Sunday, September 19, 2021

5ஜி தொழில் நுட்பம் என்ன எல்லாம் தரும்?

இன்றைய உலகில் இணையதள தொழில் நுட்பம் மிக விரைவான வளர்ச்சியைக் கண்டு வருகிறது. இணையம் என்ற சொல் அனைத்து வலைப்பின்னல்களையும் இணைத்து உருவாக்கக் கூடிய தொகுப்பு ஆகும். தொழில் நுட்பம் முதலாம் தலைமுறை...

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ”கடன்பட்டார் நெஞ்சம் போலக் கலங்கினான் இலங்கை வேந்தன்” என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை இருந்து இருக்கக் கூடும். மேலும் கடன் வாங்கி விட்டால் திரும்பக் கட்டுவது பற்றிய அச்ச உணர்வு அதிகம் இருந்திருக்கலாம். இன்றைக்கும் கூட கடன் வாங்காமல் இருப்பது என்பது கொள்கை அளவில் நல்லதுதான். இப்போதும் கூட வீட்டுச் செலவுக்கு என்று கடன் வாங்குவது அத்தனை வரவேற்கத்தகுந்த செயல் அல்ல.

- Advertisement -

ஆனால் தொழில் என்று வரும்போது இந்தக் கருத்துக்கு அங்கே இடம் இல்லை. தொழில் வளரவளர அதில் உருவாகும் வாய்ப்புகளைப் பயன்படுத்தி வளர்ச்சி அடைய எண்ணுபவர்கள் கடன் வாங்கித்தான் ஆக வேண்டும். தேடித்தேடிப் பார்த்தாலும் இன்று உலகில் கடன் வாங்காத தொழில் நிறுவனங்களே கிடையாது. தொன்னுற்று ஒன்பது விழுக்காடு நிறுவனங்கள் கடன் வாங்கித்தான் தங்கள் தொழிலை வளர்க்கின்றன. எனவே கடன் வாங்காமல் யாரும் தொழிலில் வளர முடியாது.

தொழில் தொடங்க நிறைய முதலீடு தேவைப்படுகிறது. அவ்வளவு பணம் யாரிடமும் ரொக்கமாக இருக்காது. தங்களிடம் இருக்கும் சொத்தை பிணையமாக காட்டி தொழிலுக்குத் தேவையான ரொக்கப் பணத்தைப் பெற முடியும் என்கிறபோது அதைப் பயன்படுத்துகிறார்கள். பெரிய, சிறிய என்று எந்தத் தொழில்கள் ஆனாலும் அவற்றில் அவர்கள் சொந்தப் பணம் என்பது கால் பங்குதான் இருக்கும்.

எந்த திட்டத்துக்கும் தொடங்குநர் முதலீடு குறைந்த அளவாக இருபத்தைந்து விழுக்காடு வேண்டும். பெரிய திட்டங்களில் இந்த அளவுக்கு தொடங்குநர் முதலீடு இல்லாவிட்டால் பொது மக்களுக்கு பங்குகளை வெளியிட்டுத் திரட்டிக் கொண்டு பின்னர் நிதி நிறுவனங்களிடம் கடனுக்குச் செல்கிறார்கள். எனவே தொழிலுக்கு கடன் வாங்குவது தவறு அல்ல. வாங்கிய கடனைத் தவறாகப் பயன்படுத்தினால் அதுதான் தவறு.

ஒரு தொழில் முனைவோர் கடன் பெறுவது குறித்து எப்போது திட்டமிட வேண்டும்? ஒரு தொழில் முனைவோரின் முதல் தேவை என்ன தொழில் செய்யலாம் என்பது குறித்த ஐடியா. அதாவது தொழில் தேர்வு. என்ன தொழில் என்ற ஐடியா வந்தவுடன் அது தொடர்பான திட்டம் இரண்டாவது தேவை ஆகும். தொழில் தொடங்க பணம் மட்டும் போதாது. இன்றைக்கு ஐடியாதான் விலை மதிப்பு இல்லாதது. அடுத்ததாக தொடங்குநர் முதலீட்டுத் தொகை, நிர்வாக அறிவு, பிணையம் கொடுப்பதற்கான சொத்து இவை அனைத்தும் இருந்தால் அதுதான் கடன் பற்றிய முயற்சிகளைத் தொடங்க சரியான நேரம் ஆகும். நல்ல திட்டம் ஆக இருந்தால் எத்தனையோ நிதி நிறுவனங்கள் கடன் வழங்கக் காத்துக் கொண்டு இருக்கின்றன. வங்கிகள் புதியபுதிய கடன் திட்டங்களையும்

திரு. சுப்புராஜ்

அறிவித்துக் கொண்டு இருக்கின்றன.

கடன் வாங்கித் தொழில் செய்யும் போது வீண் செலவுகள் செய்யக் கூடாது. குறிப்பாக சிறு தொழில் அதிபர்கள் நட்சத்திர ஓட்டல், உடனே கார் என்று தேவையற்ற செலவுகளில் பணத்தைச் செலவழித்து விட்டு மாட்டிக் கொள்ளக் கூடாது.

பொது முடக்கம் நிறைய தொழில்களை பாதித்து இருக்கிறது. இதில் இருந்து மீண்டு வர தொழில் முனைவோர் கடுமையான உழைப்பைச் செலுத்த வேண்டிய நேரம் இது. புதிய தொழில்களை தொடங்க திட்டம் இடுவோர் பொது முடக்கத்தில் இருந்து முழுமையான தளர்வுகள் வரும் வரை காத்திருந்து பின்னர்தான் தொடங்க வேண்டும்.

– வி. கே. சுப்புராஜ், ஐஏஎஸ் (மேனாள் இயக்குநர், தமிழ்நாடு தொழில் முதலீட்டுக் கழகம் – TIIC)

 

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

Don't Miss

இந்த ஐந்து இயல்புகள் உங்களிடம் இருக்கிறதா?

பிறக்கின்ற பொழுதே யாரும் சாதனையாளராகப் பிறப்பதில்லை. அவர்கள் அணுகுமுறையாலும், மனப்பான்மையினாலும், உருவாக்கிக் கொண்ட நோக்கினாலும், மேற்கொண்ட முயற்சியினாலும், பயிற்சியினாலும் மற்றவர்களிடமிருந்து வேறுபடுகின்றனர். சாதனையாளராக முதல்படி தன்னை அறிதல் வேண்டும். நாம் முதலில் நம்மைப் பற்றி அறிந்து...

மண்புழு உரம் உற்பத்தியை தொழிலாகவும் செய்யலாம்.

மண்புழு உரம் உற்பத்தித் தொழில் நுட்பம் பயன்படுத்தி ஆர்வமும், இட வசதியும் உள்ளவர்கள் மண்புழு உரம் தயாரிக்கலாம். முதல் மண்புழு உரக்குழியில் (Vermi bed). மண்புழுக்களை இட்டு முப்பது நாட்கள் கழித்து குப்பைகளைக்...

மஞ்சள் நடவு முதல் பக்குவப்படுத்துதல் வரை..

மஞ்சள் பல்வேறு மண்வகைகளில் குறிப்பாக வண்டல் கலந்த மண், குறைவான களிமண் கொண்ட நிலம் போன்றவற்றில் சாகுபடி செய்யப்படுகிறது. குறுமண்ணும், வண்டலும் கலந்த வடிகால் வசதி உள்ள நிலம் மிகவும் உகந்தது. களர்,...

அறுபது+ வயதிலும் சவாலான முயற்சிகளில் ஈடுபடத் தயங்காதீர்கள்..

இப்போதெல்லாம் 60 வயதைத் தொட்டவுடன், உடலளவிலும் மனதளவிலும் இனி தன்னால் பெரிதாக ஒன்றும் செய்ய முடியாது என்று நம்மில் பலர் முடிவு செய்து கொள்கிறார்கள்... 60 வயதுக்கு பிறகுதான் ஒரு பலமான, வளமான மூளையோடு...

”சாமியின் சக்தியை எவனோ இறக்கிட்டுப் போறான்டோய்..” – ஒரு கல்வெட்டு ஆய்வாளரின் சுவையான அனுபவங்கள்

கல்வெட்டுகள் அதிகம் உள்ள தமிழ்நாடு ஒரு இனத்தின் வரலாற்றை, வாழ்வியலை அறிந்து கொள்வதில் தொல்லியல் ஆய்வு முதன்மையான பங்கு ஆற்றுகிறது. வரலாறு என்பது ஒரு கட்டமைப்பு. வரலாற்றை விட்டு மனிதர்கள் நீங்க முடியாது. மனிதர்களை...

Stay in touch

To be updated with all the latest news, offers and special announcements.