Saturday, December 4, 2021

Latest Posts

பொறுப்பு உணர்ச்சியை உருவாக்கும் ஹோலக்ரசி

- Advertisement -

ந்த ஒரு நிர்வாக கட்டமைப்புக்கும் இன்றியமையாத ஒன்றாக கருதப்படுவது -Hierarchy. இதனை தமிழில் தமிழறிஞர்கள், படிநிலை அமைப்பு என்பதாக மொழி பெயர்த்துள்ளனர். அதாவது ஒரு நிறுவனம் என்று எடுத்துக் கொண்டால் அங்கே தலைவர், மேலாண் இயக்குநர், செயல் இயக்குநர், பொது மேலாளர், துணைப் பொது மேலாளர், துணை மேலாளர், உதவி மேலாளர் என்றெல்லாம் இருக்கும். இந்த வித நிர்வாக கட்டமைப்பே படிநிலை அமைப்பு என்பது.
இங்கே தமக்கு மேல் இருக்கும் ஒருவருக்கு அடுத்த நிலையில் உள்ளவர் கட்டுப்பட்டு நடக்க வேண்டும். அடுத்த நிலை அதிகாரி, எப்படிப்பட்ட திறமையும் அனுபவமும் உள்ளவராக இருந்தாலும் அவருடைய மேல் அதிகாரி சொல்வதே செல்லுபடி ஆகும்.
விதி விலக்காக சிலர், மேல் ஆதிக்கத்தை கை விட்டு கீழே உள்ளவர்களுடன் அனுசரித்து நடந்து தட்டிக் கொடுத்து அவர்களுடைய ஆலோசனைகளையும் கேட்டறிந்து செயல்படுவர். அப்படி செயல்படுபவர்களுக்கு அடுத்த நிலையில்       உள்ளவர்களின் ஒத்துழைப்பும் ஆதரவும் நல்ல அளவில் கிட்டும்.

ஆனால் இந்த படிநிலை என்கிற எல்லைக் கோடுகளை அழித்து விட்டுப் பார்த்தால் என்ன? இந்த தடுப்புகளை உடைத்து பார்த்தால் என்ன? என்று சிலருக்கு சிந்தனை எழுந்தது. hierarchy நிர்வாக முறையில் உள்ள சில பலவீனங்களே காரணம்.

Holacracy1அவையாவன கீழ் நிலையில் உள்ளவர்கள் ஏனோதானோ வென்று பணி புரிவது, வேண்டா வெறுப்பாக வேலை செய்வது, புறம் பேசுவது, ஆக்கத்திறனை குறைத்துக் கொள்வது, கடமைக்கு என்று உற்சாகம் இல்லாமல் செய்வது உள்ளிட்டவை.
அதனால் எழுந்த மேலாண்மை சிந்தனையே Holocracy. இது ஆங்கிலத்திற்கே புதிய சொல். இதனைத் தமிழ் மொழியில் சொல்ல வேண்டுமானால் ஊழியர் பங்கேற்பு மேலாண்மை என்று கூறலாம். இதனுடைய பொருள் மற்றும் நடைமுறை பற்றிப் பார்ப்போம்.

அனைவரிடமும் பகிர்ந்தளிக்கப்பட்ட அதிகாரம் மற்றும் நிர்வாகம். இந்த வித கட்டமைப்பில் மேல் உள்ளவர்கள் கீழ் உள்ளவர்கள் என்பதெல்லாம் கிடையாது.
அவரவருக்கு உரிய பங்கு பணியை அவரவர் வரையறுத்துக் கொண்டு பொறுப்புடன் பணியாற்றுவார்கள்.

ஹோலக்ரசி என்பது அமெரிக்கா, பிரான்ஸ், ஜெர்மனி, நியுசிலாந்து, இங்கிலாந்து உள்ளிட்ட நாடுகளில் இலாபம் ஈட்டும் நிறுவனங்களிலும் இலாபம் பார்க்காத தொண்டு நிறுவனங்களிலும் பின்பற்றப்படுவதாக விக்கிபீடியா கூறுகிறது.
அமெரிக்காவில் கலிபோர்னியாவில் இயங்கி வரும் மார்னிங் ஸ்டார் – அப்படிப் பட்ட நிறுவனங்களில் முக்கியமானது.

தக்காளி உள்ளிட்ட வேளாண் விளை பொருட்களை பதப்படுத்தி விற்பனை செய்கிற இந்த நிறுவனத்தில் ஒவ்வொரு வரும் முனைந்து இணைந்து நிர்வாகத்தை மேற்கொள்கிறார்கள். 700 மில்லியன் டாலர்கள் வர்த்தகம் செய்கிற இந்த நிறுவனம், ஆண்டுக்கு ஆண்டு தொய்வில்லாமல் வளர்ச்சியை கண்டு வருகிறது.
இதில் முன்னோடி Zappos நிறுவனம் -மரபுரீதியான நிர்வாக முறையைக் காட்டிலும் ஹோலக்ரசி முறையை செயல்திறன் மிக்கதாக கருதி அதனைப் பின்பற்றி வருகிறது.

-மதுரகவி சீனிவாசன்

- Advertisement -

Latest Posts

Don't Miss

Stay in touch

Subscribe to our latest news