Latest Posts

அசைக்க முடியாத ‘ஆவின்’ பிராண்ட்!

- Advertisement -
ஆவின் – வதந்தி பரப்பும் விஷமிகள்
‘ஆவின் விற்பனை படுத்துவிட்டது’ ‘ஆவினுக்கு மூடுவிழா’ என்று விஷமிகள் வதந்தி பரப்புகின்றனர்.
ஆவின் பிராண்ட் தமிழ்நாட்டின் பெருமிதம்.
ஆவின் பல லட்சம் விவசாயிகளுக்கு நிரந்தர வருமானம் வழங்கும் காமதேனு. இந்தியாவிலேயே வேறு எங்கும் இல்லாத குறைவான விலையில் நுகர்வோருக்கு பால் வழங்கும் ஒரே நிறுவனம்.
அண்ணாமலையின் ‘குஜராத்’ பாசம்
ஓர் ஆண்டுக்கு முன் ‘நந்தினி’ பால் பிராண்டை அழித்து குஜராத்தின் ‘அமுல்’ பால் பிராண்டை கர்நாடகாவில் திணிக்க முயன்றது கர்நாடக பா.ஜ.க. ‘கன்னட பெருமிதம்’ மிக்க கர்நாடக மக்கள் கர்நாடக பா.ஜ.க ஆட்சிக்கு பால் ஊற்றிவிட்டார்கள்.
தமிழ்நாட்டின் விவசாய கூட்டுறவுகளிலும் குஜராத் அமுல் நிறுவனம் ஆக்கிரமிப்பதை தமிழ்நாட்டு முதல்வர் தட்டிக்கேட்டார். ஒன்றிய கூட்டுறவு அமைச்சருக்கு அவர் கடிதம் எழுதியதை ‘தப்பான முகவரிக்கு கடிதம் எழுதுகிறார்’ என்று பொய் பரப்பியவர் அண்ணாமலை. இப்போது, ஆவினுக்கு எதிராக கடைந்தெடுத்த பொய்களை
பரப்பி வருகிறார்.
‘ஒரே நாடு, ஒரே தேர்தல், ஒரே பால்’ என்று பேசும் அண்ணாமலை & கோ வின் ‘குஜராத்’ பாசத்துக்கு தமிழ்நாட்டு பால் உற்பத்தியாளர்கள் மரண அடி கொடுப்பார்கள்.
சீமானின் கார்ப்பரேட் பாசம்
ஆவின் பாலில் யூரியாவையும் பிளீச்சிங் பவுடரையும் கலப்பதாக வதந்தி பரப்பும் சீமான் கார்ப்பரேட் பால் கம்பெனிகளுக்கு ‘நெருக்கமானவர்’ என்பதால்தான் இப்படி வதந்தி பரப்புகிறார் என்று தமிழக பால் உற்பத்தியாளர்கள் கழுவி ஊற்றுகினறனர்.
புத்தெழுச்சி பெறும் ஆவின்
ஆவின் பால் தட்டுப்பாடு என்ற மிகப்பெரிய சவாலை சமாளித்து கடந்த சில மாதங்களாக மாநிலம் முழுவதும் சீரான பால் விநியோகம் உறுதி செய்யப்பட்டுள்ளது.
சராசரி 3.5 சதம் கொழுப்புச் சத்து என்பது இயல்பாகவே பசுவின் பாலில் உள்ள சத்து என்பதால், 3.5 சதம் கொழுப்புச் சத்து கொண்ட டிலைட் பாலை அறிமுகம் செய்து பிரபலமாக்குகிறது ஆவின். வைட்டமின் A மற்றும் D சத்துக்கள் சேர்த்து உடல் நலத்துக்கு உகந்ததாக டிலைட் பால் விநியோகிக்கப் படுகிறது. பால் விற்பனையிலும் பால் பொருட்கள் விற்பனையிலும் சாதனை படைத்துவருகிறது ஆவின்.
இது பொறுக்காமல் அலறுகிறது ஒரு வீணர் கூட்டம். இதே பாலை மற்ற நிறுவனங்கள் 12 ரூபாய் அதிக விலைக்கு விற்பது குறித்து இவர்கள் வாய் திறப்பதில்லை.
தி.மு.க ஆட்சி பொறுப்பேற்றவுடன் பால் கொள்முதல் விலையை லிட்டருக்கு 3 ரூபாய் உயர்த்தியது பற்றியோ விற்பனை விலையை லிட்டருக்கு 3 ரூபாய் குறைத்தது பற்றியோ மூச்சு விடுவதில்லை. ஒரு லட்சம் கறவை மாடுகளை குறைந்த வட்டியில் விவசாயிகளுக்கு வழங்கி பால் கொள்முதலை அதிகரிக்க செய்யப்படும் முயற்சிபற்றி பேசுவதில்லை. ஆவின் பற்றி வதந்தி பரப்பும் விஷமிகளை தமிழ்நாட்டு மக்கள்
விரட்டியடிக்க வேண்டும்.
ஆவின் பிராண்ட் தமிழ்நாட்டின் பெருமிதம்.
– சுசி. திருஞானம், புன்னகை
May be an image of 1 person and text that says 'aavin ஆவின் தமிழ்நாட்டின் பெருமிதம்.!'
All reactions:

Guna, Tamil and 6 others

- Advertisement -

Latest Posts

Don't Miss

Stay in touch

Subscribe to our latest news