பற்றியுள்ள வியட்நாம் இரண்டாவது இடத்தில் இருந்தாலும் 12 சதவீத வளர்ச்சியை எட்டியுள்ளது. மூன்றாவது இடத்தில் இருக்கும் வங்கதேசம் 12 சதவீத வளர்ச்சியை எட்டியுள்ளது. ஐந்தாவது இடத்தில் இருக்கும் இந்தியா 5 சதவீத மதிப்பைக் கைப்பற்றி 8 சதவீத வளர்ச்சியை எட்டி உள்ளது.

புதிய வேலைவாய்ப்புகளை உருவாக்குவதில் ஆயத்தஆடை துறை முன்னிலை வகிக்கிறது. இந்தியாவின் ஏற்றுமதி வளர்ச்சி அடைந்தால், அதிக அளவில் வேலைவாய்ப்புகள் உருவாகும். கடந்த ஆண்டைக் காட்டிலும் வியட்நாம் ரூ. 7 ஆயிரம் கோடியும், வங்கதேசம் ரூ. 3100 கோடியும் அதிகம் ஏற்றுமதி செய்துள்ளன. ஆனால், இந்தியா ரூ. 1500 கோடி மதிப்பிலான ஆயத்த ஆடைகளை மட்டுமே ஏற்றுமதி செய்து வளர்ச்சியில் 3-ம் இடத்தைப் பிடித்து உள்ளது.

அமெரிக்க சந்தையில் பருத்தி சார்ந்த ஆயத்த ஆடைகளும், செயற்கை பஞ்சு கலந்த ஆடைகளும் ஏறத்தாழ சம அளவில் இறக்குமதி செய்யப்படுகின்றன. பருத்தி சார்ந்த ஆயத்த ஆடை வளர்ச்சியில் 10.58 சதவீத வளர்ச்சியை இந்தியா எட்டி இருந்தாலும், செயற்கை பஞ்சு கலந்த ஆடைகள் ஏற்றுமதியில் பின்தங்கியே உள்ளது. அமெரிக்கா, சீனா வர்த்தகப் போரின் முழுப் பலனையும் இந்தியா பெறவேண்டுமெனில் செயற்கை பஞ்சு கலந்த ஆடை ஏற்றுமதியில் மிகுந்த கவனம் செலுத்த வேண்டும்.

இதுகுறித்து, இந்திய ஜவுளித் தொழில் முனைவோர் கூட்டமைப்பின் ஒருங்கிணைப்பாளர் பிரபு தாமோதரன் கூறி இருப்பதாவது, அதிக அளவில் திருப்பூர் நிறுவனங்கள் ஐரோப்பிய ஆயத்த ஆடை சந்தையையே சார்ந்துள்ளன. இந்த வர்த்தகப்போரை முறையாக பயன்படுத்தி அமெரிக்கா வர்த்தகத்திலும் கவனம் செலுத்த வேண்டியது அவசியமாகும்.

Also read: தேயிலை தோட்ட சுற்றுலா

செயற்கை பஞ்சு கலந்த ஆயத்த ஆடை ஏற்றுமதியில் அமெரிக்காவின் சந்தையில் இந்தியா 2.7 சதவீதம் மட்டுமே பங்கு வகிக்கிறது. கடந்த 8 மாதங்களில் வளர்ச்சி, இந்த ஆடை வகையில் இல்லை. ஏறத்தாழ 27.485 மில்லியன் டாலர் மதிப்பிலான செயற்கை பஞ்சு ஆடைகளில் அமெரிக்க இறக்குமதி சந்தையில், இந்தியாவின் பங்கு 755 மில்லியன் டாலர் மட்டும்தான். ஒட்டுமொத்த இந்திய ஆயத்த ஆடை ஏற்றுமதி பெரிதும் வளராமல் போனதற்கு இது முக்கிய காரணமாகும். எனவே, செயற்கை பஞ்சு கலந்த ஆயத்த ஆடை ஏற்றுமதியில் கூடுதல் கவனம் அவசியம். இது தொடர்பான ஜிஎஸ்டி வரி வீதங்களில் மாற்றங்கள் கொண்டுவர வேண்டும்.

செயற்கை பஞ்சு மற்றும் அது சார்ந்த பொருட்களுக்கான இறக்குமதி வரி வீதத்திலும் திருத்தம் செய்ய வேண்டும். தேசிய அளவில், செயற்கை பஞ்சு கலந்த ஆயத்த ஆடைத் தயாரிப்பை வளர்த்தெடுப்பதற்கான குழு அமைக்கப்பட வேண்டும். என்று அவர் கூறி உள்ளார்.

– த. செந்தமிழ்ச் செல்வன்

இந்தியா மிகச்சிறந்த தரம் கொண்ட தேயிலைகளை உற்பத்தி செய்யும் நாடாகும். இதன் காரணமாக, அண்மையில் தேயிலை தோட்ட சுற்றுலாக்கள் வளர்ச்சி அடைந்துள்ளன. தேயிலைத் தோட்டங் களைச் சுற்றியுள்ள சூழல் அற்புதமானதி ஆகும். தேயிலை தோட்டச்சுற்றுலாவிற்கு ஏற்றக் காலங்கள், நவம்பர் முதல் மார்ச் வரை ஆகும்.

டார்ஜிலிங், மேற்கு வங்கம்: நியூ ஜல்பாய்குரியில் இருந்து டார்ஜிலிங் ஹிமாலயன் இரயில் வழியாக டார்ஜிலிங்கை அடையலாம். இந்தியாவின் 25 சதவிகிதத்திற்கு மேற்பட்ட மொத்த தேயிலை உற்பத்தி, டார்ஜிலிங் தேயிலை தோட்டங்களிலேயே மேற்கொள்ளப்படுகிறது. ஹேப்பி வேலி தேயிலைத் தோட்டம் மற்றும் கிளென்பர்ன் தேயிலைத் தோட்டம், கட்டாயம் பார்க்க வேண்டியவையாகும்.

Also read: வாழை பயிரிடுதல் பற்றி அறிந்து கொள்ள உதவும் அமைப்பு

ஜோர்ஹத், அசாம்: அசாமின் பிரம்மபுத்திரா பள்ளத்தாக்கில் அமைந்து உள்ள ஜோர்ஹத், “உலகின் தேயிலை தலைநகரம்” என்று அழைக்கப்படுகிறது. ஜோர்ஹத் இரயில் நிலையத்திலிருந்து வெகு அருகாமையில் அமைந்துள்ளது. வன மஹசீர் அடாபரீ தேயிலை; தோட்டத்திற்கு பின்னால் காணக்கிடைப்பது சிறப்பான காட்சியாகத் திகழும்.

மூணாறு, கேரளா: பசுமையான தேயிலைத் தோட்டங்கள் உங்களை வரவேற்கும். அலுவா இரயில் நிலையத்திலிருந்து தேயிலைத் தோட்டங்கள் மிக அருகில் அமைந்துள்ளன. தேயிலை பறிப்பு மற்றும் உற்பத்தி செயல்முறைகளை நீங்கள் நல்லதண்ணி எஸ்டேட் மற்றும் குண்டலி தேயிலைத் தோட்டங்களில் பார்வையிடலாம்

குன்னூர், தமிழ்நாடு: கோயம்புத்தூரிலிருந்து நீலகிரி மலை இரயில் வழியாக குன்னூரை அடையலாம். இது, அடர்த்தியான மற்றும் வாசனை மிகுந்த தேயிலைகளுக்காக பெயர் பெற்ற பகுதியாகும். ஹைபீல்டு டீ ஃபேக்டரி, டிரான்குவிலிடீ லௌஞ்ச் மற்றும் சிங்காரா தேயிலை தோட்டம் ஆகியவைகள் பார்க்க வேண்டிய பகுதிகளாகும்.

Also read: வேகமாக வளரும் ஒட்டுநெல்லி

பாளம்பூர், ஹிமாச்சல பிரதேசம்: வடஇந்தியாவின் தேயிலை தலைநகரம் என அழைக்கப்படும் இந்த இடத்தில் அமைந்துள்ள தேயிலைத் தோட்டங்கள், தௌலா தார் மலைகளில் அமைந்துள்ளது. இங்குள்ள தேயிலைத் தோட்டங்கள் பைன் டாட்டட் லேண்ட்ஸ்கேப் மற்றும் ஸ்லாப்பிங் டீ கார்டன்களுடன் மிகுந்த அழகினைக் கொண்டுள்ளது. பாதக்னோட்டிலிருந்து புறப்படும் காங்ரா வேலி இரயில்வேறியல் ஏறினால் காங்ராவிற்குச் செல்லலாம். அங்கிருந்து தேயிலைத் தோட்டங்கள் நடக்கும் தொலைவே. சரியும் தேயிலைத் தோட்டங்கள் மற்றும் கடந்து செல்லும் சிறு காற்று, மன அழுத்தம் மிகுந்த வாழ்விலிருந்து சிறப்பான மீட்சியை அளிக்கும்.

– த. செந்தமிழ்ச் செல்வன்

18 வயது முதல் 40 வயது வரை உள்ள இந்திய குடிமக்கள் அனைவரும் இத்திட்டத்தில் சேர தகுதி உடையவர்கள். 60 வயதிற்குப் பின், மாதம் 5000 ரூபாய் ஓய்வூதியம் இத்திட்டத்தின் மூலம் பெறலாம். இதில் முதலீடு செய்வதற்கு வரிச்சலுகை உண்டு.

அடல் பென்ஷன் திட்டம் சுவவலம்பன் திட்டத்திற்கு மாற்றாக, மத்திய அரசால் கொண்டுவரப் பட்டது. டிரைவர்கள், வீட்டுவேலை செய்பவர்கள் போன்ற அமைப்புசாரா தொழிலாளர்கள் நலனுக்காக இத்திட்டம் அறிமுகப்படுத்தப் பட்டது.

2015 ஜூன் மாதம் அமல்படுத்தப்பட்ட இத்திட்டத்தின் முதலீடுகளை பி.எஃப்.ஆர்.டி.ஏ. என்ற பென்ஷன் ஒழுங்குமுறை மற்றும் மேம்பாட்டு நிறுவனம் நிர்வகிக்கின்றது. அனைத்து வங்கி மற்றும் அஞ்சல் நிலையங்கள் மூலம் இத்திட்டத்தில் சேரலாம்.

மாதாந்திர பங்களிப்புத் தொகை

18 வயதில் இத்திட்டத்தில் இணைபவர் மாதம் தோறும் ரூ.42 முதல் ரூ.210 வரை 42 ஆண்டுகளுக்கு செலுத்த வேண்டும். ரூ.42 செலுத்தி வந்தால் 60 வயதுக்குப்பின் மாதம் 1000 ரூபாய் ஓய்வூதியம் கிடைக்கும். ரூ.210 செலுத்தி வந்திருந்தால் 60 வயதுக்குப் பின் 5000 ரூபாய் கிடைக்கும்.

Also read: வருமான வரிச் சட்டத்தின் புதிய பிரிவு 115BAA

முதலில் பங்களிப்புத் தொகை செலுத்திய நாள் எதுவோ அதே நாளில் மாதம் தோறும் தானாகவே சேமிப்புக் கணக்கில் இருந்து மாதாந்திர பங்களிப்புத் தொகை கழித்துக்கொள்ளப்படும். 5ஆம் தேதி முதல் முறை பங்களிப்புத் தொகையை செலுத்தியிருந்தால், ஒவ்வொரு மாதமும் 5ஆம் தேதி அந்தத் தொகை தானாகவே கழித்துக்கொள்ளப்படும்.

கணக்கில் இருந்து தானாகவே கழித்துக்கொள்ளும் வசதியை விரும்பாதவர்கள் தவிர்க்கலாம். ஆனால், மாதம் தோறும் தாங்களே பணத்தைச் செலுத்த வேண்டும். தவறினால், அபராதத்துடன் செலுத்த வேண்டி இருக்கும். (ரூ.1 முதல் 100-க்கு ஒரு மாதத்துக்கு 1 ரூபாயும், ரூ.101 முதல் 500 வரை ஒரு மாதத்துக்கு 2 ரூபாயும், ரூ.501 முதல் 1,000 வரை ஒரு மாதத்துக்கு 5 ரூபாயும், ரூ.1001-க்கு மேல் ஒரு மாதத்துக்கு 10 ரூபாயும் அபராதம் விதிக்கப்படும். தொடர்ச்சியாக 6 மாதங்களுக்கு பணம் செலுத்தவில்லை என்றால், சேமிப்புக் கணக்கு தற்காலிகமாக முடக்கப்படும். தொடர்ந்து, 24 மாதங்கள் பணம் செலுத்தவில்லை என்றால் சேமிப்புக் கணக்கு நிரந்தரமாக மூடப்படுவதுடன், அடல் பென்ஷன் திட்டத்தில் இருந்து கணக்கு நீக்கப்படும். குறைந்தபட்சம் 20 ஆண்டுகள் இத்திட்டத்தில் இருக்க வேண்டும். எனவேதான், 40 வயதுக்கு மேல் இத்திட்டத்தில் இணைய முடியாது.

பென்ஷன் தொகை மற்றும் மாதாந்திரத் பங்களிப்பு தொகையை மாற்றிக்கொள்ளும் வசதியும் உள்ளது. ஆனால், ஆண்டுக்கு ஒரு முறை ஏப்ரல் மாதம் மட்டும் இந்த வாய்ப்பு கிடைக்கும். அதாவது, 18 வயதில் ரூ.84 செலுத்தி 60 வயதுக்குப் பின் 1000 ரூபாய் ஓய்வூதியம் பெற முடிவு செய்திருந்தவர், ஏப்ரல் மாதம் வரும்போது மாதாந்திர பங்களிப்புத் தொகையை கூட்டவோ குறைக்கவோ செய்ய முடியும். அப்போது, 60 வயதுக்குப் பின் கிடைக்கும் மாதாந்திர ஓய்வூதியத் தொகையும் மாறும்.

இத்திட்டத்தில், முதலீடு செய்வதற்கு தேசிய ஓய்வூதியத் திட்டத்தில் முதலீடு செய்வதற்கு இணையான வரிச்சலுகை உண்டு. வருமான வரிச்சட்டத்தின் பிரிவு 80சிசிடி 1பி (Section 80CCD 1B) மூலம் ரூ.50,000 வரை வரிச்சலுகையைப் பெறலாம். பிரிவு 80சி (Section 80C) மூலம் கிடைக்கும் 1.5 லட்சம் ரூபாய் வரிச்சலுகையுடன் கூடுதலாக இந்த வரிச் சலுகை கிடைக்கும்.

Also read: வங்கி ஊழியரின் விவசாயப் பயணம்

இறப்பு போன்ற இன்றியமையாத காரணத்தினால் மட்டுமே இத்திட்டத்தில் இருந்து விலக முடியும். திட்டத்தில் இணைந்தவர் இறந்துவிட்டால், அவரது வாழ்க்கைத்துணை வாழும் காலம் வரை அவரது ஓய்வூதியம் கிடைக்கும். வாழ்க்கைத்துணையும் இறந்த பின், உறுதி அளிக்கப்பட்ட மொத்த தொகையில் எஞ்சிய தொகை திட்டத்தில் சேர்ந்தவரின் வாரிசுதாரருக்கு மொத்தமாக வழங்கப்படும். திட்டத்தில் இணைந்தவர் 60 வயதுக்கு முன்பே இறந்து, அவரது வாழ்க்கைத் துணை மீதி காலத்திற்கு மாதாந்திர பங்களிப்புத் தொகையை செலுத்திவந்திருந்தாலும் இது பொருந்தும்.

தேசிய ஓய்வூதியத் திட்ட இணையதளத்தின் மூலமும் இத்திட்டத்தில் இணையலாம். ஆன்லைன் பதிவுக்கு எந்த ஆவணத்தையும் அச்சு நகலாக சமர்ப்பிக்க வேண்டியதில்லை. இத்திட்டத்தைப் பற்றிய சந்தேகங்களுக்கு 1800-110-069 என்ற இலவச உதவி எண்ணை அழைக்கலாம்.

பெரும்பாலான சரக்கு சேவைவரி (GST) வல்லுநர்கள் தங்களுடைய வாடிக்கையாளர்களுக்கு உள்ளீட்டு வரிவரவு (Input TaxCredit(ITC)) மறு ஒத்திசைவை (Reconciliation) செய்யாமல் விட்டு விடுகின்றனர். ஏனெனில், அனைத்து வாடிக்கையாளர்களுக்கும் ஐ.டி.சி மறு ஒத்திசைவை செய்வது மிகவும் அதிக காலஅவகாசம் எடுத்து கொள்ளும் என்பதும் வாடிக்கையாளரிடமிருந்து பெறப்பட்ட கட்டணங்கள் போதுமானதாக இருக்காது. மேலும், வாடிக்கையாளர்களின் பரிமாற்றங்கள் பற்றிய புரிதல் இல்லாமை மற்றும் செய்ய வேண்டிய வேறு சில மறு ஒத்திசைவுகள் போன்ற பல்வேறு பணிச்சுமைகள் மிகவும் அதிகமாக இருக்கும்போது இந்த உள்ளீட்டு வரிவரவு மறு ஒத்திசைவை செய்வதற்காக அவர்கள் அதிக ஆற்றல் செலவிடவேண்டிய நெருக்கடி ஏற்படுகின்றது.

இருப்பினும், உள்ளீட்டு வரிவரவை மறு ஒத்திசைவை செய்யாமல் விடுவது வாடிக்கை யாளர்களை மோசமாக பாதிக்கலாம். மேலும் வாடிக்கையாளருக் கான உள்ளீட்டு வரிவரவு இழப்பு ஏற்படும் சூழலும் உருவாகும். அதுமட்டுமல்லாது ஜிஎஸ்டிஆர் 2 ஏ இல் காட்டப்பட்டுள்ளதை விட அதிகமான வரவு இருப்பதன் காரணமாக சசேவ துறையிலிருந்து இது குறித்து எச்சரிக்கை அறிவிப்பைப் பெறுவதற்கான சூழலும் உருவாகும். அதைவிட இயல்புநிலை வழங்குநர்களுக்கு முழுமையாக தொகை செலுத்த தவறுதல். இயல்புநிலையில் வாடிக்கையாளரின் நம்பிக்கையை இழத்தல், அதிகப் படியான வரவு மீள்திருத்த உரிமை கோருதலால் வாடிக்கையாளருக்கான கூடுதல் வட்டி செலவு ஆகியவற்றிற் கான வழிவகுக்கின்றது. உள்ளீட்டு வரிவரவு மறு ஒத்திசைவு என்பது சசேவ இன்கீழ் பதிவுசெய்யப்பட்ட வரி செலுத்து வோரின் கொள்முதல் விவரங் களுடன் பொருளை அல்லது சேவையை வழங்கியோர் பதிவேற்றிய விவரங்களுடன் பொருத்தமாக இருக்கின்றதா என சரிபார்ப்பதற்கான ஒரு செயல்முறையாகும். பொதுவாக, பொருளை அல்லது சேவையை வழங்குபவர் தனது ஜிஎஸ்டிஆர் 1 இல் பதிவேற்றிய அத்தகைய விவரங்கள் பதிவு செய்யப்பட்ட வரி செலுத்துவோரின் ஜிஎஸ்டிஆர் 2 ஏவில் எதிரொளிக்கும். பொருளை அல்லது சேவையை வழங்குபவர் பதிவேற்றிய விவரங்களில் விலைப்பட்டியல் மட்டு மல்லாது பற்று குறிப்புகள், வரவு குறிப்புகள் மற்றும் எந்தவொரு ஆவணத்திற்கும் செய்யப்பட்ட திருத்தங் களும் அதில் உள்ளடங்கும்.

பதிவுசெய்யப்பட்ட வரி செலுத்து வோரால் இவ்வாறான உள்ளீட்டு வரிவரவு மறுஒத்திசைவிற்காக ஜிஎஸ்டிஆர் 2 ஏ உடன் ஒப்பிடுகையில் எந்தெந்த பதிவுகள் பொருந்துகின்றன, எவை பொருந்த வில்லை ஆகிய விவரங்களை இதன் மூலம் எளிதாக அடையாளம் காண முடியும். இவ்வாறான உள்ளீட்டு வரிவரவு மறு ஒத்திசைவின் மேற்கொள்வதால் ஆலோசனைக்கான வாடிக்கையாளர் சார்பு அதிகரித்தல் வாடிக்கையாளர் நம்பிக்கை அதிகரித்து வரிவரவை பெறுவதன் மூலம் வாடிக்கையாளர்களின் வரிசெலுத்துதலைச் சேமித்தல் உள்ளீட்டு வரிவரவு இழப்பைத் தவிர்த்தல்.

மேலும், மறுஒத்திசைவின் போது அடையாளம் காணப்பட்ட முரண்பாடுகள் குறித்து மிகச்சரியான நேரத்தில் மிகச்சரியான நடவடிக்கையினால் மிகவும் துல்லியமான உள்ளீட்டு வரிவரவை பெற்று செலவைப் குறைப்பதற்கு வழிவகுக்கும் அதன் வாயிலாக வாடிக்கையாளருக்கு செலவிலிருந்து சேமிப்பு உருவாகும்.

பொதுவாக, ஜி.எஸ்.டி.ஆர் 2 ஏ, கொள்முதல் தரவுகள் ஆகிய இரண்டும் வழக்கமாக மாதாந்திர அடிப்படையில் மறு ஒத்திசைவு செய்யப்படும். இருப்பினும், பதிவுசெய்யப்பட்ட அனைத்து வரி செலுத்துவோருக்கும் இது சாத்தியமில்லை. இதுபோன்ற தருணங்களில், ஜி.எஸ்.டி.ஆர் 2 ஏ, கொள்முதல் தரவுகள் ஆகிய இரண்டையும் ஆண்டு மறு ஒத்திசைவு செய்வது மிக அவசியமாகும். மேலும், இவ்வாறு மறு ஒத்திசைவு செய்யப்பட வேண்டிய செயலை அந்த நிதியாண்டைத் தொடர்ந்து அடுத்துவரும் செப்டம்பர் மாதத்தில் வருடாந்திர ஜி.எஸ்.டி ஆண்டு அறிக்கையை சமர்ப்பிதற்கு முன் செய்யப்பட வேண்டும். சான்றக 2018-19 நிதியாண்டில், செப்டம்பர் 2019 மாதத்தில் ஜிஎஸ்டி ஆண்டுஅறிக்கையை சமர்பிப் பதற்கு முன் வருடாந்திர மறுஒத்திசைவு செய்யப்படவேண்டும். அவ்வாறான, கொள்முதல் தரவுகளுடன் ஜிஎஸ்டிஆர் 2 ஏ-வை மறுஒத்திசைவு செய்யும்போது, பின்வரும் நான்கு வகை முடிவுகளைப் பெறலாம்.

பொருந்திய விலைப்பட்டியல்கள்- இவை ஜிஎஸ்டிஆர் 2 ஏ, கொள்முதல் தரவு ஆகிய இரண்டிலும் ஒன்றோடு ஒன்று பொருந்தக்கூடியதாக அமைகின்றன. அத்தகைய அனைத்து பதிவுகளும் ஏற்றுக் கொள்ளப்பட்டு உள்ளீட்டு வரிவரவு ஒரே மாதிரியாக கிடைக்கின்றது.

பொருந்தாத விலைப்பட்டியல்கள்- இவை ஜி.எஸ்.டி.ஆர் 2 ஏ, கொள்முதல் தரவுகள் ஆகிய இரண்டிலும் விலைப் பட்டியல்கள் உள்ளன. ஆனால், இரண்டிலும் பதிவு செய்யப்பட்ட விலைப் பட்டியலின் விவரங்களில் முரண்பாடு களுடன் உள்ளன. விலைப் பட்டியல் மதிப்பு, விலைப்பட்டியல் தேதி, வரி தொகை, விலைப்பட்டியலின் எண் போன்றவற்றில் உள்ள வேறுபாடுகள் காரணமாக இந்த முரண்பாடுகள் இருக்கலாம். பதிவு செய்யப்பட்ட வரி செலுத்துவோர் அத்தகைய முரண்பாடுகளை இதை வழங்கு பவருக்கு அறிவிப்பார், உடன் வழங்கு பவர்கள் அந்த விவரங்களை திருத்திடு வார்கள்.

அத்தகைய விவரங்கள் திருத்தப் பட்டதும், புதுப்பிக்கப்பட்ட விவரங்கள் பதிவுசெய்யப்பட்ட வரி செலுத்து வோரின் ஜி.எஸ்.டி.ஆர் 2 ஏ-யில் தோன்றும். அதன்பிறகு, வரிவரவு கோரப் படும். வழங்கப்படும் இடம், வழங்கல் தேதி போன்ற திருத்த முடியாத ஒருசில பிழைகள் அடையாளம் காணப்படும். இந்த நேரங்களில், ஆவணம் நிராகரிக்கப்பட வேண்டும். மேலும், புதிய ஆவணம் வழங்கு பவரால் புதுப்பிக்கப்பட வேண்டும். GSTR 2A இல் இல்லாதவை கொள்முதல் தரவுகளில் பதிவுசெய்யப்பட்ட ஒருசில விலைப் பட்டியல்கள் இருக்கலாம். ஆனால், GSTR 2A இல் காணப்படவில்லை எனில் வழங்குபர் தனது அறிக்கையை சமர்பிக்காத காரணத் தால் இருக்கலாம். இதுபோன்ற நேரங்களில், பதிவுசெய்யப் பட்ட வரி செலுத்துவோர் காணாமல் போன விலைப் பட்டியலில் உள்ளீட்டு வரிவரவை பெறுவது கடினமாகும். இதுபோன்ற நேரங்களில், பதிவுசெய்யப்பட்ட வரி செலுத்துவோர் வழங்குபவரைத் தொடர்பு கொண்டு அதற்கு ஏற்ப சரியான விவரங்களை புதுப்பிக்க வேண்டும்.

கொள்முதல் தரவில் இல்லாதவை-ஜி.எஸ்.டி.ஆர் 2 ஏ-யில் புதுப்பிக்கப்பட்ட ஒருசில விலைப் பட்டியல்கள் இருக்கலாம். ஆனால், கொள்முதல் தரவுகளில் பதிவு செய்யப்படவில்லை. அதற்கான விலைப் பட்டியல் பெறவில்லை அல்லது கொள்முதல் தரவில் புதுப்பிப்பதை தவற விட்டு இருக்கலாம். அத்தகைய விலைப் பட்டியல்கள் கொள்முதல் பதிவில் சேர்க்கப் படவேண்டும். மேலும், அது தகுதி உடையதாக இருந்தால் உள்ளீட்டு வரிவரவைப் பெறலாம். சான்றாக, வணிக பயணங்களுக்காக ஊழியர்களால் முன்பதிவு செய்யப்பட்ட விமான டிக்கெட்டுகளுக்கான விலைப்பட்டியலில் ஜிஎஸ்டியில் பொதுவாக கொடுக்கப்பட்ட ஜிஎஸ்டி எண்ணின் படி, புதுப்பிக்க வேண்டும். வரி வல்லுநர்கள் எதிர்கொள்ளக்கூடிய அனைத்து சவால் களிலும், உள்ளீட்டு வரிவரவு செய்வது முக்கியமாகும். பொதுவாக, அதிக பணிச்சுமையைக் கையாள வழக்கமாக மென்பொருள் கருவிகளைப் பயன்படுத்து கிறோம். ஆனால், இதில் அதிக அளவு சம்பாதிக்க வாய்ப்பு இருந்தால் எந்த வகையான மென்பொருள் கருவியைப் பயன்படுத்துகின்ற ஒருசில கருவிகள் சந்தையில் உள்ளன. ஆனால், அவற்றில் பெரும்பாலானவை உள்ளீட்டு வரிவரவு செய்ய உதவும் மேசைக்கணினி கருவிகள் ஆகும். இருப்பினும், அத்தகைய மென் பொருள் கருவிகள் நம்மை அடிப்படை நல்லிணக்கத்திற்கு மட்டுமே கட்டுப் படுத்துகின்றன. அங்கு அவை பொருந்திய பதிவுகளை மட்டுமே அடையாளம் காண உதவுகின்றன. ஆனால், பொருந்தாத மற்றும் காணாமல் போன பதிவுகளை கையாளு வதற்காக GSTHero என்பது இந்திய அரசாங்கத்தால் நியமிக்கப்பட்ட GST Suvidha வழங்குநராகும். மேலும், இது ஒரு மேம்பட்ட உள்ளீட்டு வரிவரவு நல்லிணக்க சிறப்புடன் இணைந்து பணியாற்றுவதற்கான ஒரு மென்மையான பொறிமுறையுடன் கூடிய மேககணினி அடிப்படையிலான பல பயனர் மென்பொருளாகும். இது வாடிக்கையாளர் களுக்கு உள்ளீட்டு வரி வரவைக் கையாளுவதற்காக ஒரு தானியங்கி கருவியை வழங்குகின்றது.

– முனைவர். ச. குப்பன்