Sunday, September 19, 2021

5ஜி தொழில் நுட்பம் என்ன எல்லாம் தரும்?

இன்றைய உலகில் இணையதள தொழில் நுட்பம் மிக விரைவான வளர்ச்சியைக் கண்டு வருகிறது. இணையம் என்ற சொல் அனைத்து வலைப்பின்னல்களையும் இணைத்து உருவாக்கக் கூடிய தொகுப்பு ஆகும். தொழில் நுட்பம் முதலாம் தலைமுறை...

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

தந்திரம் !

அது வர்த்தகப் பொருள்களைத் தயாரிக்கும் ஓர் நிறுவனம். அங்கு விற்பனை மேலாளர் பதவி காலியாக இருந்தது. அதற்காகப் பத்திரிகைகளில் விளம்பரம் வெளியிட்டு இருந்தனர். அந்தப் பதவிக்காக பலர் விண்ணப்பித்து இருந்தனர். அன்று நேர்முகத் தேர்வு ஏராளமானோர் வந்திருந்தனர். வந்தவர்கள் பட்டதாரிகள், விற்பனைத் துறையில் அனுபவம் நிறைந்தவர்கள். பலரும் தங்களுக்கு எப்படியாவது இந்த வேலை கிடைத்து விடாதா என்ற ஆர்வத்துடன் காத்திருந்தனர்.

- Advertisement -

ஒவ்வொருவரையும் அலுவலக உதவியாளர் பெயர் சொல்லி அழைத்துச் சென்றார். நேர்முகத் தேர்வில் நிறையக் கேள்விகள் கேட்டு மிகவும் திறமையானவர்களைத் தேர்வு செய்ய வேண்டும் என்பதில் அந்த நிறுவனத்தின் சீனியர் மேனேஜர் குமார் மிகவும் கவனமாக இருந்தார். நேரம் கடந்தது. கிட்டத் தட்ட ஐம்பதுக்கும் மேற்பட்டவர்கள் வந்திருந்தனர்.

ஒவ்வொருவருக்கும் ஒரு பதில் சொல்லி அனுப்பி வைத்தார். கடைசியாக செழியன், எழிலன், முகிலன் ஆகியோரை மட்டும் காத்திருக்குமாறு கூறி இருந்தார். சிறிது நேரம் கழித்து மூவரையும் அழைத்தனர்.

மூவரும் உள்ளே சென்று அமர்ந்தனர். அப்போது அவர்களைப் பார்த்து குமார், ”இந்த நிறுவனத்தில் விற்பனை மேலாளர் பதவிக்கு உங்களில் ஒருவரை மட்டுமே தெரிந்தெடுக்க வேண்டிய கட்டாயம் ஏற்பட்டு உள்ளது. ஏனென்றால், இந்தத் தேர்வில் மூவருமே ஒரே மதிப்பெண் பெற்று உள்ளீர்கள். அதனால் கடைசியாக உங்களுக்கு ஒரு தேர்வு வைக்கப் போகிறேன் அதில் உங்கள் திறமை எப்படி என்பதைப் பார்த்த பிறகு தான் தேர்ந்தெடுக்க முடியும். என்ன சொல்கிறீர்கள்?” என்று கேட்டார்.

உடனே மூவரும், ”சரி சார், நீங்கள் கூறுவதைத் தாராளமாக ஏற்றுக் கொள்கிறோம்” என்றனர். உடனே குமார் ஒரு பெட்டியைத் திறந்து அதில் இருந்து ஒரு பொருளை எடுத்தார். அது, அந்த நிறுவனம் தயாரிக்கும் வாசனைத் திரவியம். அதை மூவரின் முன்பாகக் காட்டி, ”இது இந்த நிறுவனத்தின் தயாரிப்பாகும். நான் உங்களிடம் தலா ஐம்பது பாட்டில்களைத் தருகிறேன். ஆனால் ஒரு நிபந்தனை, இதை இரண்டு நாள்களில் நீங்கள் விற்க வேண்டும். ஒரே நபரிடம் கொடுக்கக் கூடாது. உங்கள் உறவினர்களுக்கும் கொடுக்கக் கூடாது. அவர்களாகவே விரும்பி வாங்க வேண்டும்.

அதன் பிறகு என் முடிவைக் கூறுகிறேன்” என்றவர் அவர்களிடம் தலா ஐம்பது பாட்டில்களைக் கொடுக்குமாறு உதவியாளரிடம் கூறினார். அதைப் பெற்றுக் கொண்ட மூவரும் அங்கிருந்து கிளம்பினர்.

சரியாக இரண்டு நாட்கள் கழித்து மூவரும் அந்த நிறுவனத்துக்கு வந்தனர். குமார் அவர்களை தனித் தனியாக வரவழைத்தார்.

முதலில் உள்ளே சென்ற செழியன், ”சார்.. பல இடங்களில் விற்க முயற்சி செய்தேன். இதை விட விலை குறைவாக நிறைய நிறுவனத் தயாரிப்புகள் இருக்கின்றது. அதனால் விற்பனை சுமாராகத்தான் இருந்தது. ஐந்து பாட்டில்கள்தான் விற்க முடிந்தது” என்றார்.

அடுத்து சென்ற எழிலன், ‘சார்.. இன்னும் கொஞ்சம் குவாலிட்டி வேண்டும். முயற்சி செய்து விற்க வேண்டும். என்னால் பத்து பாட்டில்கள் தான் விற்க முடிந்தது” என்றார்.

கடைசியாக முகிலன் சென்றார். ”சார். நான் எல்லா பாட்டில்களையும் விற்று விட்டேன். இன்னும் ஐம்பது இருந்தால் கூட விற்று இருப்பேன்” என்று எந்த வித தயக்கமும் இல்லாமல் கூறினார். இதைக் கேட்ட குமாருக்கு அளவு கடந்த வியப்பு. ”எப்படி அனைத்து பாட்டில்களையும் விற்பனை செய்தீர்கள்?” என்றார்.

உடனே முகிலன், ”நீங்க கொடுத்த ஒவ்வொரு பாட்டில் கூடவும் அண்மையில் வெளிவந்த ஒரு திரைப்பட நட்சத்திரத்தின் வண்ணப்படத்தை இலவசமாகக் கொடுத்தேன். இந்த இலவச உத்தியால் என்னால் அனைத்தையும் விற்க முடிந்தது” என்றார். முகிலன் தேர்வு செய்யப்பட்டார்.

”எந்த ஒரு செயலை செய்யும் போதும் அதில் ஒரு ஈடுபாடு இருக்க வேண்டும். ஒரு தந்திரம் இருக்க வேண்டும். அப்போதுதான் வெற்றி கிட்டும். அதை நீங்கள் சரியாக செய்து இருக்கிறீர்கள்” என்று முகிலனை பாராட்டவும் செய்தார், குமார்.

– ஆர். அருண்குமார்

Latest Posts

வலுவான கால்களுக்கு நடைப்பயிற்சி

நம் கால்கள் எப்போதும் வலுவாக இருக்க வேண்டும். வயதாகும் போது, ​​நம் தலைமுடி நரைக்கும். தோல் சுருக்கங்கள் உருவாகும். இவற்றைக் கண்டு பயப்படக் கூடாது. நல்ல உடல்நலனுக்கு ஆன அறிகுறிகளை "Prevention"...

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

Don't Miss

இந்த ஐந்து இயல்புகள் உங்களிடம் இருக்கிறதா?

பிறக்கின்ற பொழுதே யாரும் சாதனையாளராகப் பிறப்பதில்லை. அவர்கள் அணுகுமுறையாலும், மனப்பான்மையினாலும், உருவாக்கிக் கொண்ட நோக்கினாலும், மேற்கொண்ட முயற்சியினாலும், பயிற்சியினாலும் மற்றவர்களிடமிருந்து வேறுபடுகின்றனர். சாதனையாளராக முதல்படி தன்னை அறிதல் வேண்டும். நாம் முதலில் நம்மைப் பற்றி அறிந்து...

மண்புழு உரம் உற்பத்தியை தொழிலாகவும் செய்யலாம்.

மண்புழு உரம் உற்பத்தித் தொழில் நுட்பம் பயன்படுத்தி ஆர்வமும், இட வசதியும் உள்ளவர்கள் மண்புழு உரம் தயாரிக்கலாம். முதல் மண்புழு உரக்குழியில் (Vermi bed). மண்புழுக்களை இட்டு முப்பது நாட்கள் கழித்து குப்பைகளைக்...

மஞ்சள் நடவு முதல் பக்குவப்படுத்துதல் வரை..

மஞ்சள் பல்வேறு மண்வகைகளில் குறிப்பாக வண்டல் கலந்த மண், குறைவான களிமண் கொண்ட நிலம் போன்றவற்றில் சாகுபடி செய்யப்படுகிறது. குறுமண்ணும், வண்டலும் கலந்த வடிகால் வசதி உள்ள நிலம் மிகவும் உகந்தது. களர்,...

அறுபது+ வயதிலும் சவாலான முயற்சிகளில் ஈடுபடத் தயங்காதீர்கள்..

இப்போதெல்லாம் 60 வயதைத் தொட்டவுடன், உடலளவிலும் மனதளவிலும் இனி தன்னால் பெரிதாக ஒன்றும் செய்ய முடியாது என்று நம்மில் பலர் முடிவு செய்து கொள்கிறார்கள்... 60 வயதுக்கு பிறகுதான் ஒரு பலமான, வளமான மூளையோடு...

”சாமியின் சக்தியை எவனோ இறக்கிட்டுப் போறான்டோய்..” – ஒரு கல்வெட்டு ஆய்வாளரின் சுவையான அனுபவங்கள்

கல்வெட்டுகள் அதிகம் உள்ள தமிழ்நாடு ஒரு இனத்தின் வரலாற்றை, வாழ்வியலை அறிந்து கொள்வதில் தொல்லியல் ஆய்வு முதன்மையான பங்கு ஆற்றுகிறது. வரலாறு என்பது ஒரு கட்டமைப்பு. வரலாற்றை விட்டு மனிதர்கள் நீங்க முடியாது. மனிதர்களை...

Stay in touch

To be updated with all the latest news, offers and special announcements.