இந்தியாவில் ஸ்டார்அப் செயல் திட்டத்தின் படி, ஒரு நிறுவனத்தைத் தொடங்குவதற்கான தகுதி பெறுவதற்கு பின்வரும் தேவைகளை நிறைவு செய்ய வேண்டும்.
இந்தியாவில் உயிரி தொழில்நுட்ப தொடக்க நிறுவனங்கள் எனில் தொடங்கப்பட்ட அல்லது பதிவுசெய்யப்பட்ட நாளில் இருந்து 10 ஆண்டுகளுக்குள் இருக்கவேண்டும். மற்றவை எனில் தொடங்கப்பட்ட அல்லது பதிவு செய்யப்பட்ட நாளில் இருந்து 7 வருடங்களுக்குள் இருக்கவேண்டும்.
முந்தைய நிதி ஆண்டுகளில் வருடாந்திர வருவாய் ரூ.25 கோடிக்கு மிகாமல் இருக்கவேண்டும்.
ஸ்டார்அப் எனும் செயல்திட்டத்தின் படி, தொடங்கும் நிறுவனமானது தொழில்நுட்பம் அல்லது அறிவுசார் சொத்துக்களால் இயக்கப்படும் புதிய தயாரிப்புகள், செயல்முறைகள் அல்லது சேவைகளில் புதுமை, மேம்பாடு, வணிகமயமாக்கல் ஆகியவற்றை அடிப்படை நோக்கமாகக் கொண்டு செயல்படுவதாக இருக்க வேண்டும்.
இந்நிறுவனம் ஏற்கனவே இருக்கும் ஒரு வணிக நிறுவனத்தை பிரிப்பதன் மூலமோ அல்லது புணரமைப்பதன் மூலமோ உருவாக்கப்பட்டதாக இருக்கக் கூடாது.
இது போன்ற நோக்கத்திற்காக அமைக்கப்பட்ட இடைநிலை அமைச்சக வாரியத்திடம் இருந்து சான்றிதழைப் பெற வேண்டும்.
Also read: வேலை பார்த்து தொழிலைக் கற்றுக் கொண்டேன்!
ஸ்டார்அப் எனும் செயல்திட்டத்தின் படி, தொடங்கும் நிறுவனமானது ஒரு தனியார் வரையறுக்கப்பட்ட நிறுவனம் அல்லது பதிவு செய்யப்பட்ட கூட்டாண்மை நிறுவனம் அல்லது வரையறுக்கப்பட்ட பொறுப்பு கூட்டாண்மை நிறுவனம் ஆகியவற்றின் ஏதேனும் ஒன்றின்கீழ் பதிவு செய்யப்பட்டிருக்க வேண்டும்.
தகுதி வாய்ந்த ஸ்டார்அப் எனும் செயல்திட்டத்தின் படி தொடங்கும் நிறுவனங்களுக்கு அனுமதிக்கப்படும் வரி விலக்குகள் பின்வருமாறு,
ஏப்ரல் 1, 2016 க்குப் பிறகு ஸ்டார்அப் நிறுவனமாக பதிவு செய்யப் பட்ட அல்லது தொடங்கப்பட்ட ஸ்டார்அப் நிறுவனம் எந்தவொரு நிதியாண்டிலும் வருடாந்திர வருவாய் ரூ.25 கோடியைத் தாண்டாமல் இருந்தால், தொகுப்பான ஏழு வருடங்களில் மூன்று வருட காலத்திற்கு 100% வரிச்சலுகை பெற தகுதி உடையதாகும்.
ஸ்டார்அப் நிறுவனங்களுக்கு வருமான வரிச் சட்டத்தில் 54 EE கீழ் நீண்ட கால மூலதன லாபத்திற்கான வரிவிலக்கு அனுமதிக்கப்படுகின்றது. அதாவது, சொத்து பரிமாற்ற நாளில் இருந்து ஆறு மாத காலத்திற்குள் நீண்ட கால முதலீடாக 3 வருட காலத்திற்கு குறிப்பிட்ட நிதியில் அதிகபட்ச தொகை ரூ .50 லட்சம் வரை முதலீடு செய்யப்படவேண்டும். இவ்வாறான முதலீட்டு தொகையை 3 ஆண்டுகளுக்கு முன்பு திரும்பப் பெறப்பட்டால், தொகை திரும்பப் பெறப்பட்ட ஆண்டில் இருந்து வரிவிலக்கு ரத்து செய்யப்படும்.
தகுதிவாய்ந்த ஸ்டார்அப் நிறுவனத்தின் சந்தை மதிப்புக்கு மேல் உள்ள முதலீடுகளுக்கு அரசாங்கம் வரிவிலக்கு அளிக்கின்றது. இத்தகைய முதலீடுகளில் இந்திய குடியுரிமை ஏஞ்சல் முதலீட்டாளர்கள், குடும்பம் அல்லது துணிகர மூலதன நிதிகளாக பதிவு செய்யப்படாத, செய்த முதலீடுகள் ஆகியவை அடங்கும். மேலும், சந்தை மதிப்புக்கு மேல் இன்குபேட்டர்கள் செய்யும் முதலீடுகளுக்கு வரிவிலக்கு அளிக்கப்படுகிறது.
Also read: வீட்டுச் சாக்லேட்களுக்கும் இருக்கிறது, விற்பனை வாய்ப்பு!
மீச்சிறு, சிறு, நடுத்தர நிறுவனச் சட்டம், 2006 இன் கீழ் வரையறுக்கப்பட்டு உள்ளபடி, சிறு அல்லது நடுத்தர நிறுவனங்களில் நீண்ட கால மூலதன லாபங்கள் முதலீடு செய்யப்பட்டால், அதாவது 54GB இன்கீழ் குடியிருப்பு சொத்து ஒன்றின் விற்பனை மீதான நீண்டகால மூலதன லாபங்களுக்கான தொகையை தகுதியான start-ups நிறுவனங்களின் 50% அல்லது அதற்கு மேற்பட்ட பங்குகள் வரை முதலீடு செய்தால் வரிவிலக்கு அனுமதிக்கப் படுகின்றது. அத்தகைய பங்குகள் 5ஆண்டிற்குள் விற்கப்படவோ அல்லது மாற்றவோ கூடாது.
ஆண்டின் கடைசி நாளில் வாக்களிக்கும் சக்தியைக் கொண்ட பங்குதாரரின் உரிமையில் மாற்றம் ஏற்பட்டால் அதன் மூலம் ஏற்படும் இழப்புகளையும், மூலதன லாபங்களையும் முன்னோக்கி கொண்டு சென்று சரிசெய்து (Set Off Carry forworded) கொள்ள அனுமதிக்கப்படுகின்றது.
– முனைவர். ச. குப்பன்
