Sunday, September 19, 2021

5ஜி தொழில் நுட்பம் என்ன எல்லாம் தரும்?

இன்றைய உலகில் இணையதள தொழில் நுட்பம் மிக விரைவான வளர்ச்சியைக் கண்டு வருகிறது. இணையம் என்ற சொல் அனைத்து வலைப்பின்னல்களையும் இணைத்து உருவாக்கக் கூடிய தொகுப்பு ஆகும். தொழில் நுட்பம் முதலாம் தலைமுறை...

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

உங்களுக்கு அருகில் உள்ள சின்னச் சின்ன சுற்றுலா இடங்கள்

எப்படி இருந்தாலும் கொரோனா லாக் டவுன் விரைவில் முடிவுக்கு வந்துதான் தீரும். பொதுப் போக்குவரத்தையும் தொடங்கி விடுவார்கள். ஐந்து மாதங்களுக்கும் மேலாக வீட்டுக்குள் முடங்கிக் கிடப்பவர்களில் பலர், எப்போது பொது முடக்கம் ஒரு முடிவுக்கு வரும்; முடிவுக்கு வந்த உடன் எங்காவது சுற்றுலா சென்று மனதின் அயற்சியைப் போக்கிக் கொள்ள வேண்டும் என்று விரும்பி காத்திருக்கிறார்கள். பொது முடக்கம் முடிந்து இயல்பு நிலைக்கு வந்த பின் உரிய பாதுகாப்புகளுடன் சென்று மகிழ்ந்து வர ஏற்ற உங்கள் ஊர்களுக்கு அருகே உள்ள சில சுற்றுலா இடங்களை நினைவு படுத்துகிறேன்.

- Advertisement -

சென்னை – சென்னைக்கு அருகே உள்ள சுற்றுலா தலங்களில் முதன்மையானது, மாமல்லபுரம். சென்னையில் இருந்து சுமார் அறுபது கிலோ மீட்டர் தொலைவில் உள்ளது. இங்கு பல்லவர் காலத்து சிற்பங்கள், குடைவரை கோயில்கள் பார்ப்பதற்கு அழகாக இருக்கும். பழங்கால கலங்கரை விளக்கம் உள்ளது. புதிய கலங்கரை விளக்கமும் உள்ளது. மலையின் உச்சியில் இருந்து பார்த்தால் கடல் அவ்வளவு அழகாக இருக்கும். கடற்கரையிலும் பொழுதைப் போக்கலாம்.

தேனி – தேனி மாவட்டம் பெரிய குளத்தில் இருந்து எட்டு கிலோ மீட்டர் தொலைவில் கும்பக்கரை அருவி உள்ளது. இந்த அருவியில் ஆண்டு முழுவதும் தண்ணீர் வந்து கொண்டு இருக்கும். மழைக் காலங்களில் தண்ணீர் வரத்து அதிகமாக இருக்கும். இதே மாவட்டத்தில் உள்ள வருசநாடு என்ற ஊரில் உள்ள ஆறும், ஆற்றில் கட்டப்பட்டு இருக்கும் அணைக்கட்டும் பார்க்க அழகாக இருக்கும். அடுத்து வால்பாறை அருகே, அதாவது பொள்ளாச்சி ஆழியாறு அணையில் இருந்து ஐந்து கிமீ தொலைவில் குரங்கு அருவி உள்ளது.

மேற்கு மலைத் தொடர்ச்சி – மதுரையில் இருந்து தென்காசி செல்லும் வழியில் தேவதானம் என்ற ஊர் இருக்கிறது. இந்த ஊரில் இருந்து எட்டு கிமீ தொலைவில் மேற்கு தொடர்ச்சி மலை அடிவாரம் உள்ளது. இங்கு ஒரு அருவியும், சிறிய அணைக்கட்டும் இருக்கிறது. மேற்கு தொடர்ச்சி மலை அடிவாரத்தை ஒட்டி வாசுதேவ நல்லூரில் இருந்து ஆறு கிமீ தொலைவில் பழங்குடி மக்களான பளியர்கள் வாழும் தலையணை என்ற ஊர் இருக்கிறது. இப்போது அவர்களைப் பார்த்தால், பழங்குடி இன மக்கள் என்றால் இப்படித்தான் இருப்பார்கள் என்று நாம் மனதில் நினைத்து இருப்பவர்கள் போல இருக்க மாட்டார்கள். அரசின் முயற்சிகளால் படிப்பு, உடைகள், பழக்கவழக்கம் எல்லாவற்றிலும் முன்னேறி விட்டார்கள். இவர்களின் குடில்களைத் தாண்டிச் சென்றால் அருவியைக் காணலாம். குளங்களையும் காண முடியும்.

இதே மேற்கு மலைத் தொடர்ச்சியில்தான் குற்றாலமும் உள்ளது. அருவிகளில் தண்ணீர் கொட்டும் சீசனில் மக்கள் கூட்டம் அதிகமாக இருக்கும். அருவியில் குளித்தே ஆக வேண்டும் என்ற விருப்பம் இல்லாதவர்கள் எப்போது வேண்டுமானாலும் சென்று இயற்கை அழகைக் கண்டு மகிழலாம். அருவியில் குளிக்க விரும்புகிறவர்கள் அதற்கேற்ற சீசன் தெரிந்து செல்ல வேண்டும்.

திருநெல்வேலியில் இருந்து சுமார் ஐம்பது கிமீ தொலைவில் உள்ளது, பாபநாசம் அணை. அருகருகே அகஸ்தியர் அருவி, பாணத்தீர்த்தம் அருவி, முண்டந்துறை புலிகள் சரணாலயம், மாஞ்சோலையை அடுத்து கோதையாறு அணை என்று உள்ளன.

கன்னியாகுமரி – கடற்கரை, திற்பரப்பு அருவி, தொட்டிப்பாலம், பத்மனாபபுரம் அரண்மனை அனைத்தும் சிறிய தொலைவுகளில் உள்ளன. கன்னியாகுமரி கடற்கரையில் உள்ள மிகப் பெரிய திருவள்ளுவர் சிலை, காந்தி மண்டபம், விவேகானந்தர் பாறை, காமராஜர் மண்டபம் ஆகியவை சுற்றுலா இடங்கள் ஆகும். கன்னியாகுமரியைப் பார்த்து விட்டு தொடர்ந்து நாகர்கோயில் வந்து பத்மனாபபுரம் சென்று அதே வழியில் திற்பரப்பு அருவியையும், தொட்டிப் பாலத்தையும் பார்த்து மகிழலாம். இரண்டு மலைகளுக்கு இடையே பாலம் கட்டி அதில் கால்வாய் போல நீர் ஓடும் அழகைக் காணலாம். தொட்டிப்பாலத்தில் இருந்து பார்க்க இயற்கைக் காட்சிகள் மிக அழகாக இருக்கும்.

மதுரை – மதுரை வரலாற்றுச் சிறப்பு மிக்க நகரம் என்பது அனைவருக்கும் தெரிந்த ஒன்று. மதுரைக்கு மிக அருகே இருப்பது, திருமலை நாயக்கர் மகால். மதுரையில் உள்ள காந்தி மியூசியமும் சிறப்பு வாய்ந்தது. குளத்தின் நடுவே இளைப்பாற  பெரிய கட்டடம். இதுதான் மதுரை வண்டியூர் கண்மாயின் சிறப்பு. இங்கே படகு சவாரியும் உள்ளது. மதுரையில் இருந்து எழுபது கிமீ தொலைவில் வைகை அணை உள்ளது. பார்த்து ரசிக்க ஏற்ற இடம். மதுரையில் இருந்து முப்பது கிமீ தொலைவில் உள்ளது, குட்லாடம்பட்டி. இதை மதுரையில் உள்ளவர்கள் சின்னக் குற்றாலம் என்று சொல்கிறார்கள். மதுரையில் இருந்து சுமார் நாற்பது கிமீ தொலைவில் இருப்பது, தேக்கடி. பெரியார் வனவிலங்கு சரணாலயும் தேக்கடியின் சிறப்புகளில் ஒன்று. இரண்டு பெரிய மலைகளுக்கு நடுவே உள்ள ஆற்றில் குளிக்க வரும் யானைகளைப் பார்க்க சுற்றுலாப் பயணிகளின் ஆர்வம் அலைமோதும்.

மதுரையில் இருந்து நூற்று முப்பது கிமீ தொலைவில் அமைந்து உள்ளது, மேகமலை. செழித்து வளர்ந்து இருக்கும் உயரமான மரங்களும், தேயிலைத் தோட்டங்களும் அழகுக்கு அழகு சேர்க்கின்றன.

வழக்கமான ஊட்டி, கொடைக்கானல், ஏற்காடு போன்ற சுற்றுலா இடங்களில் இருந்து வேறுபட்டவை, மேற்கண்ட இடங்கள். பெரும்பாலும் உங்கள் ஊர்களுக்கு அருகில் உள்ள இடங்களைத் தேர்ந்து எடுத்து ஒருநாள் அல்லது இரண்டு நாட்கள் சுற்றுலாவாக சென்று வரத் தக்கவை. காத்திருப்போம், எதிர்பார்ப்போடு!

– ச. ஆனந்த்

 

 

 

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

Don't Miss

இந்த ஐந்து இயல்புகள் உங்களிடம் இருக்கிறதா?

பிறக்கின்ற பொழுதே யாரும் சாதனையாளராகப் பிறப்பதில்லை. அவர்கள் அணுகுமுறையாலும், மனப்பான்மையினாலும், உருவாக்கிக் கொண்ட நோக்கினாலும், மேற்கொண்ட முயற்சியினாலும், பயிற்சியினாலும் மற்றவர்களிடமிருந்து வேறுபடுகின்றனர். சாதனையாளராக முதல்படி தன்னை அறிதல் வேண்டும். நாம் முதலில் நம்மைப் பற்றி அறிந்து...

மண்புழு உரம் உற்பத்தியை தொழிலாகவும் செய்யலாம்.

மண்புழு உரம் உற்பத்தித் தொழில் நுட்பம் பயன்படுத்தி ஆர்வமும், இட வசதியும் உள்ளவர்கள் மண்புழு உரம் தயாரிக்கலாம். முதல் மண்புழு உரக்குழியில் (Vermi bed). மண்புழுக்களை இட்டு முப்பது நாட்கள் கழித்து குப்பைகளைக்...

மஞ்சள் நடவு முதல் பக்குவப்படுத்துதல் வரை..

மஞ்சள் பல்வேறு மண்வகைகளில் குறிப்பாக வண்டல் கலந்த மண், குறைவான களிமண் கொண்ட நிலம் போன்றவற்றில் சாகுபடி செய்யப்படுகிறது. குறுமண்ணும், வண்டலும் கலந்த வடிகால் வசதி உள்ள நிலம் மிகவும் உகந்தது. களர்,...

அறுபது+ வயதிலும் சவாலான முயற்சிகளில் ஈடுபடத் தயங்காதீர்கள்..

இப்போதெல்லாம் 60 வயதைத் தொட்டவுடன், உடலளவிலும் மனதளவிலும் இனி தன்னால் பெரிதாக ஒன்றும் செய்ய முடியாது என்று நம்மில் பலர் முடிவு செய்து கொள்கிறார்கள்... 60 வயதுக்கு பிறகுதான் ஒரு பலமான, வளமான மூளையோடு...

”சாமியின் சக்தியை எவனோ இறக்கிட்டுப் போறான்டோய்..” – ஒரு கல்வெட்டு ஆய்வாளரின் சுவையான அனுபவங்கள்

கல்வெட்டுகள் அதிகம் உள்ள தமிழ்நாடு ஒரு இனத்தின் வரலாற்றை, வாழ்வியலை அறிந்து கொள்வதில் தொல்லியல் ஆய்வு முதன்மையான பங்கு ஆற்றுகிறது. வரலாறு என்பது ஒரு கட்டமைப்பு. வரலாற்றை விட்டு மனிதர்கள் நீங்க முடியாது. மனிதர்களை...

Stay in touch

To be updated with all the latest news, offers and special announcements.