தேங்காய் உடைக்க தலையைக் கொடுக்காதீர்கள்

Valar
-
0
தேங்காய் உடைக்க தலையைக் கொடுக்காதீர்கள்

இந்த கட்டுரை வழிபாடு என்ற பெயரில் தலையில் தேங்காய் உடைக்க அனுமதிக்கும் அப்பாவி பக்தர்களுக்கானது. கடவுள் நம்பிக்கை உள்ளவர்கள் கடவுளை  வழிபட மென்மையான பல முறைகள் பல இருக்கும்போது, இப்படி உடல் நலனுக்கு எதிரான கடுமையான வழிமுறைகளில் ஈடுபட வேண்டியது இல்லை. பிராமணர்கள், படித்தவர்கள் இப்படிப்பட்ட வழிமுறைகளில் ஈடுபடுவது இல்லை.

தலையில் தேங்காய் உடைப்பது பற்றி மருத்துவர்கள் கடுமையாக எச்சரிக்கை செய்கிறார்கள். அதற்கேற்ப தலையில் தேங்காய் உடைத்துக் கொண்டவர்களின் தலையில் இரத்தம் வழிதல், வீங்குதல், மயக்கம் வருதல் போன்றவற்றால் பாதிக்கப்பட்டு சிகிச்சை மேற்கொண்டு இருக்கிறார்கள்.

”தலையில் தேங்காய் உடைத்தால் மனிதனுக்கு ஆபத்து உண்டா என்றால், நிச்சயம் ஆபத்துகளும், பாதிப்புகளும் உண்டு. தலையின் இடது பக்கத்தில் வலுவாக அடிபட்டால், அந்தப் பகுதி முழுவதும், அதாவது அடிபட்ட தலை பகுதியில் இருந்து உள்ளங்கால் வரை பாதிக்கப்படும். இதே போல வலது பக்கத்தில் அடிபட்டாலும் இதே நிலைதான். மூளை உள்ள பகுதியில் அடிபடும்போது பாதிப்பு கடுமையாக இருக்கும். உயிருக்கே ஆபத்து வரக்கூடும். இரு சக்கர வாகனங்களில் செல்லும்போது கண்டிப்பாக ஹெல்மட் அணிய வேண்டும் என்று சட்டம் போட்டு ஏன் வலியுறுத்தப்படுகிறது? தலைக்காயம் அத்தனை மோசமானது என்பதால்தான்.

மண்டையில் அடிபடும்போது ரத்தம் வராமல் இருக்கலாம். ஆனால் அந்த அடி மண்டைக்குள் இருக்கும் சிறு நரம்புகளை பாதித்து இருக்கலாம். இன்னொரு பாதிப்பு மூளைக்கும், கபாலத்துக்கும் இடையே திரவம் சுற்றிக் கொண்டு இருக்கும். மண்டையில் தேங்காய் உடைக்கும்போது அந்த இடம் பாதிக்கப்பட்டால் சுற்றிக் கொண்டிருக்கும் திரவம் சுற்றுவதில் பாதிப்பு ஏற்படும். இதனால் நினைவு ஆற்றலை இழக்க நேரிடலாம். மேலும் தேங்காய் உடைக்கும் போது ஏதேனும் காயம் ஏற்பட்டால் உடனே மருத்துவர்களை அணுகி ஆலோசனை பெற வேண்டும்.” என்கிறார்கள் மருத்துவர்கள்.

நூற்றுக் கணக்கான பக்தர்கள் கோயிலில் தேங்காய் உடைக்கும் இடத்தில் இருந்து ரத்தம் வழியும் தலையுடன் வருவதைப் பார்க்கும் போதும், அந்த காயங்களில் மஞ்சளை அப்பிக் கொண்டு போகும் போதும் மருத்துவர்களின் எச்சரிக்கை எந்த அளவுக்கு முதன்மையானது என்பதைப் புரிந்து கொள்ள முடியும். பொதுவாக தலையில் தேங்காய் உடைத்துக் கொள்ளும் அனைவருமே, ”தலையில் தேங்காய் உடைக்கும்போது சுவரில் கடுமையாக முட்டிக் கொள்வதைப் போல் வலிக்கும்” என்கிறார்கள். இந்த வலியும், காயங்களும் இல்லாமல் வழிபட மென்மையான வழிமுறைகள் இருக்கும்போது, ஏன் இந்த வலியும், காயமும்? சிந்தியுங்கள்.

– ரிங்கி

 

முந்திரிப்பருப்பு வாங்கி விற்கலாம்

Valar
-
0
முந்திரிப்பருப்பு வாங்கி விற்கலாம்

கடலூர் போன்ற தமிழ்நாட்டின் சில மாவட்டங்களில் முந்திரி மரங்கள் பயிரிடப்பட்டு உள்ளன. இவற்றில் இருந்து பறிக்கப்படும் முந்திரிக் கொட்டைகளில் இருந்து முந்திரிப் பருப்பை பிரித்து எடுப்பதை பெரும்பாலும் குடிசைத் தொழிலாக செய்து வருகிறார்கள். இப்படி முந்திரிப் பருப்புகள் பிரித்து எடுக்கத் தேவையான முந்திரிக் கொட்டைகள் இறக்குமதி செய்வதும் உண்டு.

Also read: உலர் பழங்கள் வணிகத்தில் வெற்றி பெறுவது எப்படி?

மூலப் பொருளான முந்திரிக் கொட்டைகள் அதிகம் கிடைக்கும் இடங்களில் முந்திரிப் பருப்பு உடைக்கும் தொழில் தொடங்க முடியும். இருபது சென்ட் நிலப்பரப்பு தேவைப்படும்.முந்திரிப் பருப்பு தொழிலுக்குத் தேவையான பாய்லர், பீலிங் (உரிக்கும்) எந்திரம், தரம் பிரிக்கும் எந்திரம், குளிர்விக்கும் எந்திரம், முந்திரி உடைக்கும் எந்திரம், ஏர் கம்பரஸ்சர், ஜெனரேட்டர் என்று அனைத்து எந்திரங்களும் தேவைப்படும். இதற்கு சுமார் இருபது லட்சம் ரூபாய் தேவைப்படும். வங்கிக் கடன் கிடைப்பதற்கான வாய்ப்பு அதிகம். இப்படி எந்திரங்கள் இல்லாமல் குறைந்த முதலீட்டில் செய்வதற்கான வாய்ப்பும் இருக்கிறது.

மூன்று கிலோ முந்திரிக் கொட்டைகளை உடைத்தால் ஒரு கிலோ முந்திரிப் பருப்பு கிடைத்தால் அவை தரமான முந்திரிக் கொட்டைகள்.

முந்திரிக் கொட்டைகளை குறிப்பிட்ட நேரம் பாய்லரில் வைத்து அவிக்க வேண்டும். மறுநாள் உடைப்பவர்களிடம் கொடுத்து உடைக்க வேண்டும். எந்திரத்திலும் உடைக் கலாம். சுத்தியல் கொண்டு கையால் உடைப்பதால் முழு முந்திரிப் பருப்புகளின் அளவு அதிகமாக இருக்கும். ஆனால் குறைந்த அளவு மட்டுமே உடைக்க முடியும். எந்திரத்தில் போட்டு உடைக்கும்போது, உடைசல் சற்று அதிகமாக இருக்கும்.

அவித்து உலர்த்திய முந்திரிக் கொட்டைகளை உடைக்க கைதேர்ந்த தொழிலாளர்களையே வேலைக்கு அமர்த்த வேண்டும். இல்லை என்றால் முழுப் பருப்பாக எடுக்கத் தெரியாமல் அவசர அவசரமாக உடைத்து நல்ல விலை கிடைக்காமல் போய்விடும்.

உடைத்த முந்திரிப் பருப்புகளை இரண்டு முறையாக ஏழு மணி நேரம் ஹீட்டரில் வைக்க வேண்டும். அதன் தொடர்ச்சியாக முன்று மணி நேரத்துக்குப் பிறகு எட்டு மணி நேரம் குளிர்விக்க வேண்டும். பின்னர் சாக்குகளில் கொட்டி உலர்த்த வேண்டும்.

திரும்பவும் உள்தோலை உரிப்பதற்கும், தரம்வாரியாகப் பிரிப்பதற்கும் அதற்கான எந்திரங்களைப் பயன் படுத்த வேண்டும். முந்திரிக் கொட்டைகளில் இருந்து தரமான முந்திரிப் பருப்புகளை விற்பனைக்கு ஏற்ற வாறு தயாரிக்க சுமார் ஒரு வாரம் தேவைப் படுகிறது. உடைக்கப்பட்ட முந்திரிப் பருப்பு கள் நான்கு தரங்களாக பிரிக்கப்படும். தரத்திற்கு ஏற்ப விலை நிர்ணயம் செய்யப்படும்.

Also read: சிமென்ட் விற்பனைக்கான டீலர்ஷிப் பெறுவது எப்படி?

மூலப் பொருளான முந்திரிக் கொட்டைகளை வெளிநாட்டில் இருந்து இறக்குமதி செய்து, அதை வாங்கி உடைப்பவர்களுக்கும், விற்பவர்களுக்கும் தொழில் வாய்ப்புகள் அதிகரித்து உள்ளன. இதன் மூலம் தொழிலில் ஒரு தொடர்ச்சி இருந்து கொண்டே இருக்கிறது. மூலப் பொருட்களின் விலை, விற்பனை விலையைப் பொறுத்தே லாப அளவு அமைகிறது. தற்போது கொரோனா பாதிப்பு காரணமாக இறக்குமதி தடைபட்டு இருக்கிறது. இதனால் உள்நாட்டு முந்திரிக் கொட்டைகளை மட்டுமே நம்பி இருக்க வேண்டி இருக்கும்.

முந்திரிப் பருப்பு உற்பத்தியில் ஒருவார சுழற்சி இருப்பதால் நடப்பு முதலீடு அதிகம் தேவைப்படுகிறது. முந்திரிப் பருப்பு உடைக்கும் தொழிலாளர்களுக்கு அன்றன்றைக்கே கூலி கொடுக்க வேண்டி இருக்கும்.

இன்றைக்கு முந்திரிப் பருப்பு பயன்பாடு அதிகரித்து உள்ளது. புரதம், நல்ல கொழுப்பு தேவைக்கு முந்திரிப் பருப்பை உணவில் சேர்த்துக் கொள்ளுமாறு உணவியல் வல்லுநர்கள் ஆலோசனை கூறுகிறார்கள்.  உள்ளிட்ட விழாக் காலங்களில் மற்ற இனிப்புப் பண்டங்களுடன் முந்திரிப் பருப்புகளையும் அன்புப் பரிசாக வழங்கும் வழக்கம் பழக்கத்தில் இருப்பதால் தரம் பிரிக்கப்பட்ட முந்திரிப் பருப்பை வாங்கி விற்பவர்களுக்கும் வணிக வாய்ப்பு உள்ளது.

– திரு.ரவிச்சந்திரன்( முந்திரிப் பருப்பு ஆலை உரிமையாளர் -9787104876)

நான்கே மாதங்களில் உடல் எடை குறையும்

Valar
-
0
நான்கே மாதங்களில் உடல் எடை குறையும்

உடல் எடை குறைக்க என்ன செய்வது – அதிகமாகவோ அல்லது அடிக்கடி சாப்பிட்டாலோ அதை ஏற்றுக் கொள்ளும் வகையில் வயிறு விரிகிறது. குறைவாகச் சாப்பிட்டால் அதை ஏற்றுக் கொள்ளும் வகையில் வயிறு சுருங்குகிறது. அவ்வப்போது ஏதாவது தின்று கொண்டே இருந்தால், ‘போதும்’ என்று சொல்வதற்குப் பதிலாக அதை ஏற்றுக் கொள்வதற்காக மெல்ல மெல்ல தன்னை பெரிதாக்கிக் கொள்கிறது வயிறு. ஏதோ ஒரு நாள் அப்படிச் சாப்பிட்டால் பெரிதாவதில்லை.

சாப்பாட்டுப் பிரியர்களாக இருந்தால் வயிறு பெரிதாவதை தவிர்க்க முடியாது என்கிறார்கள் உடல் பருமன் பற்றிய ஆய்வாளர்கள். நியூயார்க்கில் உடல் பருமன் பற்றி ஆய்வு மையம் ஒன்றில் பணிபுரியும் உளவியல் வல்லுநரான திரு.ஆலன் கெலிட்டர் என்பவர் அதிக உடல் எடை கொண்ட 14 பேர்களை தனது ஆராய்ச்சிக்காகத் தேர்ந்தெடுத்தார்.

ஒவ்வொருவரையும் நான்கு தம்ளர் தண்ணீர் கொடுத்து குடிக்கச் சொன்னார். குடித்தார்கள். அதன் பிறகு தொடர்ந்து நான்கு வாரங்களுக்கு அவர்களை கலோரி குறைந்த உணவை உண்ணச் செய்தார். பின்னர் அவர்களுக்கு தண்ணீர் கொடுத்த போது மூன்று தம்ளர் குடித்த அனைவருமே போதும் என்று சொல்லி விட்டார்கள். 27 விழுக்காடு குறைவாகவும் சராசரி உடல் எடை உள்ளவர்கள் எவ்வளவு குடிக்க முடியுமோ அந்த அளவுதான் அவர்களால் குடிக்க முடிந் தது.

அதாவது குறைவாக உண்ணப் பழகிவிட்டால் அதற்கேற்றவாறு வயிறு சுருங்கிக் கொள்கிறது. உடல் எடை யும் குறைகிறது என்பதே ஆராய்ச்சியின் முடிவு.

உடல் குண்டாக இருப்பவர்கள் தங்களுக்கு சாப்பாட்டின் மேல் உள்ள ஆசையை கட்டுப்படுத்த பழகிக் கொண்டால், உடனடியாக இல்லா விட்டாலும், போகப்போக குறைவான உணவிலேயே நிறைவாக சாப்பிட்ட உணர்வைப் பெற முடியும், உடல் எடையைக் குறைக்க முடியும்.

அதற்காக இதோ சில யோசனைகள்.

குறிப்பிட்ட நேரங்களில் மட்டுமே உண்ணுங்கள்; குறைவாக உண்ணுங்கள்

ஒரு நாளைக்கு குறிப்பிட்ட மூன்று நேரங்களில் மிதமான சாப்பாடு. இடையில் இரண்டு நேரங்களில் ஏதாவது நொறுக்குத் தீனி. கண்ட நேரங்களில் சாப்பிடாமல் குறிப்பிட்ட நேரங்களில் மட்டுமே உண்ணுவதைப் பழக்கமாக்கிக் கொண்டால் பசி உணர்வு மெல்ல மெல்ல ஒரு கட்டுக்குள் வந்து விடும். இது உங்கள் உடல் எடையைக் குறைக்கும் முயற்சியில் பெரிய அளவுக்கு உதவும்.

உடல் எடை குறைய மெதுவாக உண்ணுங்கள்

கொஞ்சம் சாப்பிடுங்கள். சாப்பிடுவதை நிறுத்திவிட்டு தொலைக்காட்சி பாருங்கள். புத்தகம் படியுங்கள். யாருடனாவது பேசிக் கொண்டிருங்கள். சற்று இடைவெளிக்குப் பின் மீண்டும் அடுத்த கவளம். அதாவது உங்கள் வயிறு சரி சொல்வதற்கு கொஞ்சம் நேரம் கொடுங்கள். கொஞ்சம் மீதம் ஆகி விட்டால் பரவாயில்லை. வீணாகிறதே என்று கவலைப் படாதீர்கள். முதலில் பார்வையிலல் இருந்து அதை அப்புறப்படுத்துங்கள். பார்த்தால் பசி தீராது. பார்த்தால் பசிக்கும். 20 கவளங்களை வேகமாகச் சாப்பிட்டால் கிடைக்கும் நிறைவு 7 கவளங்களை மெதுவாக உண்பதில் கிடைத்து விடும். தங்கள் உணவை உடன் இருப்பவர்களோடு பகிர்ந்து கொள்ளுங்கள். வயிற்றுக்கு நிறைவு. மனதுக்கு மகிழ்ச்சி . 

நார்ச்சத்து அதிகம் உள்ள உணவு கொஞ்சம் சாப்பிட்டாலே நிறைய சாப்பிட்ட நிறைவைத் தரும். சாப்பிடத் தொடங்கும் முன் கொஞ்சம் பச்சடி அல்லது காய்கறி சூப் அருந்துங்கள். சாப்பிட்டபின் ஏதாவது கொஞ்சம் பழம். அவையும்கூட 200 கலோரிக்கும் குறைவாகவே இருக்கட்டும். தண்ணீ ர் குடியுங்கள்

சாப்பிடும் முன்பு ஒரு தம்ளர் தண்ணீர். சாப்பிடும்போது இடையிடையே ஒரு தம்ளர். இவையும் உங்கள் பசி உணர்வை கொஞ்சம் மட்டுப் படுத்தும்.

உண்ணும் ஆர்வத்தை குறைக்க இன்னொரு வழி

நல்ல உடல் நலத்திற்குரிய பண்டங்களை உண்ணப் பழகுங்கள். இணையத்தில் தேடினால் உணவுப் பொருட்களைப் பற்றிய நிறைய செய்திகள் இருக்கின்றன. அவற்றில் நம்பகத்தன்மை உள்ளவற்றை மட்டும் தேர்வு செய்து கொள்ளுங்கள்.

கலோரி அதிகமுள்ள உணவுக்குப் பதிலாக கலோரி குறைவான உணவை சுவைக்கும்படி உங்கள் நாக்கின் சுவை அரும்புகளை பழக்கப் படுத்துங்கள். ஓரிரு வாரங்களுக்கு ஏக்கமாக இருக்கும். பிறகு பழகி விடும்.

நடை உடை பாவனையை கொஞ்சம் மாற்றுங்கள்

உணவுப் பழக்கத்தை மாற்றும் போதே உங்களது செயல் முறைகளையும் கொஞ்சம் மாற்றிப் பாருங்கள். எப்போதும் நேராக நில்லுங்கள். ஓரள வாக ஒல்லியாகத் தோன்றுவீர்கள். உடற்பயிற்சிக்கு நேரம் ஒதுக்குங்கள். யாஸ்மின் கராச்சிவாலா  வயிற்றைக் குறைக்க சொல்லித்தரும் உடற்பயிற்சிகளை தொடர்ந்து செய்யலாம்.

“நான் ரொம்ப விரைவு எங்கே எது கிடைக்கிறதோ அங்கே அதை சாப்பிட்டுவிட்டு அடுத்தடுத்து வேலையைக் கவனிக்க வேண்டியதுதான்”. இப்படி சொல்லிக் கொண்டிருந்தார் ஒரு பெண்மணி.

Also Read: உணர்வுகளையும், ஆற்றலையும் ஒன்று படுத்தும் தேநீர்

தன் உடல் குண்டாவதை உணர்ந்தவுடன் ஒழுங்கான உணவுப் பழக்கத்தை இவர் கடைப்பிடிக்க தொடங்கினார். குறைவான உணவு, அதுவும் ஒரே தடவையாக இல்லாமல் அவ்வப்போது அளவு குறைவாக, மாவுச்சத்து குறைவான உணவு, கொஞ்சம் உடற்பயிற்சி – எல்லாமாகச் சேர்ந்து நான்கே மாதத்தில் உடல் எடை குறைந்தது அவருக்கு. “குறைவான உணவு அதே நேரம் நிறைய சாப்பிட்ட நிறைவு . இந்த உணவுக் கொள்கை எனக்கு உதவி யாக இருக்கிறது” என்று சொல்லும் இவர், “எது என் எடை குறைப்புக்கு  நல்லதோ அதை ரசித்துச் சாப்பிடுகிறேன். அதை சாப்பிட முடியவில்லையே, இதை சாப்பிட முடியவில்லையே என்ற ஏக்க மெல்லாம் இப்போது கிடையாது” என்கிறார்.

English Title: How to reduce weight in four months.

– ரவிசங்கர்

 

கொரோனா – இனி வணிக செயல்பாடுகளில் ஏற்பட இருக்கும் அதிரடி மாற்றங்கள்

Valar
-
0
கொரோனா – இனி வணிக செயல்பாடுகளில் ஏற்பட இருக்கும் அதிரடி மாற்றங்கள்

                                                                                                                                         கொரோனா தொற்றின் விளைவாக வணிக செயல்பாடுகளில் மாற்றங்களளை அமைத்தால்தான் நாம் சந்தையில் நிலைத்து நிற்க முடியும். மார்ச் 2020- இல் மட்டும் 50 லட்சம் புதிய பயனர்கள் UPI அலை பேசி பண பரிமாற்றத்திற்கு மாறியதாக NPCI (National  payment Corporation of India ) தலைமை செயல்பட்டு அதிகாரி பிரவீன் ராய் கூறியுள்ளார்.

      இனி வரும் காலங்களில் வங்கிகளுக்கு செல்வது குறைந்து பெரும்பாலான பண பரிமாற்றங்கள் அலைபேசி மூலமும்  இணைய  வாங்கி சேவை மூலமும் நடைபெறும்,.பணத்தை டெபாசிட் செய்வதற்கு ATM இயந்திரங்களை பயன்படுத்துவார்கள். 

தனி நபர் இடைவெளியை கடைபிடிப்பதற்காக வாடிக்கையாளர்கள் இனி அலை பேசி மூலம் பொருட்களை ஆர்டர் செய்வார்கள். .இதனை அறிந்த பேஸ்புக் நிறுவனம் ரிலையன்ஸ் ஜியோ நிறுவனத்துடன் கூட்டு வைத்துள்ளது. 22-4-2020 அன்று பேஸ்புக் நிறுவனம் 43,574 கோடி ரூபாயை ஜியோ தனில் முதலீடு செய்துள்ளது. இதன் மூலம் 9.99% ஜியோ பங்குகளை தனதாக்கி கொண்டுள்ளது பேஸ்புக்.

இனி ரிலையன்ஸ் நிறுவனமும் பேஸ்புக் நிறுவனத்தின் துணை நிறுவனமான வாட்சாப் செயலியும் இணைத்து செயல்படுவார்கள். ஜியோ அலைபேசியில் பொருட்களை ஆர்டர் செய்து வாட்சாப் மூலம் பண பரிமாற்றம் நடைபெறும். பேஸ்புக் மூலமும் பொருட்களை ஆர்டர் செய்வார்கள். கூகிள் பே போன்று வாட்ஸ் ஆப் பேமன்ட் செயலையும் தயார் செய்து விட்டார்கள். அரசு அனுமதி மட்டுமே பெற வேண்டும். இது போன்ற கூட்டணிகள் வரும் காலத்தில் அதிக அளவில் நடைபெறும் 

ரோபோட்டிக்ஸ், ஆர்ட்டிஃபிசியல் இன்டெலிஜெடன்ஸ், டேட்டா மைனிங் துறைகள் வளரும்

மாணவர்கள் தங்கள் பாடங்களை  ஆன்லைன் மூலம் கற்பார்கள். ஆகவே பொறியியல் கல்லூரிகளில் மாணவர் சேர்க்கை கடுமையாக குறையும். பொறியியல்  கல்லூரிகளில் கெமிக்கல் இன்ஜினியரிங் மற்றும்பயோடெக் இன்ஜினியரிங் துறைகளுக்கு மட்டும் அதிக மவுசு இருக்கும். மாத்திரைகள் உற்பத்தியில் இந்தியா நல்ல முன்னேற்றம்  காணும் என்பதால் இந்த துறைகளுக்கு அதிக தேவை இருக்கும். கணினி துறையில் ஆர்டிபிசியல் இன்டெலிஜென்ஸ் மற்றும் டேட்டா மைனிங் , ரோபோடிக்ஸ் துறைகளுக்கு அதிக தேவை இருக்கும்.

உற்பத்தித்துறை வீழ்ச்சியை சந்திக்கும்

ஊரடங்கின் விளைவாக வாங்கும் சக்தி குறையும். அதனால் உற்பத்தி துறை அடுத்த இரண்டு ஆண்டுகளுக்கு  வீழ்ச்சியை சந்திக்கும். சுற்றுலா துறைக்கு அடுத்த இரு ஆண்டுகள் சவாலாக அமையும். ஊடக துறை இனி தொலைக்காட்சி மற்றும் இணையத்தை சார்ந்ததாக இருக்கும். மக்கள் செய்தி தாள்கள், இதழ்கள் வாங்குவதை குறைத்து கொள்வார்கள். ஆகவே

அச்சு ஊடகங்கள் டிஜிட்டலுக்கு மாறும்

அச்சு ஊடகங்கள்டிஜிட்டலுக்கு மாறுவது நல்லது. ஊடக இணையதளங்கள் பயனாளர்களை ஈரத்தால் விளம்பரங்கள் மூலமாகவும், சாந்த மூலமாகவும் அதிக வருவாயை ஈட்ட முடியம். ஆகவே இணைய பத்திரிக்கை செய்தி அலசல்கள் தரமானதாக இருக்க வேண்டும். 

சினிமா துறையும் கடுமையான வீழ்ச்சியை சந்திக்கும். இனி கஷ்டப்பட்டு எடுக்கும் திரைப்படங்கள் அமேசானிலும், நெட்ப்ளிக்ஸிலும் வெளியிடப்படும். மக்கள் வீட்டிலிருந்தே படங்களை பார்த்து ரசிப்பார்கள். உற்பத்தி துறையில் பணியாளர்களுக்கு பதிலாக ரோபாட்டுகளை பயன்படுத்துவார்கள். 

என்ன தான் இயந்திரங்கள், ரோபாட்டுக்களை  பயன்படுத்தினாலும் மனிதர்களின் படைப்பாற்றல் மற்றும் புத்தாக்கங்களுக்கு எடு இணை ஏதும் இல்லை. ஊரடங்கு காலத்தில் ஒரு பிரபலமான இயக்குனர் ஒரு நடிகரையும், நடிகையையும் நடித்த பழைய கதா பாத்திரங்களை வைத்து இன்றைய சூழல்களை பற்றி அலைபேசியில் பேசுவதாக கதை அமைத்து, அலைபேசியில் படமெடுத்து அதனை குறும்படமாக வெளியிட்டார். (கவுதம் மேனன்). இது போன்று வணிகர்களும் தங்கள் படைப்பாற்றல்களை டிஜிட்டல் மூலமாக உட்புகுத்தவன் மூலம் சந்தையில் நிலைத்து நிற்க முடியும். 

  – ஜே. தினேஷ் ,எஸ். ஆர். எம். பல்கலைக்கழகம்

 

ஹேர் ஆயில், ஸ்கின் ஆயிலுக்கு விற்பனை வாய்ப்பு

Valar
-
0
ஹேர் ஆயில், ஸ்கின் ஆயிலுக்கு விற்பனை வாய்ப்பு

சென்னை அண்ணாநகரில் உள்ள YEKA HERBAL COSMETICS PVT LTD நிறுவனம், அயர்ன் சத்து போன்ற முக்கிய சத்துக்கள் உள்ள கீரை முருங்கை கீரை, வல்லாரை கீரை, சிறுகீரை, முடக்கத்தான் கீரை இவைகளை சேர்த்து தயாரிக்கப்பட்ட யேக்கா ஹெர்பல் ஹேர் ஆயில், தேங்காய்ப்பால் கொண்டு தயாரிக்கப்பட்ட வெர்ஜின் கோக்கனெட் ஆயில் உடன் பன்னீர் ரோஸ் சேர்த்து தயாரிக்கப்பட்ட யேக்கா கோல்டன் க்ளோ ஸ்கின் ஆயில் ஆகியவற்றுக்கு முகவர்களை எதிர்பார்க்கிறது. நூறு மிலி பாட்டில் விலை ரூ.350.

 

தேங்காய் எண்ணெய், ஆலிவ் ஆயில், ஆல்மண்ட் ஆயில், ஆவாரம் பூ, அதிமதிரம், கேரட், பப்பாளி – இவற்றை கலந்து தயாரிக்கப்பட்ட ARAAH சோப்புகள் விரைவில் அறிமுகப்படுத்த இருக்கிறார்கள்.

மேற்கண்ட செய்திகளை அந்த நிறுவனத்தின் மேலாண் இயக்குநர் திருமதி. என். நந்தினி பிரியா தெரிவித்தார். (9551871033).

 – விஜயா கண்ணன்

 

 

ஆடிட்டர்களுக்கான வாய்ப்பை அதிகரித்த ஜிஎஸ்டி

Valar
-
0
ஆடிட்டர்களுக்கான வாய்ப்பை அதிகரித்த ஜிஎஸ்டி

ஜிஎஸ்டி-க்குப் பிறகு ஆடிட்டர்கள் இருந்தால்தான் கணக்கு தாக்கல் செய்ய முடியும் என்ற நிலை உருவாகி உள்ளது.

நிறுவனத்துக்கான ஜிஎஸ்டி எண் பதிவு பெறுதல், நிறுவனத்தின் விற்பனை, சேவைகள் குறித்த விவரங்களை ஜிஎஸ்டி இணைய தளத்தில் பதிவேற்றுதல், ஒவ்வொரு பொருளுக்கும் விதிக்கப்பட்ட வெவ்வேறு வகையான ஜிஎஸ்டி வரியின்படி அதற்கான விவரங்களை முறையாக மென்பொருளில் பதிவேற் றுதல், உரிய நேரத்தில் வரியை செலுத்துதல், தாமதமாகும் போது அதனால், ஏற்படும் சிக்கல்களை சட்ட ரீதியாக எதிர் கொள்ளுதல் போன்ற பல்வேறு பணிகளை ஆடிட்டர்கள் செய்ய வேண்டி இருக்கிறது.

Also read: ஜிஎஸ்டி- முடிவெடுக்கும் உரிமை மாநில அரசுகளுக்கு வேண்டும்

அத்துடன் நான்கு விதமான நிலைகளில் வரி விதிப்புகள் இருப்பதால் வரி சச்சரவுகள் தொடர்ந்து வருகின்றன. இவற்றைத் தீர்ப்பதற்கு ஆடிட்டர்கள் போன்ற வணிகவியல் வல்லுநர்களே தேவைப் படுகின்றனர். இதனால் இந்தியாவில் சுமார் 2.60 லட்சம் ஆடிட்டர்கள் இருந்தாலும், இதைக் காட்டிலும் இரு மடங்கு அளவுக்கு ஆடிட்டர்கள் தேவைப் படுகின்றனர்.

– ஆடிட்டர் ஜி. கார்த்திகேயன்

வங்கிப் பண மோசடிகளில் பேராசை பிடித்த சொத்து மதிப்பீட்டாளர்களின் பங்கு இருக்கிறதா?

Valar
-
0
வங்கிப் பண மோசடிகளில் பேராசை பிடித்த சொத்து மதிப்பீட்டாளர்களின் பங்கு இருக்கிறதா?

சொத்து மதிப்பீட்டுத் துறை – சொத்து மதிப்பீட்டாளர்கள் (Property Valuer) என்ற சொற்கள், எங்கோ கேட்டவையாகத் தெரியும்…! இன்னும் சிலருக்கு, ‘நம்முடன் தொடர்பு இல்லாத விஷயம்’ எனத் தோன்றும். மிகக் குறைவானவர்களுக்குத்தான் – இந்த துறையின் வலிமை புரியும். காரணம் – இது, திரை மறைவில் பங்காற்றும் துறை.

இன்று இந்திய தொழில்துறை, நாட்டின் வர்த்தக வங்கிகளில் பல ஆயிரம் கோடி ரூபாயைக் கடனாகப் பெறுவதற்கும், அப்படி கடனாகப் பெற்ற தொகை திரும்பி வராத நிலையில், வாராக் கடனாக நிற்கும் தொகையில் எவ்வளவு தொகையைத் திரும்ப பெற முடியும் என தீர்மானிப்பதில் முக்கிய பங்கு வகிப்பவர்கள் இந்த சொத்து மதிப்பீட்டாளர்கள்.

வங்கிகள் கொடுக்கும் தொழில் கடன்கள்தான் என்றில்லை. சொந்த வீட்டுக் கனவில் உள்ளவர்கள் வங்கிகளிலும், மற்ற வீட்டுக் கடன் வழங்கும் நிறுவனங்களிலும், பெறும் கடன் என எல்லாவற்றிலும் இவர்களது பங்கு இருக்கிறது.

Also read: சொத்து மதிப்பீடு, ஒரு கருத்துதான்!

பங்கு என்றால், மேம்போக்கான… பெயரளவிற்கான பங்கல்ல அது! உண்மையில் சொல்வதானால், கடன் கொடுக்கும் நிர்வாக முடிவை எடுப்பது வேண்டுமானால், வங்கியின் மேலாளராக இருக்கலாம். ஆனால், கடன் கேட்பவர் அதற்கு உத்தரவாதமாக…. பிணையாக…. அடமானமாகத் தரும் சொத்து ஆவணங்கள் குறித்தும், அதன் நம்பகத் தன்மை குறித்தும் முடிவு எடுப்பது – வங்கி சார்பில் செயல்படும் ஒரு வழக்கறிஞர்.

அதனால், அந்த சொத்தை பிணையாக ஏற்பது சரியா…. கூடாதா என்ற ஆய்வுப் பணியைச் செய்வது வழக்கறிஞரின் பொறுப்பு, கடமை. அவர் ஒப்புதல் தரும் பட்சத்தில் – கடன் கேட்பவர் கோரும் தொகை சரியானதா… அந்த அளவு தொகைக்கு இங்கே வேலை இருக்கிறதா… அவ்வளவு கடன் தரலாமா…. ஒரு வேளை, இந்த கடன் தொகை பின்னாளில் வாராக் கடனாக மாறி, சிக்கலானால், வங்கிக் கடனாகக் கொடுத்த தொகையை திரும்பப் பெறும் அளவு இந்த சொத்தின் மதிப்பு தேறுமா… போன்ற கேள்விகள் கேட்கப்பட்டு, அதற்கு பதில் அளிப்பவர் மதிப்பீட்டாளர்தான்.

அதனால், ஒரு குறிப்பிட்ட திட்டத்துக்கு எவ்வளவு கடன் கொடுக்கலாம் என்பதை, வங்கி மேலாளர் கூட முடிவு செய்ய முடியாது. அந்த வங்கியின் சார்பில் தேர்ந்தெடுத்து அங்கீகரித்து வைத்துள்ள ஒரு மதிப்பீட்டாளரின் பரிந்துரை அடிப்ப டையில்தான் வங்கி மேலாளர் கூட முடிவு செய்ய முடியும்.

வங்கியில் இருந்து கடன் பெறுவதானால், அதற்கு ஒரு மதிப்பீட்டாளரின் பரிந்துரை தேவை என்றால், இப்போது வாராக் கடனாக பாக்கி வைக்கப்பட்டு இருக்கும் கோடிக்கணக்கான ரூபாய் கடனிலும், இவர்கள்தானே அந்த தொகைக்கு பரிந்துரை அளித்து இருப்பார்கள்….? என்ற கேள்வி அனைவர் மனதிலும் எழும். இந்த கேள்வி நியாயம் ஆனதும் கூட.

விஜய் மல்லையாவின் மதுபான உற்பத்தி நிறுவனத்துக்கும், கிங் ஃபிஷர் ஏர்லைன்சுக்கும் தரப்பட்ட பல ஆயிரம் கோடி ரூபாய் வங்கிக் கடனில் இருந்து, பஞ்சாப் நேஷனல் வங்கி – நீரவ் மோடிக்கு கொடுத்த கோடிக் கணக்கான தொகை கடன்கள் வரை… இவை மட்டுமின்றி, இன்னும் பல தொழில் திட்டங்களில் முடங்கிப் போயுள்ள பலப்பல ஆயிரம் கோடி ரூபாய் கடன்களுக்கு (Bad Dept) பின்னாலும், எதோ ஒரு மதிப்பீட்டாளரின் சான்றிதழ் இருக்கிறது என்பது உண்மை.

அதனால், சட்டப்பூர்வமாக….. ஆவணப் பூர்வமாக பார்க்கும்போது, ஒரு மதிப்பீட்டாளர் அளித்த சான்றிதழ் அடிப்படையிலேயே வங்கிகள் கடன் கொடுத்து உள்ளன என்பதை மறுக்க முடியாது. அதனால், வங்கிகளின் நிலை இந்த அளவு மோசமாகி, அவற்றில் பல திவாலாகி விடுமோ என்ற சூழலுக்குச் சென்றதில், இந்த மதிப்பீட்டாளர்களுக்கும் பங்கு உண்டா என்றால், “இல்லை” எனச் சொல்லி, அதற்கான பொறுப்பில் இருந்து முற்றிலுமாக யாரும் தப்பிச் சென்று விட முடியாது. ஆனால், தொடர்பு உள்ள வேறு சில விஷயங்களையும் நாம் பார்க்க வேண்டி உள்ளது. அவை…

வங்கிகளின் சார்பாகச் செயல்படும் மதிப்பீட்டாளர்கள் அனைவரும் தவறானவர்கள் அல்ல; அதே நேரத்தில் இவர்கள் எல்லாரும் புனிதர்களும் அல்ல. யாரோ ஒரு சிலர், தவறு இழைக்கிறார்கள் என்பதால், ஒட்டு மொத்தமாக எல்லா மதிப்பீட்டாளர் களையும் குறை சொல்ல முடியாது.

நாணயமற்ற தொழிலதிபர்கள் + நாணயமற்ற வங்கி மேலாளர்கள் + அரசியல் செல்வாக்கு உள்ள நாணயமற்றவர்கள் + பேராசை பிடித்த மதிப்பீட்டாளர்கள் என்ற கூட்டணி அமையும்போதுதான் பெரும் வங்கிப் பண மோசடிகள் சாத்தியம் ஆகின்றன.

எனவே, இன்று மதிப்பீட்டாளர்கள், நாட்டின் பல்வேறு பகுதிகளிலும் இருந்து கொண்டு, நாட்டின் பொருளாதார வளர்ச்சியில் ஆற்றும் பங்களிப்பை யாராலும் மறுக்க முடியாது. ஆனால், இவ்வளவு முக்கிய பங்களிப்பு இருந்தும் கூட, இந்த மதிப்பீட்டாளர் துறை – ஒரு முறையான வழி காட்டுதலுக்கு உட்பட்டதாக இன்று வரை கூட இல்லை என்பதுதான் வியப்புக்கு உரியது.

தொழில்முறை பணியாளர்கள் எனச் சொல்லப்படும் பல துறையினருக்கும் இந்தியாவில் தற்போது உள்ளது போன்ற, எந்த ஒரு முறையான பதிவகமும், கண்காணிப்பு அமைப்பும், வழிகாட்டும் ஆணையமும் மதிப்பீட்டாளர்களுக்கு இல்லை. மருத்துவர்களுக்கு மெடிக்கல் கவுன்சில், வழக்கறிஞர்களுக்கு பார் கவுன்சில், ஆடிட்டர்களுக்கு கடந்த ஆண்டு வரை ஐசிஏஐ; தற்போது என்எஃப்ஆர்ஏ (NFRA) – National Financial Reporting Authority)… இப்படி பல இருந்தாலும், சொத்துகளை மதிப்பிடும் பொறுப்பில் உள்ளவர்களை வழிநடத்த ஒரு ஆணையம் இல்லை என்பது முக்கிய குறை.

‘புதிய திவால் சட்டம்’ எனக் குறிப்பிடப்படும் Insolvancy & Bankruptcy Act 2016 இதற்கு துணை நிற்கிறது. இந்த சட்டத்தின் முக்கிய நோக்கமே, தற்போதுள்ள பல்வேறு சட்டச் சிக்கல்களால், வங்கிகளில் கடன் வாங்கி அதைத் திருப்பிச் செலுத்தாமல் உள்ள பல்வேறு நிறுவனங்களிடம் இருந்து முடிந்த அளவு பணத்தைத் திரும்ப வசூலிப்பதுதான்.

பழைய சட்டங்களின்படி முயன்று, ஆண்டுக் கணக்கில் வழக்குகள் நீண்டு, இறுதி முடிவை எட்டாமல், இழுத்துக் கொண்டு இருந்த பின், மிகக் குறைந்த தொகையை மட்டும் திரும்பப் பெறுவதை விட, எவ்வளவு விரைவாக முடியுமோ, அவ்வளவு விரைவாக முயன்று, முன்னதாக பெறும் தொகை சற்று குறைவு என்றாலும், அதற்கான வட்டிச் செலவை… அதனால் வரும் இழப்பைக் குறைக்கலாம் என்பது வணிக ரீதியான பார்வை.

Also read: டெம்பர்ட் கிளாஸ் தயாரிப்பு மற்றும் விற்பனை

எனவே, புதிய திவால் சட்டப்படி நடக்கும் இவ் வகையான முயற்சியில், அதிக பட்சமாக 180 நாட்கள், அதாவது 6 மாதங்களில் இந்த வாராக் கடன்களுக்கு தீர்வு காணும் முயற்சிகள் தொடங்கி உள்ளன. கடந்த காலங்களில் சிவில் சட்டப்படி நீதிமன்றத்தில் வழக்கு தொடர்வது… கடன் வசூல் தீர்ப்பாயத்தில் முறையீடு செய் வது…. பின்னர் சர்ஃபாசி சட்ட உதவியை நாடுவது… என நடந்த எந்த வழி முறையிலும் கிடைக்காத ஒரு தீர்வு – இந்த புதிய திவால் சட்டத்தால் கிடைக்கும் என எதிர்பார்க்கப் படுகிறது. அதற்காக மத்திய அரசு Insolvancy & Bankruptcy Board of India (IBBI) என்ற ஒரு அமைப்பைத் தொடங்கி உள்ளது. இதன் மூலம் புதிய திவால் சட்ட நடை முறைகளை நடைமுறைப் படுத்தி, தொழில் முறை வல்லுநர்களை Insolvancy Professionals) அமர்த்த முயன்று வருகிறது. அவர்களுக்கு பயிற்சி அளிப்பதுடன், அவர்களை வழிநடத்தி, கட்டுப் படுத்தும் பொறுப்பையும் மேற்கொண்டு வருகிறது. இதையொட்டி, கடந்த 2017ம் ஆண்டு இறுதி வாக்கில், மதிப்பீட்டாளர்களையும் IBBI யின் கட்டுப்பாட்டின் கீழ் கொண்டு வந்து, வரன்முறைப்படுத்த மத்திய அரசு முடிவு செய்து உள்ளது.

இதனால், நாடு முழுவதும் உள்ள சுமார் 35,000 வரை இருக்க வாய்ப்புள்ள சொத்து மதிப்பீட்டாளர்களுக்கு ஒரு தகுதித் தேர்வு ஆன்லைன் முறையில் நடக்கிறது.

இந்த தேர்வில் பங்கேற்க விரும்புவோருக்கு, உலக அளவில் கடைப் பிடிக்கப்படும் மதிப்பீட்டு நடை முறைகளை வலியுறுத்தவும் முடிவு செய்யப்பட்டு உள்ளது. அதோடு, ஏற்கனவே இத்தொழிலில் உள்ள அனைவரும் கூட, கட்டாயமாக, இந்த தேர்வில் பங்கேற்று வெற்றி பெற வேண்டும் என்று வலியுறுத்தப்படுகிறது.

வங்கித் துறையில் உள்ள மூத்த அதிகாரிகள் பலரும், இத்துறை குறித்த புரிதல் உள்ள மற்றவர்களும், பல மதிப்பீட்டாளர்களின் திறன் அறிந்த, இந்த துறையிலேயே பங்களித்து வரும் பலரும் இந்தத் தேர்வை வரவேகிறார்கள்.

GST Answers in Tamil – ஜிஎஸ்டி சந்தேகங்களுக்கு விளக்கம்

Valar
-
0
GST Answers in Tamil – ஜிஎஸ்டி சந்தேகங்களுக்கு விளக்கம்

GST Clarification in Tamil

கேள்வி: நான் வரியுள்ள பொருளையும் வரியில்லாத பொருளையும் ஒரு வாடிக்கையாளருக்கு விற்றால் தனித்தனியாக பில் போடவேண்டுமா?
பதில்: தேவையில்லை. ஒரே பில்லில் இரண்டையும் காட்டிக் கொள்ளலாம். இரண்டிற்கும் தனித் தனியாக HSN காட்டினால் போதுமானது.

கேள்வி: நான் approval (sale or return) முறையில் வரியுள்ள பொருள்களை எடுத்து செல்கிறேன். இதற்கு ஜிஎஸ்டியில் என்ன வழிமுறைகள்?
பதில்: இதற்கு டெலிவரி சலான் மற்றும் மின்வழிச் சீட்டு பயன் படுத்த வேண்டும். பில் புக்கை கையுடன் எடுத்து செல்ல வேண்டும். விற்பனை ஆகும்போது Tax Invoice போட வேண்டும்.

கேள்வி: எங்கள் தொழிற்சாலையில் இருந்து(OEM) உதிரி பாகங்கள் செய்வதற்காக moulds and dies (Free of cost) அனுப்பி வைக்கிறோம். இதற்கு நாங்கள் உள்ளீட்டு வரி திருப்புதல் வேண்டுமா?
பதில்: GST Circular No. 47/21/2018-GST dt 08.06.2018 படி இதற்கு திருப்புதல் அவசியம் இல்லை.

நான் 150 லட்சத்திற்கும் குறைவாக வணிகம் செய்கிறேன். கலவை வரி திட்டத்தில் (Composition Scheme) கண்டிப்பாக சேர வேண்டுமா?

தேவை இல்லை. வியாபாரி உள்ளீட்டுவரி வழங்களுக்கு உண்டான வரி செலுத்தும் பட்சத்தில் கலவை வரி திட்டத்தில் இருந்து வெளியேறி இயல்பான முறையில் வரி செலுத்தலாம்.

எல்யூடி(LUT) வாங்குவதில் ஏதேனும் மாற்றம் உண்டா?

ஆம், மாற்றம் உண்டு. தற்போது எல்யூடி (Letter of Undertaking-LUT) வாங்குவது எளிதாக்கப்பட்டு உள்ளது. ஜிஎஸ்டி வலை வாயில் மூலமாக கணினியுடன் நேரடி இணைப்பில் தகவல்களை பதிவு செய்து DSC/EVC ஒப்பமிட்டு பெற்றுக் கொள்ளலாம். ஏஆர்என் (ARN-Application Reference Number) எண்ணைத்தான் எல்யூடி எண்ணாக எடுத்துக் கொள்ள வேண்டும்.

பதிவு சான்றிதழில் திருத்தம் அனுமதிக்கப்படுமா?

ஜிஎஸ்டி சட்டப் பிரிவு 28 -ன் படி ஜிஎஸ்டி வலை வாயில் மூலமாக திருத்தங்கள் ஜிஎஸ்டி அலுவலர் அனுமதி பெற்று செய்து கொள்ளலாம்.

பணி எடுத்து செய்பவர் (job worker) அவருடைய இடத்தில் இருந்து விற்பனை செய்ய முடியுமா?

ஜிஎஸ்டி சட்டப் பிரிவு 143 -ன் படி முடியும். அவர் பதிவு பெற்றவராக இருத்தல் அவசியம். அல்லது முதன்மை உற்பத்தியாளர் அந்த இடத்தை கூடுதல் வியாபார இடமாக பதிவு செய்திருக்க வேண்டும்.

வாங்கிய விலையை விட ஜிஎஸ்டி -ல் குறைவாக விற்பனை செய்ய முடியுமா? அதன் வித்தியாசத்திற்கு உள்ளீட்டு வரி திருப்பம் வேண்டுமா? –

ஜிஎஸ்டி -ல் அவ்வாறு திருப்பம் வேண்டும் என்று சொல்லப்படவில்லை. குறைவாக விற்பனை செய்ய அனுமதி உண்டு.

எனது வெளிநாட்டு வாடிக்கையாளர் அவர்களுடைய பொருளை எனது நிறுவனத்தில் தயார் செய்வதற்காக மோல்டு (mould) மற்றும் பேடென்டிற்காக(patent) பணத்தை அந்நிய செலாவணியில் கொடுக்கிறார். அந்த மோல்டு என்னிடமே உள்ளது. இதற்கு பெறப்பட்ட பணத்தை ஏற்றுமதியாக எடுத்துக் கொள்ள முடியுமா? அல்லது அதற்கு ஐஜிஎஸ்டி (Integrated Goods and Service Tax-IGST) உண்டா?

நீங்கள் தயார் செய்த மோல்டு மற்றும் பேடென்ட் இந்தியாவை விட்டு செல்லாத வரைக்கும் அதை ஏற்றுமதியாக எடுத்துக் கொள்ள முடியாது. அந்த பணத்தை முன்பணமாக உங்கள் பதிவேடுகளில் காட்ட வேண்டும். உங்கள் அயல்நாட்டு வணிகருக்கு அந்த பொருள் மாற்றம் செய்யாதவரை அதை ஜிஎஸ்டி வழங்கலாக கருத முடியாது. அதற்கு ஜிஎஸ்டி இல்லை.

– கே. ரெங்கராஜ், கோவை

அகல்விளக்குகள் மொத்தமாக கிடைக்கும்

Valar
-
0
அகல்விளக்குகள் மொத்தமாக கிடைக்கும்

முன்னர் மண்பாண்டங்கள் செய்யும் குயவர்கள் குறிப்பிடத்தகுந்த அளவிற்கு இருந்தனர். அதே போல், மக்களும் மண் பாண்டங்களை அதிக அளவில் பயன்படுத்தி வந்தனர்.

இப்போது பொங்கல் விழா நாட்களில் மட்டும் பொங்கல் இடுவதற்கு புது மண்பானை வாங்குகிறார்கள். வேறு சிலர் மண்பாண்டங்களில் சமைத்தால் சுவை கூடுதலாக இருக்கிறது என்று மண் சட்டிகளை வாங்குகிறார்கள். மிகவும் குறைந்த எண்ணிக்கையில் உள்ளவர்களே தற்போது இந்த தொழிலைச் செய்து வருகின்றனர். அவர்களில் ஒருவர், திருமதி. சந்திரா. மண் பாண்டங்கள் செய்வதை பாரம்பரியமாக கொண்டது, இவரது குடும்பம். தற்போது அகல் விளக்குகளைச் செய்து சந்தைப் படுத்தி வருகிறார். இதைப் பற்றி அவரிடம் கேட்டபோது.

“மேட்டூருக்கு அருகே உள்ள நங்கவள்ளிதான் எங்கள் ஊர். எங்கள் ஊரில் குயவர்கள் அதிகம். எங்கள் குலத்தொழில் மண்பாண்டங்களைச் செய்வதுதான். மண் அடுப்பு, வாணலி, பானைகள், சட்டிகள், அகல் விளக்குகள் என்று செய்து விற்பனை செய்து வந்தனர்.  நான் என் தாத்தாவிடம் இருந்து அகல் விளக்குகள் செய்ய கற்றுக் கொண்டேன்.

எங்கள் தொழிலுக்கான மூலப்பொருளான களிமண் வாங்குவது என்பது இன்றைக்கு பெரும் சிக்கலான ஒன்றாக இருக்கிறது.நாங்கள் செய்யும் விளக்குகளை களிமண் மற்றும் மணல் கொண்டுதான் செய்கிறோம். இதற்கான களிமண்ணை எங்கள் ஊருக்கு அருகில் உள்ள மள்ளிக்குட்டை ஏரியில் இருந்துதான் பெற வேண்டும்.

ஆனால், அவ்வளவு எளிதாக மண்ணைப் பெற்றுவிட முடியாது. அதற்கு மிகப் பெரிய சங்கிலித் தொடர் செயல்பாடுகள் உள்ளன. சுரங்க மற்றும் சுற்றுச்சூழல் துறையினரிடம் பல படிகளில் விண்ணப்பங்கள் அளித்து அனுமதி வாங்க வேண்டும். அதில் அலைக் கழிப்புகள் பல. இவற்றை எல்லாம் கடந்துதான் நாங்கள் மண்ணை வாங்க வேண்டும். அதற்கும் வண்டிக் கட்டணம் தனியாக இருக்கும். மூன்று யூனிட் மண்ணை எடுத்து வர 2500 ரூபாய் செலவு செய்ய வேண்டும்.

நாங்கள் செய்யும் விளக்குகளின் எண்ணிக்கையைப் பொறுத்துதான் களிமண்ணின் இருப்பு இருக்கும். குறைந்த பட்சம் நான்கு முதல் ஐந்து மாதங்கள் வரை எனக்கு களிமண் இருப்பு இருக்கும். தீர்ந்த பின் மறுபடியும் அனுமதி பெற்று எடுத்துக் கொள்ள வேண்டும். இந்த தொழிலுக்கான மூலப்பொருளான களிமண்ணை எளிதில் பெற்றுக் கொள்ளும்படி அரசு வழிவகை செய்ய வேண்டும்.

நான் தனியாளாகவே ஒரு நாளைக்கு ஆயிரம் விளக்குகள் வரை செய்வேன். அகல் விளக்குகளைச் செய்து காய வைத்து எடுத்து வைத்து விடுவோம். பின்னர் மொத்த வியாபாரிகள் வந்து அனைத்தையும் வாங்கிக் கொள்வார்கள். அவர்களுக்கு ஆயிரம் விளக்குகளை முன்னூற்று ஐம்பது ரூபாய் முதல் நானூறு ரூபாய்க்கு கொடுக்கிறோம். விழாக்காலங்களில் நானுற்று ஐம்பது ரூபாய் வரை விலை போகும். திருவிழாக் காலங்களில் நூறு விளக்குகளுக்கு நாற்பது ரூபாய் என சில சில்லரை வியாபாரங்களும் நடக்கும். எங்களிடம் இருந்து அகல் விளக்குகளை வாங்கி விற்பனை செய்ய விரும்புகிறவர்கள் தொடர்பு கொள்ளலாம்.” என்றார், திருமதி. சந்திரா.(9597905446)

– சிவம்

கைவினைப் பொருட்களுக்கான மூலப் பொருட்கள் எங்கே கிடைக்கின்றன?

Valar
-
0
கைவினைப் பொருட்களுக்கான மூலப் பொருட்கள் எங்கே கிடைக்கின்றன?

பலவிதமான கைவினைப் பொருட்களை செய்து சந்தைப் படுத்தும் வாய்ப்பு இருக்கிறது. கைவினைப் பொருட்கள் செய்வதில், பலருக்கும்  ஆர்வம் இருக்கிறது. அவர்களுக்கு கைவினைப் பொருட்கள் செய்வது எப்படி? என்பதை கற்றுக் கொடுக்க பயிற்சியாளர்கள் இருக்கிறார்கள். கூகுளில் தேடியும் கற்றுக் கொள்ளலாம்.

பெயின்டிங் என்பதில், சுவரை அலங்கரிக்க சார்கோல் பெயின்டிங், குழந்தைகளின் தலையணையை அலங்கரிக்க மிக்கி மவுஸ் பேப்ரிக் பெயின்டிங், கிளாஸ் பெயின்டிங் மற்றும் புடவையில் லிக்விட் எம்பிராய்டரி, ஜப்பானின் சஷிகோ எம்பிராய்டரி, துப்பட்டாவை அலங்கரிக்கும் குரோஷா பூக்கள், பேப்பர் பூக்கள், கிறிஸ்துமஸ் ட்ரீ, பேப்பர் பாக்ஸ், காகித ரோஜா, ஜிமிக்கி, வளையல், நெக்லஸ், கம்மல், ஊதுவத்தி ஸ்டாண்ட், வீட்டிற்குத் தேவையான காலண்டர், ரங்கோலி விளக்கு என்று ஏராளமான கைவினைக் கலைகள் இருக்கின்றன.

ஒருவர் கைவினைப் பொருட்களை விற்று வருமானம் ஈட்ட முடியுமா என்றால்? கண்டிப்பாக முடியும். காரணம் நாடு முழுவதும், ஆன்லைன் தளங்களான அமேசான், ஃப்ளிப்கார்ட் போன்ற தளங்கள் பரவிக் கிடக்கின்றன. பலர் கைவினைப் பொருட்கள் செய்முறைகளைக் கற்றுக் கொண்டு பயிற்சி வகுப்புகள் எடுக்கிறார்கள்; மற்றும் அங்கேயே அவர்கள் தயாரிக்கும் பொருட்களையும் விற்கிறார்கள். அதன் மூலம் வருமானம் ஈட்டுகிறார்கள். நிறைய கைவினைப் பொருட்களுக்கான கண் காட்சிகள் ஏற்பாடு செய்யப்படுகின்றன. அவற்றில் கலந்து கொண்டு கைவினைப் பொருட்களை விற்கிறார்கள். ஏற்றுமதி செய்பவர்களும் உண்டு.

இன்று கைவினைப் பொருட்கள் வாங்குபவர்களின் எண்ணிக்கை அதிகரித்து வருகின்றது. முறையாக கற்றுக் கொண்டு கைவினைப் பொருட்களை குறைந்த முதலீட்டில் செய்து விற்பனை செய்ய முயற்சிக்கலாம்.

பயிற்சி என்றவுடன் ஒரே நாளில் கற்றுக் கொண்டு நாளையே தொழிலாக தொடங்கி விட முடியுமா? என்று சிலர் ஆசைப்படுவார்கள். ஆனால், அப்படி முடியாது. பொறுமை மிக அவசியம்.

இன்று கைவினைப் பொருட்கள் செய்வதற்கான மூலப்பொருட்கள் நிறைய இடங்களில் கிடைக்கின்றன. சென்னையில் பிராட்வே – நாராயண முதலி தெரு முழுக்க கைவினைப் பொருட்களுக்கான மூலப்பொருட்கள் விற்பனை நடைபெறுகிறது. மொத்த விலையில் கிடைக்கின்றன. பத்தாயிரம் ரூபாய் என்ற அளவுக்கு தொடக்க முதலீடு இந்த தொழிலைத் தொடங்குவதற்குப் போதுமானது ஆகும்.

– திருமதி. மு.வி. நந்தினி.

1...131415...59Page 14 of 59