பொதுவாக 2016-17 ஆம் நிதியாண்டு வரையில் நிறுவனங்கள், தங்களுடைய வருமானவரிப் படிவங்களை (IncomeTax Return (ITR)) சமர்ப்பிக்கும் போது எக்சைஸ் டூட்டி, வாட் என்பன போன்ற மறைமுகவரி விவரங்களுடன் சேர்த்து அளிக்க வேண்டி இருக்கவில்லை.

தற்போது ஜிஎஸ்டி நடைமுறைப்படுத்தப்பட்ட பின்னர் நிறுவனங்கள் அனைத்தும் தங்களுடைய வருமானவரிப் படிவத்தில் ஜிஎஸ்டி விவரங்களையும் சேர்த்து அளிக்க வேண்டும் எனும் நடைமுறையைக் கொண்டு வந்திருக்கிறார்கள்.

அதாவது ஜிஎஸ்டி-யில் பதிவு செய்த வியாபார வருமானமும், தொழில்முறை (Professional) வருமானமும் பெறுபவர்கள் தங்கள் வருமானவரி அறிக்கையில் ஜிஎஸ்டி விவரங்களையும் சேர்த்து அளிக்க வேண்டும்.

சம்பளம் அல்லது பிற ஆதாரங்களில் இருந்து வருமானம் பெறுபவர்களான மிஜிஸி 1 . ITR 2 ஆகிய வருமானவரி படிவங்களை வழங்குவோர் தங்கள் மிஜிஸி களுடன் எந்த ஜிஎஸ்டி விவரங்களையும் வழங்க வேண்டியது இல்லை.

ஆனால் ITR 3 முதல் ITR 6 வரையிலான வருமானவரிப் படிவங்களை அளிப்போர் தங்கள் வருமானவரி அறிக்கையில் ஜிஎஸ்டி விவரங்களையும் சேர்த்து அளிக்க வேண்டும்.

வருமானவரிப் படிவம் ITR 3 அளிப்போர், தங்கள் வருமானவரிப் படிவத்துடன் ஜிஎஸ்டி நடைமுறைப் படுத்தப்பட்ட பின்னர் 9 மாத விற்பனையில் விதிக்கப்பட்ட ஜிஎஸ்டி வரி விவரங்களான CGST, SGCT, IGST, UTGST ஆகியவற்றுடன் சேர்த்து அளிக்க வேண்டும். இந்த விவரங்கள் அனைத்தும் இந்நிறுவனங்கள் ஜிஎஸ்டி இணையதளத்தில் (GST potral) ஏற்கனவே அளித்த இது தொடர்பான தங்களுடைய மின்னணு பொறுப்பு பதிவேட்டின் (Electronic Liability Register) விவரங்களுடன் சரியாக இருக்க வேண்டும்.

தொடர்ந்து தாம் கொள்முதல் செய்த பொருட்களுடன் சேர்ந்த CGST, SGST, IGST, UTGST ஆகிய ஜிஎஸ்டி வரியை தாங்கள் செலுத்தும் ஜிஎஸ்டி வரியில் கழித்து நிகரமாக செலுத்தி இருப்பார்கள். இந்த ஜிஎஸ்டி வரவு தொகை, இதே ஜிஎஸ்டி தளத்தில் ( GST potral ) ஏற்கனவே அளித்து உள்ள இது தொடர்பான இவர்களின் மின்னணு வரவு பதிவேட்டின் (electronic credit ledger) விவரங்களுடன் சரியாக இருக்கவேண்டும்

அதனோடு வரி செலுத்துவோர் நிகரமாக தாம் செலுத்த வேண்டிய ஜிஎஸ்டி வரி விவரங்களை தங்கள் வருமானவரி விவரங்களில் தெரிவிக்க வேண்டும். இந்த நிகர ஜிஎஸ்டி வரியானது இவர்களுடைய ஜிஎஸ்டி போர்ட்டலில் ஏற்கனவே அளித்து உள்ள இது தொடர்பான நிகர தொகையாக உள்ள மின்னணு ரொக்க பேரேட்டுடன் (electronic cash ledger) சரியாக இருக்க வேண்டும்.

மேலும் வரி செலுத்துவோர் 31.03.2018 அன்று தாம் நிகரமாக செலுத்த வேண்டிய CGST, SGST, IGST, UTGST ஆகிய ஜிஎஸ்டி வரியை தம் வருமானவரி விவர அறிக்கையில் (ITR) குறிப்பிட வேண்டும்.

வரி செலுத்துவோர், தாம் அதிகமாக செலுத்திய CGST, SGST, IGST, UTGST ஆகிய ஜிஎஸ்டி வரியில் அரசிடம் இருந்து மிகுதி வரவேண்டிய, ஆனால் இலாப நட்ட கணக்கில் வருமானமாக காட்டப் படாதவை ஏதேனும் இருந்தால் அவ்விவரங்களை தனியாக தங்களுடைய வருமானவரி விவர அறிக்கையில் காண்பிக்க வேண்டும்.

வருமானவரிபடிவம் ITR 4 அளிப்போர், தங்கள் வருமானவரி படிவத்துடன் ஜிஎஸ்டி நடைமுறைப் படுத்தப்பட்ட 9 மாத விற்பனையின் மொத்த விற்பனை வருமான விவரங்களை அளிக்க வேண்டும். இந்த தொகையும் இவர்கள் ஏற்கனவே அளித்த ஜிஎஸ்டி அறிக்கையில் குறிப்பிடப்பட்டு உள்ள தொகையும் சரியாக இருக்க வேண்டும். மேலும் இவர்களின் ஜிஎஸ்டி பதிவு எண்ணை தங்கள் வருமானவரி படிவத்தில் குறிப்பிடவேண்டும்.

இது ஜிஎஸ்டி நடைமுறைப் படுத்தப்படும் முதல் ஆண்டாகும். அதனால் ஜிஎஸ்டி செலுத்துவோர், சரியாக புரிந்து கொள்ள இயலாமல் இந்த ஆண்டு சில தவறுகளை செய்து இருக்கலாம். மேலும் வரி செலுத்துவோருக்கு, தங்களுடைய ஜிஎஸ்டி கணக்கில் பதிவு செய்து உள்ள கணக்குகளுடன் ஒப்பிட்டுப் பார்ப்பது என்பது கடினமான பணியாகக்கூட இருக்கலாம். இருப்பினும் வரி செலுத்துவோர், வருமான வரிப் படிவத்தை (ITR) அளிப்பதற்கு முன் ஜிஎஸ்டி ஆண்டறிக்கையுடன் ஒப்பிட்டு சரியாக இருக்கின்றதாவென சரிபார்த்துக் கொள்ள வேண்டும். இதற்கு ஜிஎஸ்டி ஆலோசகர்கள், ஆடிட்டர்களின் துணையையும் நாடலாம்.

ஜிஎஸ்டி வந்த பிறகு வணிகர்களின் சிரமங்கள், செலவுகள் கூடித்தான் இருக்கின்றன. ஜிஎஸ்டி நடைமுறைகளை இன்னும் எளிமைப்படுத்தினால்தான் வணிகர்களின் சிரமமும், செலவுகளும் குறையும்.

– முனைவர் ச. குப்பன்

இந்திய அரசின் பல்வேறு அமைச்சகங்களிலும் துறைகளிலும் நடைமுறையில் இருந்து வந்த உணவு தொடர்பான சிக்கல்களைக் கையாளும் பல்வேறு சட்டங்களையும் ஆணைகளை யும் ஒருங்கிணைத்து புதிய உணவு பாதுகாப்பு மற்றும் தரநிலைகள் சட்டம், 2006 (Food Safety and Standards Act, 2006) என்பது நடைமுறைப்படுத்தப்பட்டு உள்ளது.

இந்த சட்டத்தை கண்காணித்து செயல்படுத்துவதற்காக இதன் கீழ் இந்திய உணவு பாதுகாப்பு மற்றும் தரநிலைகள் ஆணையம் (The Food Safety and Standards Authority of India (FSSAI)) என்பது உற்பத்தி, சேமித்தல், விநியோகித்தல், விற்பனை செய்தல், இறக்குமதி செய்தல் ஆகிய உணவு தொடர்பான பல்வேறு நடவடிக்கைகளை பாதுகாப்பதற்காகவும், உணவிற்கான அறிவியல் அடிப்படை யிலான தரநிலைகளை பராமரிப்பதற் காகவும், உருவாக்கப்பட்டு உள்ளது. இது மனித நுகர்விற்கான பாதுகாப் பானதும் ஆரோக்கியமானது-மான உணவு கிடைக்கும் தன்மையை உறுதிப் படுத்துகிறது.

உணவு மாசுறுதல் தடுப்பு சட்டம் 1954 (Prevention of Food Adulteration Act, 1954), பழங்களின் உற்பத்திகள் ஆணை,1955 (Fruit Products Order, 1955), இறைச்சி உணவுகளின் உற்பத்திகள் ஆணை, 1973 (Meat Food Products Order, 1973), தாவர எண்ணெய் உற்பத்திகள் (கட்டுப்பாட்டு) ஆணை, 1947 (Vegetable Oil Products (Control) Order, 1947), சமையல் எண்ணெய் பேக்கேஜிங் (ஒழுங்குமுறை) ஆணை 1988 (Edible Oils Packaging (Regulation)Order, 1988), எண்ணெய், சமையல் உணவு மற்றும் சமையல் மாவு (கட்டுப்பாட்டு) ஆணை, 1967 (Solvent Extracted Oil, De- Oiled Meal and Edible Flour (Control) Order, 1967), பால் மற்றும் பால் பொருட்கள்ஆணை,1992 (Milk and Milk Products Order, 1992) என்பன போன்ற பல்வேறு சட்டங்கள், ஆணைகள் அனைத்தும் 2011 ஆம் ஆண்டு ஆகஸ்டு 5 ஆம் நாள் முதல் நீக்கம் செய்யப்பட்டு அவைகளுக்கு பதிலாக இந்த புதிய உணவு பாதுகாப்பு மற்றும் தர நிலைகள் சட்டம், 2006 நடைமுறைப் படுத்தப்பட்டு உள்ளது .

உணவு பாதுகாப்பு, தர நிலைகள் தொடர்பான அனைத்து பணிகளையும் செய்து முடிப்பதற்கு எந்த ஒருவரும் பல்வேறு நிலைகளுக் கும், பல்வேறு துறை களுக்கும் செல்வதற்கு பதிலாக ஒற்றைச் சாளர முறையில் தீர்வு காண்பதற்கு, இந்திய உணவு பாது காப்பு மற்றும் தர நிலைகள் ஆணையம் வழிவகை செய்கின் றது.

இதன் தலைமை அலுவலகம் புதுடெல்லியில் உள்ளது.. இந்தியாவில் எந்தவொரு உணவு தொடர்பான வணிகத்தையும் தொடங்குவதற்கு முன் இந்த FSSAI உரிமம் பெறுதல் அல்லது எஃப்எஸ்எஸ்ஏஐ-இல் பதிவு செய்தல் கட்டாயம் ஆக்கப்பட்டு உள்ளது.

அதாவது உற்பத்தியாளர்கள், வர்த்தகர்கள், உணவகங்கள், சிறிய உணவகங்கள், மளிகைக் கடைகள், ஏற்று மதியாளர்கள், இறக்குமதியாளர்கள், வீடுகள் சார்ந்த உணவு தொழில்களை செய்பவர்கள், பால்பொருட்கள் உற்பத்தி செய்பவர்கள், உணவு உற்பத்தி செய்பவர் கள், சில்லறை விற்பனையாளர்கள், இணையம் வழியிலான விற்பனை யாளர்கள் போன்ற உணவு வியாபா ரத்தில் ஈடுபட்டு உள்ள பல்வேறு உணவு தொடர்பான வணிகங்கள் அனைத்தும் இந்த எஃப்எஸ்எஸ்ஏஐ – இல் பதிவு செய்ய வேண்டும். இவ்வாறு பதிவு செய்தவர்களுக்கு ஒதுக்கப்படும் 14 இலக்க பதிவு எண், அல்லது உணவுப் பொதிகளில் அச்சிடப்பட வேண்டிய உணவு உரிமஎண் பெறப்பட வேண்டும்.

எஃப்எஸ்எஸ்ஏஐ உரிமம் பெற வேண்டியவர்கள்

இணையத்தின் வாயிலாக அல்லது நேரடியாக உணவுப் பொருட்களை விற்பனை செய்பவர்கள்; உற்பத்தி செய்தல், கட்டுதல், விற்பனை செய்தல், ஏற்றுமதி செய்தல், இறக்குமதி செய்தல், சேமித்து வைத்தல் ஆகிய உணவு உற்பத்தி செய்யும் இடத்திலிருந்து நுகர்வோர்களிடம் சென்றடையும் வரையிலான அனைத்து பணிகளையும் கையாளுபவர்கள்; பிஸ்கட் போன்ற தயார்நிலை உணவுப் பொருட்களை உற்பத்தி செய்பவர்கள்; பால், பால்பொருட்களை உற்பத்தி செய்பவர்கள்; உணவுப்பொருட்கள் எடுத்துச் செல்லும் போக்குவரத்த் நிறுவனங்கள்; ஊறுகாய், உலர் பழங்கள் தயாரிப்பவர்கள்; .பொருட்களை சேமித்து வைக்கும் களஞ்சியங்கள் மற்றும் கிழங்குகள்; .உணவகங்கள் ஆகியன.

எஃப்எஸ்எஸ்ஏஐ உரிமங்களின் / பதிவுகளின் பல்வேறு வகைகள்

எஃப்எஸ்எஸ்ஏஐ – இன் நடுவணரசு உரிமம்

ஒரு நிறுவனத்தின் உணவு வணிக ஆண்டு வருமானம் ரூ. 20 கோடிக்கு மேல் இருந்தால் எஃப்எஸ்எஸ்ஏஐ நடுவணரசு உரிமம் (Central License) பெற வேண்டும். இந்த உரிமம் நடுவண் அரசால் வழங்கப்படுகிறது. மேலும், உணவுப் பொருள் தொடர்பான தொழில் செய்யும் FBO (Food Business Operator) கள் தங்கள் தலைமை அலுவலகத்திற்கு இந்த சென்ட்ரல் லைசன்சை பெற வேண்டும்.

அதிலும் ஒன்றிற்கு மேற்பட்ட மாநிலங்களில் உணவு வணிகம் தொடர்பான நடவடிக்கைகளில் ஈடுபட்டுக் கொண்டு இருந்தாலும் நாடு முழுவதும் பல்வேறு அலுவலகங்களை கொண்ட உணவு வணிகத்தில் ஈடுபட்டுக் கொண்டு இருந்தாலும், எஃப்எஸ்எஸ்ஏஐ – இன் சென்ட்ரல் உரிம அலுவலகத்தில் பதிவு செய்து கொள்ள வேண்டும். பொதுவாக ஒவ்வொரு கடையின் விற்பனை வருமானத்தின் அடிப்படையில் மாநில அல்லது சென்ட்ரல் உரிமத்தை பெற வேண்டும். இந்த உரிமத்தின் காலம் ஒராண்டு முதல் ஐந்து ஆண்டுகள் வரை இருக்கும்.

எஃப்எஸ்எஸ்ஏஐ – இன் மாநில உரிமம்

உணவு தொடர்பான வணிகத்தைச் செய்பவர்களின் ஆண்டு வருமானம் ரூ.12 லட்சத்திற்கும் மேல் ரூ. 20 கோடிக்குள் இருப்பவர்கள் எஃப்எஸ்எஸ்ஏஐ – இன் மாநில உரிமத்தைப் பெற வேண்டும்.

மேலும் நாள் ஒன்றுக்கு இரண்டு டன்களுக்கு மேல் உணவு உற்பத்தித் திறன் கொண்ட உற்பத்தியாளர்கள், நாள் ஒன்றுக்கு ஐம்பதாயிரம் லிட் டருக்கு மேல் கையாளும் பால் பொருட்கள் உற்பத் தியாளர்கள், மூன்று நட்சத்திர மற்றும் அதற்கு மேல் நட்சத்திர தகுதி உள்ள தங்கும் விடுதிகள், உணவுப் பொருட்களை ரீபேக் செய்பவர்கள், மறுபெயர் அச் சிட்டு ஒட்டுபவர் கள், பொழுது போக்கு மன்றங்கள், உணவகங்கள், ஆண்டு வருமானம் எவ்வளவு இருந்தாலும் கேட்டரிங் வர்த்தகம் செய்யும் அனைத்து நிறுவனங் களும் எஃப்எஸ்எஸ்ஏஐ மாநில உரிமம் பெற வேண்டும். இந்த உரிமத்தின் காலமும் ஒரு ஆண்டு முதல் ஐந்து ஆண்டுகள் வரை ஆகும்.

எஃப்எஸ்எஸ்ஏஐ பதிவு

சிறிய அளவிலான உணவு உற்பத்தியாளர்கள், சேமிப்பு அலகுகள், உணவுப் பொருள்கள் ஏற்றிச் செல்லும் வாகன நிறுவனங்கள், சில்லறை விற்பனையாளர்கள், விநியோகிப்பாளர் கள் போன்ற உணவு தொடர்பான நிறுவனங்களின் ஆண்டு வணிக வருமானம் ரூ.12 லட்சத்திற்கு மிகாமல் உள்ளவர்கள் அனைவரும் எஃப்எஸ் எஸ்ஏஐ – இல் பதிவு செய்து கொள்ள வேண்டும். அதன் பின்னர் ஆண்டு வணிக வருவாய்ரூ.12 லட்சத்துக்கு மேல் உயரும் போது இந்த எஃப்எஸ்எஸ்ஏஐ பதிவினை மாநில உரிமமாக மேம்படுத்திக் கொள்ள வேண்டும்.

எஃப்எஸ்எஸ்ஏஐ உரிமம் பெறுவதற்கு தேவையான ஆவணங்கள்

எஃப்எஸ்எஸ்ஏஐ பதிவு செய்வதற்கான ஆவணங்கள்

மத்திய மற்றும் மாநில எஃப்எஸ்எஸ்ஏஐ உரிமத்திற்கு, உரிமையாளரின்/இயக்குநர்களின்/நிறுவனத்தின் வருமானவரி பதிவுஎண் (PAN); .உரிமையாளரின்/இயக்குநர்களின் ஆதார், கடவுச்சீட்டு, வாக்காளர் அட்டை, போன்றவை; .உரிமையாளரின் / இயக்குநர்களின் மார்பளவு உருவப்படம்; வாடகை ஒப்பந்தம், சொந்த இடம் எனில் அதற்கான சான்று; நிறுவனம் உருவாக்கியதற்கான சான்று / கூட்டாண்மை ஒப்பந்தம்/MOA & AOA சான்றிதழ் போன்றவை; தயாரிக்கும் அல் லது பதப்படுத்தும் அல்லது சேமிக்கும் உணவுப் பொருட்களின் பட்டியல்; .உணவு பாதுகாப்பு மேலாண்மை அமைப்பு திட்டம் ஏதேனும் இருந்தால் தயாராக இருக்கும் வர்த்தக உரிமம்; .நிறுவனம் உற்பத்தி செய்யும் அல்லது கையாளும் உணவு வகைகளின் பட்டியல்; நிறுவனத்தில் கையாளப்படும் எந்திரங்கள், கருவிகளின் பட்டியல்

எஃப்எஸ்எஸ்ஏஐ பதிவு செய்வதற்கான ஆவணங்கள்

உரிமையாளரின்/இயக்குநர்களின்/நிறுவனத்தின் வருமானவரி பதிவுஎண் (PAN); .உரிமையாளரின்/இயக்குநர்களின் ஆதார், கடவுச்சீட்டு, வாக்காளர் அட்டை, போன்றவை; .உரிமையாளரின் / இயக்குநர்களின் மார்பளவு உருவப்படம்; வாடகை ஒப்பந்தம், சொந்த இடம் எனில் அதற்கான சான்று; நிறுவனம் உருவாக்கியதற்கான சான்று / கூட்டாண்மை ஒப்பந்தம்/விளிகி & கிளிகி சான்றிதழ்

எஃப்எஸ்எஸ்ஏஐ இணையத்தின் வாயிலாக பதிவு செய்வதற்கான வழிமுறை பின்வருமாறு –

எஃப்எஸ்எஸ்ஏஐ பதிவு செய்வதற்கு தேவையான அனைத்து தகுதிகளும், தேவையான ஆவணங்களும் இருக்கின் றதாவென முதலில் சரி பார்த்துக் கொள்ள வேண்டும்.

பின்னர் நாம் பெற வேண்டியது, உரிமமா (லைசன்ஸ்) அல்லது பதிவா (ரெஜிஸ்ட்ரேஷன்) என்பதை முடிவு செய்ய வேண்டும்.

எஃப்எஸ்எஸ்ஏஐ இணைய பக்கத்திற்கு சென்று பயனாளர் பெயர், கடவுச் சொற்களுடன் இந்த உணவு உரிமம் மற்றும் பதிவு முறை இணைய தளத்திற் குள் உள்நுழைவு செய்ய வேண்டும்.

அதன்பின்னர் வலைத்தளத்தில் உரிமம் / பதிவு படிவத்தில் தேவையான அனைத்து விவரங்களையும் உள்ளீடு செய்து நிரப்ப வேண்டும்.

பின்னர்அவ்விவரங்களுக்கான சான்று ஆவணங்களை பதிவேற்றம் செய்ய வேண்டும்.

பிறகு பதிவு செய்வதற்கான கட்டணத்தை (மத்திய உரிமம், மாநில உரிமம் அல்லது/பதிவு ஆகியவற்றின்) இணையத்தின் வாயிலாக அல்லது சலான் வழியாக செலுத்த வேண்டும்.

தொடர்ந்து இதே இணையதள பக்கத்தில் உருவாகும் படிவம் ஙி ஐ அச்சிட்டு அதில் பதிவு செய்பவர் தம்முடைய கையெழுத்தினை இட்டு அந்த படிவத்தை ஸ்கேன் செய்து அதைப் பதிவேற்றம் செய்ய வேண்டும். உடன் இந்த விண்ணப்பம் பெறப்பட்டதற்கான ஒப்புதல் கடிதம் கிடைக்கப் பெறும்.

இணையம் வாயிலாக நிரப்பிய பின், தேவையான ஆவணங்களை பதிவேற்றம் செய்த பின்னர் விண்ணப்பத்தில் திருத்தம் ஏதேனும் செய்ய வேண்டி இருந்தால், அரசானது இந்த படிவத்தை நமக்கு திரும்ப அனுப்பி வைக்கும். படிவம் நமக்குக் கிடைத்த நாளில் இருந்து பதினைந்து நாட்களுக்குள் நாம் அதனை சரிசெய்து அனுப்பி வைக்க வேண்டும். அவ்வாறு அதில் கேட்கப்பட்ட விவரங்களை சரி செய்து பதில் அளிக்கா விட்டால், நம் விண்ணப்பம் நிராகரிக்கப்படும்.

பொதுவாக இவ்வாறு நாம் விண்ணப்பிக்கும் நம் விண்ணப்பத்தின் அடிப்படையில் மாநில அல்லது மத்திய எஃப்எஸ்எஸ்ஏஐ உரிமம் எனில் 30 முதல் 50 வேலை நாட்களுக்குள் அரசானது அதற்கான ஒப்புதலை வழங்கும். அடிப்படை பதிவிற்கு மட்டும் எனில் 3 முதல் 7 வேலை நாட்களுக்குள் அரசு அதற்கான ஒப்புதலை வழங்கும் (ஒவ்வொரு மாநிலத்திற்கேற்ப இந்த காலஅளவு மாறுபடும்).

– முனைவர் ச. குப்பன்

அமெரிக்கக் குழந்தைகள் என்றால் எல்லோரும், ‘கம்ப்யூட்டரில்தான் விளையாடுவார்கள், கைபேசிகளில்தான் காலம் தள்ளுவார்கள்’ என பலரும் தவறாய் எண்ணிக் கொள்கிறார்கள். அப்படி எல்லாம் இல்லை. குழந்தைகள் என்றால் எல்லா நாட்டிலும் ஒன்றுதான்.

பல சந்தைகளிலும், திருவிழாக்களிலும் குழந்தைகள் அதிகம் வாங்குவது பலூன்கள்தான். சிலருக்கு இது வியப்பாய் இருக்கும். ஆனால் அதுதான் உண்மை. நம் ஊரில் விற்பனை ஆகும் அதே மாதிரி வண்ணவண்ண பலூன்கள் அமெரிக்காவிலும் பல வடிவங்களில் அதிக அளவில் விற்பனை ஆகின்றன. புத்தாண்டுக் கொண்டாட்டங்களிலும், கிறிஸ்துமஸ் கொண்டாட்டங்களிலும் இவை கடைகளையும், வீடுகளையும் அலங்கரிக்கின்றன.

நீண்ட நாட்கள் கடுங்குளிர் வாட்டுவதாலும், ஏழு வயதுக்குக் கீழ் உள்ள குழந்தைகளை பெரியவர்கள் துணை இல்லாமல் விளையாட விடக் கூடாது எனும் சட்டம் இருப்பதாலும் தெருக்களில் குழந்தைகளை சாதார ணமாகப் பார்க்க முடியாது. இதனை சில எழுத்தாளர்கள் தவறாகக் கணித்து விடுகின்றனர்.

குளிர் காலங்களில் குழந்தைகள் வீட்டுக்கு உள்ளேயேதான் விளையாடிக் கொள்ள வேண்டும். அதற்காகத் தயாரிக்கப்பட்டவையே வீடியோ கேம் எனும் காட்சி விளையாட்டுகள். இவற்றை நம் ஊர் குழந்தைகளுக்கு தேவை இல்லாமலேயே வாங்கிக் கொடுக்கிறோம். இந்த காட்சி விளையாட்டுகளாக நம் ஊர் கபடி, கிட்டிப்புள், பல்லாங்குழி போன்ற எண்ணற்ற விளையாட்டுகளை தயாரித்துக் கொடுத்தால் அவற்றுக்கும் அமெரிக்காவில் நல்ல விற்பனை வாய்ப்பு இருக்கக் கூடும். மாற்றத்தை விரும்புவது மனித இயல்பு. குழந்தைகள் என்றால் கேட்கவா, வேண்டும்.

அமெரிக்காவுக்கு குழந்தைகள் விளையாடும் பொம்மைகள் பெரும்பாலும் சீனாவில் இருந்தே இறக்குமதி செய்யப்படுகின்றன. அவர்கள் தயாரிப்புகள் அனைத்தும் பிளாஸ்டிக் கால் இருக்கின்றன. நாம் நடைவண்டி களை மரத்தில் தயாரித்து அனுப்பினால் வரவேற்பு கிடைக்கக் கூடும். தரம் மிகவும் முக்கியம். குழந்தைகளின் பாதுகாப்பும் முக்கியம். குழந்தைகளுக்கு சிறு கீறல்களை ஏற்படுத்தி விடும் அளவில் மழமழப் பாக்காத பொருள்கள் குழந்தைகளுக்கு பாதுகாப்பானவை அல்ல. குழந்தை களுக்கு ஒவ்வாமையே ஏற்படுத்தி விடும் வண்ணப்பூச்சுகள் இல்லாதவாறு பார்த்துக் கொள்ள வேண்டும்.

ஏனெனில் குழந்தைகளுக்கான பாதுகாப்புச் சட்டங்களை நிறைவேற்று வதில் அமெரிக்க அரசினர் சிறப்பு கவனம் செலுத்துகிறார்கள். பாதுகாப் பற்ற, தவறான பொருட்களை விற்றால் சிறை தண்டனை கிடைக்கும். இறக்குமதி தடைபடும். வண்ணங்கள் தரமற்றவை என்றாலும் நடவடிக்கை பாயும். இழப்பு ஏற்படும்.

விளையாட்டுப் பொருட்கள், அதற்கான தொழில் நுட்பம் தெரிந்தவர்கள் ஆலோசனையோடுதான் தயாரிக்கப்பட்டன என்பதற்கான சான்று லேபிள்கள் ஒவ்வொரு பொருளிலும் ஒட்டப்பட வேண்டும்.

குழந்தைகளுக்கான தொட்டில்களுக்கு அதிக தேவை இருக்கிறது. ஒரு வயதுக்கு உட்பட்ட குழந்தைகளுக்கு பயன்படும் தொட்டில்கள் கிடைப்பதில் சிக்கல் இருக்கிறது. அலைந்து திரிந்துதான் வாங்க வேண்டியது இருக்கிறது. என் பேத்திக்கு தொட்டில் வாங்க படாதபாடுபட்டோம். எனினும் சரியாக அமையவில்லை.

அங்கே வீடுகளின் சுவர்களும், கூரைகளும் மரத்தால் செய்யப்படுகின்றன. எனவே மேற்கூரையில் வளையம் அடிக்க முடியாது. சுவர்கள் பொதுவாக பிளைஉட் கொண்டு அமைக்கப்படுபவை. எனவே இரண்டு சுவர்களில் ஆணி அடித்து தொட்டில் கட்ட முடியாது. தூக்கி நிறுத்தக்கூடிய தூண் போன்றவை வளையங்களுடன் கூடிய அமைப்பு பரவலாகக் கிடைக்கின்றது. தொட்டிலை இயல்பாக ஆட்டி விட்டால் தூணில் இடிக்கும். நாம் அருகேயே நிற்க வேண்டும். இதுவும் சீனத் தயாரிப்புதான். இதற்கு மாற்றாக, இதில் உள்ள குறைகள் இல்லாமல் யாராவது தொட்டிலை வடிவமைத்து தயாரித்து அனுப்பினால் வரவேற்பு கிடைக்கும்.

படிப்புடன் கூடிய விளையாட்டுப் பொருட்களுக்கும் நல்ல வரவேற்பு இருக்கிறது. கூட்டல், கழித்தலை கற்றுத் தரும் பொம்மைகள், எழுத்துகளைப் புரிய வைக்கும் பொம்மைகள் அல்லது விளையாட்டுப் பொருட்களுக்கும் வாய்ப்புகள் உண்டு. தொடக்கப் பள்ளிக்கான பாடநூல்கள் அரசு தயாரிப்பது இல்லை; பாடத் திட்டங்களை கொடுப்பதும் இல்லை. ஆனால் பள்ளிக் கூடங்களை அரசுதான் நடத்துகிறது. அறிவுத் திறனை வளர்க்கும் எதனையும் ஏற்றுக் கொள்கிறார்கள்.

முதல் வகுப்பு, இரண்டாம் வகுப்பு மாணவர்களுக்கு சிங்கப்பூரில் தயாரிக்கப் பட்ட புத்தகங்களைக் கூட பயன்படுத்து கிறார்கள். நாமும் இத்தகைய புத்தகங் களை தயாரிப்பது குறித்து சிந்திக்கலாம்.

அமெரிக்காவில் வாழும் சுமார் முப்பது லட்சம் இந்தியர்களும் அரிசிச் சோறு உண்ண விரும்புகிறார்கள். வட இந்தியர்கள் பொதுவாக பாசுமதி அரிசி வாங்க விரும்புகிறார்கள். தென் இந்தியர்கள் பொன்னி அரிசியும், இட்லி அரிசியும் அதிகம் வாங்குகிறார்கள். நல்ல பொன்னி அரிசி, இட்லி அரிசியை அனுப்புகிறவர்களுக்கும் வாய்ப்பு இருக்கிறது.

எந்த பொருளை அனுப்பினாலும் தரமாக அனுப்புங்கள். தரமற்ற உணவுப் பொருள்கள் என்று நுகர்வோர் புகார் தெரிவித்தால் உடனே நடவடிக்கை எடுப்பார்கள். சில நேரங்களில் கடையையே மூடி விடுவார்கள். இறக்குமதியாளரைத் தேடிப்பிடித்து தண்டம் விதிப்பார்கள்.

அவர்கள் தண்டம் விதிப்பார்கள் என்பதற்காக அல்ல; வணிகத்தில் உறுதியாக வளர்வதற்குத் தேவையான பண்பு நம்பகத் தன்மையுடன் செயல்படுதல் மற்றும் தரமான பொருட்களைக் கொடுத்தல் என்பது உலகம் அறிந்த ஒன்றுதானே!

– நாஞ்சில் நடராசன்