சிறுதானிய சகோதரிகள்

கிராமப்புற பெண்கள் சிலர் வாழ்க்கையில் எதிர்பாராத வகையில் இவ்வுலகமே வியக்கும் வண்ணம் அற்புதங்கள் நிறைந்த மாற்றங்கள் நிகழ்கின்றன. இந்த மாற்றங்களை, அதே வேகத்தில் மனதில் கொண்டு செயல்பட்டால், அவை பெண்கள் மற்றும் ஒட்டுமொத்த சமூகத்தின் நல்வாழ்வில் குறிப்பிடத்தக்க மாற்றத்தைக் கண்டிப்பாக ஏற்படுத்தும்.

இதை மெய்பிக்கும் வகையில் தெலுங்கானாவைச் சார்ந்த மொகுலம்மா உலக அளவில் சாதனை படைத்துள்ளார். தனது கணவரை இழந்த பிறகு, தெலுங்கானாவில் உள்ள அவர்களின் சிறிய இரண்டு ஏக்கர் பண்ணைக்கு பொறுப்பேற்க வேண்டி இருந்தது. மேலும், தன் வாழ்வை தற்காத்துக் கொள்ள வேண்டிய அவசியம் ஏற்பட்டது. 36 வயதான மொகுலம்மா இயற்கை விவசாயம் மூலம் வெற்றிகரமான சிறுதானியங்கள் சாகுபடியாளராகவும் உற்பத்தியாளராகவும் தன்னை தயார் செய்து கொண்டதுடன், தேசிய அளவில் கவனத்தை ஈர்க்கப்பட்டு பாராட்டையும் பெற்றார். சிறுதானியங்களில் முக்கியமான ஊட்டச்சத்துக்கள் நிறையவே இருக்கின்றன. அதுவும் குறைந்த நீரைப் பயன்படுத்தி சாகுபடி செய்கிறார் என்றால் பெரிய விசயம்தான்.

கடந்த ஆண்டு அவர் தனது சாதனைக்காக அகில இந்திய சிறுதானிய சகோதரிகள் வலையமைப்பு சார்பில் ஜனாதிபதியிடம் இருந்து நரி சக்தி (Nari Shakti) விருதைப் பெற்றார். சுற்றுச்சூழல் பாதுகாப்புக்காக யுனெஸ்கோ பூமத்திய ரேகை பரிசைப் (UNESCO equator prize) பெறுவதற்காக இந்த ஆண்டு அவர் நியூயார்க்கிற்குச் சென்றார்.

Also read: பெண்கள் சிந்தனைக்கு சில தொழில்கள்

அகில இந்திய சிறுதானிய சகோதரிகள் வலையமைப்பு 2016 நவம்பரில் மத்திய மகளிர் மற்றும் குழந்தைகள் நலத்துறை அமைச்சர் மாண்புமிகு மேனகா காந்தியால் தொடங்கப்பட்டது. இதில், நாடு முழுவதும் இருந்து சுமார் 5000 பெண் விவசாயிகள் உறுப்பினர்களாக உள்ளனர். சிறுதானிய சகோதரிகள் வலையமைப்பின் (Millet sister’s network) செல்வாக்கின் கீழ் வந்தவர் அவரது மாமியார். சில வருடங்களுக்கு முன்பு அவர் காலமானதும், மொகுலம்மாவின் கணவர் உடல்நிலை சரியில்லாமல் படுக்கையில் இருந்தபோது, குடும்பத்தை பராமரிப்பதற்கான முழுப் பொறுப்பும் அவரது தோள்களில் விழுந்தது. அதற்கு அவர் மனம் தளரவில்லை. அவர் நிறைய உழைக்கவேண்டி இருந்தது. காலத்தின் கட்டாயம் அவருக்கு தன்னம்பிக்கையை உருவாக்கி கொடுத்தது. அவர் தன்னுடைய வாழ்க்கையை நேசிக்கக் கற்றுக் கொண்டார். வாழ்க்கையின் முறை அவருக்கு மிகவும் பிடித்து போயிற்று.

‘சிறுதானிய சகோதரிகள்’ நெட்வொர்க் இயற்கை வேளாண்மையில் நாடு முழுவதும் உள்ள பெண்களுக்கு பயிர் பாதுகாப்பு, பூச்சிகளின் கட்டுப்பாடு ஆகிய இரண்டிற்கும் மண்புழு உரம், பஞ்ச்கவா (பசு சாணம் முதலானவைகளில் இருந்து தயாரிக்கப்படுகிறது) ஆகியவற்றைப் பயன்படுத்தி பயிர் செய்யும் முறையை பயிற்சி அளிக்கிறது.

கொல்லைப்புற கோழி வளர்ப்பு திட்டம்

சிறுதானிய சகோதரிகளின் நெட்வொர்க் நாடு முழுவதும் பரவியுள்ளது. கிராமப்புறத்தில் வீட்டிற்கு பின்புறம் உள்ள கொல்லைப்புறத்தில் கோழிகளை வளர்ப்பதற்கு வழி வகுத்தது. 2012 மற்றும் 2019 ஆம் ஆண்டு கால்நடை கணக்கெடுப்பில், நாட்டில் மொத்த கோழிகளின் அளவில் 17 சதவீதம் அதிகரித்துள்ளது. ஆனால், பின்தங்கிய கோழி வளர்ப்பு (வணிக கோழிக்கு மாறாக) 46 சதவீதம் அதிகரித்துள்ளது. பெண்கள் இலவச கோழி திட்டத்தில் கீழ் நாட்டு கோழியை வளர்க்கிறார்கள் கொல்லைப்புற கோழி வளர்ப்பு பெரிய சந்தைகளில் இருந்து விலகி கிராமப் பகுதிகளில் வசிக்கும் பழங்குடி மக்களின் குடும்பங்களுக்கு மிகவும் பயனுள்ளதாக இருக்கிறது. குடும்பங்களின் பெண்கள் கோழியை வளர்ப்பது மற்றும் கவனிப்பது என்பது குடும்பத்திற்குள் அவர்களின் நிலையை மேம்படுத்துகிறது மற்றும் அவர்களின் வாழ்வாதாரத்திற்கு மேலும் வலிமையை சேர்க்கிறது. கொல்லைப்புற கோழி வளர்ப்பின் முக்கியத்துவத்தை கருத்தில் கொண்டு. மாநில அரசுகள் கோழி வளர்ச்சி திட்டங்களை ஏற்றுக்கொண்டன. மத்திய நிதியுதவி திட்டத்தின் கீழ் வறுமைக் கோட்டுக்குக் கீழே உள்ள குடும்பங்கள் குஞ்சுகளைப் பெறுகின்றன. விதிமுறைகளில் பயனாளிகளில் குறைந்தது 30 சதவீதம் பெண்கள் உள்ளனர். பறவைகளுக்கு இரவு தங்கும் இடம் கட்ட நிதி உதவி வழங்கப்படுகிறது. குஞ்சுகளை வளர்ப்பது மற்றும் தடுப்பூசி போடுவதை கவனித்துக் கொள்ளும் தாய் பிரிவை நடத்துவதற்கும் அரசாங்க உதவி வழங்கப்படுகிறது ஒரு கொல்லைப்புற கோழி ஒரு குறைந்த செலவு நடவடிக்கை, ஒரு பெண்கள் ஒவ்வொரு மூன்று மாத சுழற்சியில் ரூ .3000 லாபம் சம்பாதிக்க முடியும். இந்த வழியில் கொல்லைப்புற கோழிப்பண்ணைகளை அமைப்பதன் மூலம் பெண்கள் தங்கள் குடும்ப வருமானத்தையும், ஊட்டச்சத்து தேவைகளையும் பூர்த்தி செய்ய முடியும்.

Also read: வணிக வளர்ச்சிக்கு காந்தி சொன்ன ஆலோசனைகள்

பெண்களின் நலன் மற்றும் வாழ்நாள் ஆகியவற்றில் ஒரே நேரத்தில் குறிப்பிடத்தக்க மாற்றம் நிகழ்கிறது. குழந்தைகள் பிறப்புகளால் அளவிடப்படும் தாய்வழி இறப்பு விகிதம் 2011-2013 ஆம் ஆண்டில் 167 ஆக இருந்து 2015-2017 வரை 127 ஆகக் குறைந்துள்ளது. 2030 க்குள் 70 என்ற நிலையை எட்டும் பாதையில் உள்ளது. ஏழை பெண்கள் பிரசவத்திற்காக மருத்துவமனைகளில் அனுமதிக்க, அரசாங்கம் பொது சுகாதார முறையை மேம்படுத்தி வருகிறது. கர்ப்பிணிப் பெண்களுக்கு கர்ப்பகாலத்தில் பயன்பெறும் வகையில் இலவச மருந்துகள் மற்றும் நோயறிதல், மேலும் அவர்களுக்கு தேவையான மருத்துவம் வழங்கப்படுகின்றன. பிரசவநேரம் வரும்போது சுகாதார நிலையத்தில் சிகிச்சை அளிக்கப்படுகிறார்கள். குழந்தை திருமணங்கள் குறைந்துள்ளன. கிராமப்புற பெண்கள் தங்கள் குடும்பங்களை சமாளிக்கவும், சிறப்பாக வாழவும், பிரசவகாலத்தின்போது சிறந்த பராமரிப்பைப் பெறவும் உதவுவதால், அவர்களின் அயராத முயற்சியும் ஒருங்கிணைந்து அவர்களுக்கு ஒரு சமுதாயத்தில் பெருமையைத் தருகிறது.

– த. செந்தமிழ்ச் செல்வன்

LEAVE A REPLY

Please enter your comment!
Please enter your name here