Friday, December 4, 2020

இந்த ஐந்து இயல்புகள் உங்களிடம் இருக்கிறதா?

பிறக்கின்ற பொழுதே யாரும் சாதனையாளராகப் பிறப்பதில்லை. அவர்கள் அணுகுமுறையாலும், மனப்பான்மையினாலும், உருவாக்கிக் கொண்ட நோக்கினாலும், மேற்கொண்ட முயற்சியினாலும், பயிற்சியினாலும் மற்றவர்களிடமிருந்து வேறுபடுகின்றனர். சாதனையாளராக முதல்படி தன்னை அறிதல் வேண்டும். நாம் முதலில் நம்மைப் பற்றி அறிந்து...

Latest Posts

மடிக் கணினிகளை பாதுகாப்பாக பயன்படுத்துவது எப்படி?

மடிக் கணிணியை பயன்படுத்துபவர்களின் எண்ணிக்கை நாளுக்கு நாள் அதிகரித்து வருகிறது. பள்ளி, கல்லூரி மாணவர்கள், மென்பொருள் பொறியாளர்கள், ஆசிரியர்கள், பொதுமக்கள் என அனைத்து தரப்பினருமே மடிக் கணினியை பயன்படுத்தி வருகின்றனர். அத்தகைய மடிக்...

தாழக் கிடப்பாரை தற்காக்க வேண்டும் என்று சொன்ன அய்யா வைகுண்டர்

அய்யா உண்டு என சொன்னால்.... அங்கே நீங்கள் இந்து சாதீய கொடூரங்களை எதிர்க்கிறீர்கள் என பொருள்... இந்து சனாதன தர்மத்தில் இருக்கும் சாதீய பாகுபாடுகள் குறித்து பலரும் பேசியிருக்கிறார்கள். போராடி இருக்கிறார்கள். தமிழ்நாட்டில் வள்ளலாருக்கு முன்னரே...

போட்டோ காப்பியர் தொழிலின் இன்றைய வாய்ப்புகள் எப்படி?

செராக்ஸ் என்று வழக்கத்தில் அழைக்கப்படும் போட்டோ காப்பியர் தொழில் இப்போது எப்படி இருக்கிறது? தொழில் உச்சத்தைத் தொட்டு விட்டதா, புதியவர்களுக்கு இன்னும் வாய்ப்பு இருக்கிறதா? படிப்பொறி எந்திரங்கள் இந்தியாவில் தயாரிக்கப்படுவது இல்லை. அனைத்தும் வெளிநாடுகளில்...

மகிழ்ச்சியாக பாடுபடுவதில் இருக்கிறது, வளர்ச்சி!

சுறுகறுப்பாக, மகிழ்ச்சியோடு பணிக்கு வீட்டில் புறப்பட்டான் தேவா. அப்படி என்ன பெரிய வேலை? பெரிய ஜெனரல் மேனேஜரா? இல்லை கம்பெனி எம்டியா? இவை எதுவும் இல்லை. ஒரு பெரிய ஓட்டலின் வாயிலில் கதவை திறந்து...

தனி வீடு வாங்க ஆர்வம் காட்டுவது ஏன்?

– ரியல் எஸ்டேட் ஆலோசகர் திரு. செல்வகுமார்

கடந்த சில ஆண்டுகளாகவே ரியல் எஸ்டேட் தொழில் கடுமையான சிரமத்துக்கு ஆளாகி இருக்கிறது. கட்டி முடிக்கப்பட்டு பல ஆண்டுகளுக்குப் பின்னும் விற்க முடியாமல் திணறுகின்றன, அடுக்கு மாடிக் குடியிருப்பு நிறுவனங்கள். அவசரத்துக்குக் கூட வீட்டையோ, மனையையோ முன்பு போல உடனே விற்பனை செய்ய முடியாத நிலை. இந்த நிலையில் நிறைய பேர் ரியல் எஸ்டேட் தொழிலில் நீடிக்க முடியாமல் இந்த தொழிலை விட்டே போய் விடுகிறார்கள். இதற்கான காரணம் என்ன, ரியல் எஸ்டேட் தொழில் எப்போது மீண்டு வரும் என்பது போன்ற கேள்விகளை சென்னை, செங்குன்றத்தில் பல ஆண்டுகளாக ரியல் எஸ்டேட் தொழிலைச் செய்து வரும் திரு. ஆர். செல்வகுமார் இடம் கேட்ட போது,

”தற்போது அரசாங்கம் புதிதாக அறிவித்த ஆணைப்படி முன்பாகவே அங்கீகரிக்கப் பட்ட வீட்டு மனைகள் மற்றும் வீடுகள் மட்டுமே பத்திரப் பதிவு செய்ய முடியும். ரியல்எஸ்டேட் தொழில் செய்வோர் வீட்டு மனைகளுக்கு சிஎம்டிஏ அங்கீகாரம் பெற அணுகும்போது, விரைவில் கிடைப்பது இல்லை. ஆறு மாதங்களுக்கு மேல் அலைக்கழிக்கப் படுகிறார்கள். ரியல் எஸ்டேட் தொழில் முடங்கிப் பொனதற்கு இது ஒரு முதன்மையான காரணம் ஆகும்.

மேலும், புதிய வீட்டு மனைகளுக்கு மக்களிடம் குறிப்படத்தக்க அளவுக்கு வரவேற்பு இல்லை. முன்பே அங்கீகரிக்கப்பட்டு பதிவு செய்யப்பட்டுள்ள வீடுகள் மற்றும் வீட்டுமனைகள்தான் ஓரளவுக்கு விற்பனை ஆகின்றன.

இணைய வழி ரியல் எஸ்டேட் வணிகமும், வழக்கமான ரியல் எஸ்டேட் தொழில் முனைவோரை பாதிக்கத் தொடங்கி இருக்கிறது. படித்த இணைய சேவைகளை பயன்படுத்தத் தெரிந்தவர்கள் தாங்கள் வாங்க விரும்பும் சொத்துகள் குறித்து இணையத்தில் தேடுகிறார்கள். அதற்கேற்ப பல இணைய தளங்கள் மாதக் கட்டணம் அல்லது ஆண்டுக் கட்டணம் வாங்கிக் கொண்டு அத்தகைய செய்திகளைத் தருகின்றன.

ஆனால் எங்களைப் போன்றவர்களிடம் கிடைக்கும் சேவைகள் அவர்களிடம் கிடைக்காது. சொத்துகளை விற்க விரும்பும் எல்லோருமே அந்த இணைய தளங்களில் பதிவு செய்வது இல்லை. எங்கள் பகுதிகளில் உள்ள சொத்துகள், விலை விவரங்களை இணையத்தில் இருந்து தெரிந்து கொள்வதை விட எங்களிடம் அதிகம் தெரிந்து கொள்ள முடியும். சில நுணுக்கமான செய்திகளை எங்களால்தான் வாடிக்கையாளர்களுக்கு சொல்ல முடியும். வாங்குவோருக்கும், விற்போருக்கும் பாலமாக இருந்து விலை முடிவு செய்வது முதல் பத்திரப் பதிவு வரை எங்களிடம் நட்புடன் கூடிய சேவை கிடைக்கும். இத்தகைய காரணங்களால் இணையத்தை நாடிப் போகிறவர்களை விட எங்களை நாடி வருபவர்களே அதிகமாக இருக்கிறார்கள். இணைய தளங்களால் எங்களுக்கு பாதிப்பு என்று கூற முடியாது.

2016 இறுதியில் மத்திய அரசால் கொண்டு வரப் பட்ட பண மதிப்பு இழப்பு நடவடிக்கை எங்களுடைய தொழிலுக்கு பாதிப்பை ஏற்படுத்தி இருப்பது உண்மைதான். இந்த பண மதிப்பு இழப்பு சிக்கலால் பெரிய சொத்துகள் விற்பனை பெரிய அளவில் பாதிக்கப்பட்டது.

பத்து இலட்சத்திற்கும் அதிகமான மதிப்பு உள்ள சொத்துகளை வாங்குவதற்கு கண்டிப்பாக வருமானவரி அட்டை இருக்க வேண்டும் என்பதால், வளர்ந்து வரும் பகுதிகளில் உள்ள விலை குறைவான, அதாவது பத்து லட்சம் ரூபாய் விலைக்குள் உள்ள சிறிய அங்கீகரிக்கப் பட்ட வீடுகள் மற்றும் வீட்டு மனைகளை வாங்கவே பெரும்பாலான மக்கள் ஆர்வம் காட்டுகிறார்கள்.

தமிழக அரசால் 01.09.2016 முதல் 23.03.2017 வரை மற்றும் 21.04.2017 முதல் 12.05.2017 வரை இரண்டு முறை பத்திரப்பதிவு செய்வதற்குத் தடை செய்யப்பட்டு இருந்தது.

இந்த பத்திரப்பதிவுத் தடை காலத்தில் மக்கள் பெரிதும் அவதிப்பட்டனர். ஏனென்றால், வாங்கிய வீடுகள் மற்றும் மிட்டு மனைகளை விற்க முடியாத சூழ்நிலை ஏற்பட்டது. பத்திரப் பதிவுத் தடை இருந்ததால் அந்த நேரத்தில் தங்கள் வீட்டில் திருமணம் நிச்சயிக்கப்பட்டு அதற்கான பணத் தேவையில் இருந்தவர்கள், வேறு அவசரத் தேவைகளுக்கு காலத்தில் பணம் தேவைப்பட்டவர்கள், பிள்ளைகளின் உயர்கல்விச் செலவுக்கு பணம் தேவைப்பட்டவர்கள் என பலரும் தங்கள் சொத்துகளை விற்க முடியாமல் பெரிதும் தவித்தனர்.

தமிழக அரசால் கொண்டு வரப்பட்டுள்ள ஆன்லைன் (இணைய வழி) பத்திரப் பதிவு திட்டத்தால் நிறைய நன்மைகள் இருக்கின்றன. பத்திரப் பதிவு செய்வதற்கு முன்பாக முதலில் ஆன்லைனில் எல்லா கணக்குகளையும் கட்டாயமாக குறிப்பிட வேண்டும்.
எதேனும், தவறு இருந்தால் பத்திரப் பதிவு செய்ய இயலாது. பதிவு செய்யும் போது சான்றுக்கு, பட்டா எண் இல்லை என்றால் அந்த இடத்திற்கு பத்திரப் பதிவு செய்ய இயலாது. அது மட்டும் இன்றி ஆன்லைன் பதிவு திட்டத்தால் யார் வேண்டுமானாலும், எங்கு இருந்து வேண்டுமானாலும் பத்திரம் பதிவதற்கான முதல் கட்ட பணிகளைச் செய்யலாம். இது போன்ற நன்மைகள் சில இருந்த போதும் சிக்கல்களும் உள்ளன.

பதிவு செய்யபட்ட பத்திரங்களில் எதேனும் திருத்தங்கள் மேற்கொள்ள வேண்டி இருந்தால் அதற்கு மாவட்ட பத்திரப்பதிவு கண்காணிப்பாளர் அலுவலகத்திற்கு சென்றுதான் சரி செய்ய முடியும் என்ற சூழ்நிலை இருக்கின்றது. இப்படிப்பட்ட சிக்கல்களை அரசு விரைவில் தீர்த்து வைத்தால் மக்களுக்கு எளிதாக இருக்கும்.
ரியல் எஸ்டேட் தொழிலைப் பொறுத்த வரை அரசு எங்களுக்கான கமிஷன் ஆக 2% -ஐ நிர்ணயித்து உள்ளது. இந்த அங்கீகரிக்கப்பட்ட 2% கமிஷன் பணம் என்பது, எல்லா நேரங்களிலும் சரியாக கிடைக்கும் என்று கூற முடியாது. எனென்றால் சிலர் நாங்கள் 1% கமிஷன்தான் கொடுப்போம் என்று கூறுவார்கள். சொத்தை வாங்கும் சிலர், எங்களிடம் கமிஷன் எதுவும் எதிர்பார்க்காதீர்கள், விற்பவர்களிடம் கமிஷன் வாங்கிக் கொள்ளுங்கள் என்பார்கள். சிலர் ஒரு இடத்தின் பத்திரப்பதிவு முடிந்த உடன் சற்றும் தயங்காமல் 2% கமிஷன் பணத்தைக் கொடுத்து விடுவார்கள். இது தான் கமிஷன் தொடர்பான நிலவரம்.

மக்களிடம் அடுக்குமாடி வீடுகள் வாங்குவதில் இப்போது ஒரு தயக்கம் ஏற்பட்டு உள்ளது. தனி மனைகள் வாங்கவே பலரும் விரும்புகிறார்கள். மேலும் தற்போது அடுக்க மாடி வீடுகளின் விலை விண்ணை முட்டும் அளவுக்கு இருக்கிறது. இந்த விலைக்கு தனி வீடுகளே கிடைக்கின்றன. அடுக்கு மாடி வீடுகளில் வசூலிக்கப்படும் அளவுக்கு அதிகமான மெயின்டனன்ஸ் கட்டணம் வாடகை வீட்டில் குடியிருப்பதைப் போன்ற நிலையை ஏற்படுத்தி விடுகிறது.

சென்னை மற்றும் சென்னையைச் சுற்றி உள்ள புறநகர் பகுதிகளில் மட்டும் மொத்தமாக 58,000 கட்டி முடிக்கப் பட்ட அபார்ட்மென்ட்கள் வீடுகள் விற்கப்படாமல் இருக்கின்றன(தி இந்து நாளேட்டில் வந்த செய்தியின்படி).

இப்போது மக்கள் அனைவரும் வங்கிக் கணக்கு வைத்திருக்க வேண்டும் என்பது கட்டாயம் ஆக்கப்பட்டு உள்ளது. இப்படிப் பட்ட சூழ்நிலையில் பத்து இலட்சத்திற்கும் அதிகமான விலையில் ஒருவர் சொத்து வாங்கும் போது, கட்டாயமாக வருமானவரி அட்டை தேவைப்படுவதால் பெரும்பாலான பத்திரப் பதிவுகள் வங்கிக் கடன் உதவி மூலமாகவே நடைபெறுகிறது. ஒரு பத்திரப் பதிவு அலுவலகத்தில் நூறு பத்திரங்கள் பதியப்படுகின்றன என்றால் அவற்றில் ஐம்பது பத்திரங்கள் வங்கிக் கடன் உதவி மூலமாகவே பதியப்படுகின்றன. இனி வரும் காலங்களில் வங்கிக் கடன் வாங்கியே பெரும்பாலான சொத்துகள் வாங்கப்படும் நிலை வரும் என்று நம்புகிறேன்.

இளைய தலைமுறையினரை ரியல் எஸ்டேட் தொழில் அவ்வளவாக ஈர்க்கவில்லை. இதில் உள்ள நிலையற்ற தன்மை, மொபைல்களிலேயே மூழ்கிக் கிடப்பதால் பலரிடமும் இயல்பாக பேசும் ஆற்றல் இளைஞர்களிடம் குறைந்து வருவதும் இதற்குக் காரணமாக இருக்கலாம்.” என்றார் திரு. செல்வகுமார். (9444150356).

– செ. தினேஷ் பாண்டியன்

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Latest Posts

மடிக் கணினிகளை பாதுகாப்பாக பயன்படுத்துவது எப்படி?

மடிக் கணிணியை பயன்படுத்துபவர்களின் எண்ணிக்கை நாளுக்கு நாள் அதிகரித்து வருகிறது. பள்ளி, கல்லூரி மாணவர்கள், மென்பொருள் பொறியாளர்கள், ஆசிரியர்கள், பொதுமக்கள் என அனைத்து தரப்பினருமே மடிக் கணினியை பயன்படுத்தி வருகின்றனர். அத்தகைய மடிக்...

தாழக் கிடப்பாரை தற்காக்க வேண்டும் என்று சொன்ன அய்யா வைகுண்டர்

அய்யா உண்டு என சொன்னால்.... அங்கே நீங்கள் இந்து சாதீய கொடூரங்களை எதிர்க்கிறீர்கள் என பொருள்... இந்து சனாதன தர்மத்தில் இருக்கும் சாதீய பாகுபாடுகள் குறித்து பலரும் பேசியிருக்கிறார்கள். போராடி இருக்கிறார்கள். தமிழ்நாட்டில் வள்ளலாருக்கு முன்னரே...

போட்டோ காப்பியர் தொழிலின் இன்றைய வாய்ப்புகள் எப்படி?

செராக்ஸ் என்று வழக்கத்தில் அழைக்கப்படும் போட்டோ காப்பியர் தொழில் இப்போது எப்படி இருக்கிறது? தொழில் உச்சத்தைத் தொட்டு விட்டதா, புதியவர்களுக்கு இன்னும் வாய்ப்பு இருக்கிறதா? படிப்பொறி எந்திரங்கள் இந்தியாவில் தயாரிக்கப்படுவது இல்லை. அனைத்தும் வெளிநாடுகளில்...

மகிழ்ச்சியாக பாடுபடுவதில் இருக்கிறது, வளர்ச்சி!

சுறுகறுப்பாக, மகிழ்ச்சியோடு பணிக்கு வீட்டில் புறப்பட்டான் தேவா. அப்படி என்ன பெரிய வேலை? பெரிய ஜெனரல் மேனேஜரா? இல்லை கம்பெனி எம்டியா? இவை எதுவும் இல்லை. ஒரு பெரிய ஓட்டலின் வாயிலில் கதவை திறந்து...

Don't Miss

வாடிக்கையாளர் எந்த வகையானவர் என்பதைப் புரிந்து கொள்ள வேண்டும்

இன்றைக்கு வணிகத்தில் வாடிக்கையாளர்களின் வகைகளையும், அவர்களின் மனநிலையை அறிந்து கொள்வது என்பது மிகப் பெரிய சவாலான பணி ஆகும். ஒவ்வொரு வாடிக்கையாளரும் ஒவ்வொரு விதமாக முடிவு செய்வதைப்பார்க்க முடியும். எனவே வணிகம் என்பது...

பணியாளர் நிர்வாகம்: இணைந்து பணியாற்றச் செய்யுங்கள்

பெரிய நிறுவனங்களின் மேலாளர்கள், தங்களிடம் பணி புரிவோரை சிறப்பாக பணிபுரிய வைக்க என்ன செய்யலாம்? உங்கள் எதிர்பார்ப்புக்கு ஏற்ப செயல்படும் பணியாளர்களை அவ்வப்போது அழைத்து பாராட்டுங்கள். வெற்றிப் பயணத்தின் தொடக்கம் அதுதான். ஆனால் இந்த...

உரிய நேரம் வரும்வரை காத்திருந்து செயல்பட கற்றுத் தரும் கொக்கு

ஒவ்வொரு நிர்வாகமும், மனிதரும் தன் குறிக்கோள், இலக்கு, இலட்சியம், அதை அடையும் வழிமுறைகள், அவ்வப் போது தீர்மானிக்க வேண்டிய முடிவுகள், அவற்றைச் செயலாக்கும் திட்டங்கள் போன்ற பற்பல பணிகளை ஆற்றவேண்டியுள்ளது. நாலும் தெளிந்தெடுக்க முடிவு! ஒரு...

குறைந்த முதலீட்டு ஆன்லைன் தொழில், அஃபிலியேட் மார்க்கெட்டிங்

ஆன்லைன் சந்தையில் அண்மைக் காலமாக அஃபிலியேட் சந்தை வளர்ந்து வருகிறது. Affiliate Marketing என்றால் என்ன? அஃபிலியேட் சந்தை என்பது பொருட்களை கமிசன் அடிப்படையில் விற்றுக் கொடுப்பது ஆகும். சான்றாக, ஆயிரம் ரூபாய் மதிப்புடைய பொருளை...

கார் பழுது பார்க்கும் தொழில்: எப்படி தொடங்குவது, எப்படி வெற்றி பெறுவது?

நீங்கள் ஆட்டோமொபைல் பொறியியலில் டிப்ளமோ அல்லது பட்டம் பெற்றவரா? அல்லது குறைவாக படித்து இருந்தாலும், ஒரு கார் பழுது பார்ப்பு நிறுவனத்தில் பணி புரிந்து நேரடியாக அதன் நுட்பங்களைக் கற்றுக் கொண்டவரா? நீங்கள்...

Stay in touch

To be updated with all the latest news, offers and special announcements.