Friday, October 7, 2022

Latest Posts

தொழில் பயத்தை தாண்டுவது எப்படி?

- Advertisement -

பயம் என்பது நம் வாழ்க்கையின் எல்லா தருணங்களிலும் இருக்கின்றது. முதன் முதலில் தொழில் தொடங்கும்போது மட்டும் பயம் (fear) வருவது இல்லை, தொழிலின் ஒரு நிலையில் இருந்து மற்றொரு நிலைக்கு செல்லும் போதும் பயம் வரும். பயம் ஏற்படுவது மனித இயல்புதான். பயத்தைத் தாண்டி வெளியே வரும் போதுதான் வெற்றி கிடைக்கும்.

தொழில் தொடங்குவதற்கு பயம் ஏற்படுவதற்கான காரணம், வெற்றி பெறுவோமா, ஒரு வேளை தோல்வி அடைந்து விடுவோமோ என்ற எண்ணம், தொழில் மீது நமக்கு இருக்கும் சந்தேகம், சார்ந்து உள்ளவர்கள் என்ன சொல்லுவார்களோ என்ற எண்ணம், தொழிலின் மீது நம்பிக்கை அற்ற நிலை இந்த மனநிலையுடன் இருக்கும் போது நிச்சயம் தொழில் தொடங்குவதற்கு பயம் ஏற்படும்.
நீங்கள் தொழில் தொடங்க எடுத்து வைக்கும் முதல் அடிதான், பயத்தை கடப்பதற்கான (overcome) முதல் படியாகும்.
நீங்கள் தொழில் தொடங்குவதால் எதை எல்லாம் இழக்க வேண்டி வரும் என்பதையும் (What do You have to lose, when You start business), தொழில் தொடங்குவதால் என்னவெல்லாம் கிடைக்கும் (what gaining do You get) என்பதையும் சிந்தித்து பட்டியல் இடுங்கள்.

உறுதியாக, தெளிவாக, நம்பிக்கையுடன் தொழில் தொடங்குவது பற்றி முடிவு எடுக்கும் போது பயம் ஏற்படுவது இல்லை மாறாக அதிக தைரியம் இருக்கும், ஒரு மேம்போக்கான, தெளிவு இல்லாமல் தொழில் தொடங்குவது பற்றி முடிவு எடுக்கும் போதுதான் பயம் ஏற்படுகிறது.
தொழில் தொடங்குவதற்கு பயம் ஏற்படுவதற்கான மற்றொரு காரணம், தொழிலில் வருமானம் எங்கு இருந்து வரப்போகிறது, அதை எப்படி ஈட்டப் போகிறோம் என்பது தெரியாமல் இருக்கும்போதும், வருமானம் ஈட்டுதல் பற்றிய தெளிவு இல்லாமல் இருக்கும் போதும் பயம் ஏற்படும்.
பல தொழில் நுட்ப நிறுவனங்கள் அதிகமாக முதலீடு செய்து எப்படி சேவை (Service) வழங்குவது என்பது தெரிந்த அளவிற்கு, எப்படி வருமானம் ஈட்டப் போகிறோம் என்பது பற்றிய ஒரு தெளிவு இல்லாமல் இருக்கின்றன.
தொழிலில் வருமானம் ஈட்டும் வழி தெரிந்தால் நிச்சயம் பயம் வருவதற்கு வாய்ப்பு குறைவு. தொழில் தொடங்குவதற்கு முன் நீண்ட காலத்திற்கு வருமானம் ஈட்டக் கூடிய வழிகளை (income generation activities) கண்டு பிடிக்க வேண்டும். வருமானம் கிடைக்கும் வழிகளில் கவனம் செலுத்த வேண்டும். அப்போதுதான் பயத்தை தாண்டி தொழில் தொடங்குவதற்கான, தொடர்வதற்கான நம்பிக்கை பிறக்கும்.

– முனைவர் எச். சி. அசீசா ஜலாலுதீன், சிங்கப்பூர்

- Advertisement -

Latest Posts

Don't Miss

Stay in touch

Subscribe to our latest news