Sunday, June 13, 2021

இதழியல்: இதழ்களில் எடிட்டிங் ஏன் முதன்மை ஆனதாக இருக்கிறது?

இதழ்களில், துணை ஆசிரியர்கள் என்ன செய்கிறார்கள்? இதழியலில் எடிட்டிங் என்பது மிகவும் முதன்மையானது. இதழ்களின் ஆசிரியர் பிரிவின் படிமுறை பொதுவாக, ஆசிரியர் (எடிட்டர்) தலைமை துணை ஆசிரியர் துணை ஆசிரியர்கள் (சப் எடிட்டர்கள்) செய்தியாளர்கள் (ரிப்போர்ட்டர்கள்) ஃபோட்டோகிராஃபர்கள் செய்திகளை தட்டச்சு செய்பவர்கள் (டிடிபி...

Latest Posts

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

வேளாண்மையை இளைஞர்களிடம் கொண்டு செல்லும் புதிய தொழில் நுட்பங்கள்!

வயல்களை வைத்து இருப்பவர்கள் சந்திக்கும் சிக்கல்களுக்கு தொழில் நுட்பம் ஒவ்வொன்றாக தீர்வு கண்டு வருகிறது. ஏற்றம் போட்டு நாள் முழுவதும் தண்ணீர் இறைத்துக் கொண்டு இருந்த நிலையை மோட்டார் மாற்றியது. சுவிட்சைப் போட்டவுடன்...

பிரியாணி விற்பனை அதிகரிக்க வேண்டுமா?

பிரியாணி உணவு, மக்களிடையே பெரும் வரவேற்பு பெற்றுத் திகழ்கிறது. மேலும் இது ஒரு குறைந்த முதலீட்டுத் தொழிலாகவும் விளங்குகிறது. இதனால் நிறையப் பேர் தங்களுக்கு ஏற்ற வகையில் பிரியாணி தயாரித்து விற்பனை செய்கிறார்கள். பெரிய உணவகங்கள் முதல், சாலை ஓரக் கடைகள் வரை பிரியாணி தாராளமாகக் கிடைக்கிறது. சென்னை, பல்லாவரத்தில் பிஸ்மி பிராயாணி என்ற பெயரில் பிரியாணி கடை நடத்துகிறார், திரு. முகமது ஷெரிஃப்.
அவர் நடத்தும் பிரியாணி கடை பற்றி அவரிடம் கேட்டபோது,

”நான் முதலில் எலெக்ட்ரீசியனாக வேலை பார்த்துக் கொண்டிருந்தேன். அதில் போதுமான வருமானம் இல்லாததால், வீட்டில் இருந்தபடியே, கேட்பவர்களுக்கு பிரியாணி தயாரித்துக் கொடுத்துக் கொண்டிருந்தேன். பின்னர் திருமணம் போன்ற விழாக்களுக்கும் எம்எஸ் கேட்டரிங் என்ற பெயரில் பிரியாணி தயாரித்துக் கொடுத்தேன்.

பிறகு நாம் ஏன் ஒரு பிரியாணி கடை போடக்கூடாது என்று எண்ணினேன். பல்லாவரத்தில் என்னுடைய பொருளாதார நிலைக்கு ஏற்ப ஒரு சிறிய கடையை வாடகைக்கு எடுத்தேன். எனக்கு சமைப்பதில் இயற்கையாகவே ஆர்வம் அதிகமாக இருந்தது. இதனால் பிரியாணி தயாரிப்பு நுட்பங்களை கற்றுக் கொண்டேன். உதவிக்கு ஆட்களை வைத்துக் கொண்டேன்

பிரியாணி வகைகளில் தம் பிரியாணி, வடி பிரியாணி, ஐதராபாத் பிரியாணி, செட்டிநாடு ஸ்பெஷல் சிக்கன் பிரியாணி, ஆம்பூர் பிரியாணி, ஆற்காடு பிரியாணி, திண்டுக்கல் பிரியாணி என பல வகைகள் உள்ளன. நான் ஆற்காடு வகை பிரியாணியை தயாரித்து விற்பனை செய்கிறேன்.

எல்லா விதமான மசாலாக்களையும் சேர்த்து, பிரியாணி தயாரித்த பிறகு பாத்திரத்தின் மேல் தட்டை வைத்து அதன் மீது நெருப்பு கங்குகளை குறிப்பட்ட நேரம் போட்டு வைப்பார்கள். இப்படி தயாரிக்கப் படுவதுதான் தம் பிரியாணி.

ஆம்பூர் பிரியாணி, விறகு அடுப்புகளில் தேக்சா எனப்படும் பெரிய பாத்திரத்தில் ஆட்டுக் கறியுடன், பாசுமதி அரிசி கலந்து சமைக்கப்படுகிறது. ஐதராபாத் பிரியாணி போன்றே நறுமணப் பொருட்கள் சேர்க்கப்பட்டாலும், கூடுதலாக தக்காளியும், சிறதளவு மஞ்சள் தூளும் சேர்க்கப்படுவதால் மற்ற பிரியாணிகளை விட ஆம்பூர் பிரியாணி சற்று செம்மஞ்சளாக இருக்கும்.

ஐதராபாத் பிரியாணியைப் பொறுத்த வரை, முதலில் அரிசியை வேக வைத்து எடுத்துக் கொண்டு, பிறகு இறைச்சி, மசாலா கலந்து தயாரிக்கப்படுகிறது. ஐதராபாத் பிரியாணியில் சோம்பு சேர்ப்பது இல்லை, அதற்கு பதிலாக ஷாஜ்ரா மசாலா சேர்த்துக் கொள்ளப்படுகிறது. பெரிய சூப்பர் மார்க்கெட்களில் பிரியாணி செய்வதற்கு தேவையான அத்தனை மசாலா வகைகளும் கிடைக்கின்றன. என்னைப் பொறுத்த வரை நானே சொந்தமாக மசாலா வகைகளை எனது தேவைக்கு ஏற்ப அரைத்து வைத்துக் கொள்கிறேன்.

அஜினமோட்டோ, செயற்கை வண்ணங்களை பிரியாணி தயாரிப்பின் போது நாங்கள் பயன்படுத்துவது இல்லை. பிரியாணியுடன் வெங்காய பச்சடி, எண்ணெய் கத்தரிக்காய் சேர்த்து வழங்குகிறோம். மாலை நேரங்களில் சிக்கன் பகோடா, சிக்கன் 65 ஆகியவற்றையும் எனது வாடிக்கையாளர்களுக்கு விற்பனை செய்கிறேன்.
திண்டுக்கல் பிரியாணியில் பாசுமதி அரிசிக்கு பதிலாக சீரக சம்பா அரிசி பயன்படுத்தப் படுகிறது. எனக்கு எல்லா வகையான பிரியாணிகளையும் சமைக்கத் தெரியும் என்பதால் வெளி ஆர்டர்களின் போது, அவர்கள் விருப்பத்திற்கு ஏற்ப தயாரித்துக் கொடுக்கிறேன்.

பிரியாணி சுவையாக அமைய சோறு உதிரியாக இருக்க வேண்டும். சரியான பதத்தில் இறைச்சியை வேக வைத்து இருக்க வேண்டும். இறைச்சி புதிதாக இருக்க வேண்டும். நான் ஆட்டு இறைச்சி மற்றும் கோழி இறைச்சியை குன்றத்தூரில் உள்ள எனக்கு நம்பிக்கையான கடையில் வாங்குகிறேன். அவர்கள் புதிய, தரமான இறைச்சியை தருகிறார்கள்.

சுகாதாரமான முறையில், சுவையாக தயாரித்து வழங்குவதால் எனக்கு தொடர்ந்து வாடிக்கையாளர்கள் அதிகரித்து வருகிறார்கள்.

எந்த பிரியாணி கடைக்காரரும் கெட்டுப் போன இறைச்சியை தங்கள் மனசாட்சிக்கு விரோதமாக பயன்படுத்த மாட்டார்கள். சில சமூக விரோதிகள் கொஞ்சம் கூட அறிவு நாணயம் இன்றி நாய்க்கறி அது இது என்று வதந்திகளை பரப்புகிறார்கள். இவர்கள் மீது அரசு தக்க நடவடிக்கைகளை எடுக்க வேண்டும்.” என்றார்.

– சை. நஸ்ரின்

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Latest Posts

கடன் வாங்குவது பற்றி எப்போது சிந்திக்க வேண்டும்? – திரு. வி. கே. சுப்புராஜ்

கடனை வாங்குவதை நம் முன்னோர் ஆதரிக்கவில்லை. ''கடன்பட்டார் நெஞ்சம் போலக் கலங்கினான் இலங்கை வேந்தன்'' என்றெல்லாம் கூட இலக்கியங்களில் படித்து இருக்கிறோம். ஆனால் அந்தக் காலத்தில் கடன் வாங்கத் தேவை இல்லாத சூழ்நிலை...

ஜப்பானிய நிறுவனங்கள் நடத்தும் சோ ரெய், எதற்காக?

CHOREI - பணியாளர்களை ஊக்கப்படுத்த ஜப்பானிய தொழில் நிறுவனங்கள் நடத்தும் காலை நேரக் கூட்டம்! ஜப்பானியர்களிடமிருந்து உலகம் வளர்ச்சி சார்ந்த பல நல்ல செயல்பாடுகளைக் கற்றுக் கொள்கின்றன. குறிப்பாக தொழில் தொடர்பாக அவர்கள் அறிமுகப்படுத்திய...

வேளாண்மையை இளைஞர்களிடம் கொண்டு செல்லும் புதிய தொழில் நுட்பங்கள்!

வயல்களை வைத்து இருப்பவர்கள் சந்திக்கும் சிக்கல்களுக்கு தொழில் நுட்பம் ஒவ்வொன்றாக தீர்வு கண்டு வருகிறது. ஏற்றம் போட்டு நாள் முழுவதும் தண்ணீர் இறைத்துக் கொண்டு இருந்த நிலையை மோட்டார் மாற்றியது. சுவிட்சைப் போட்டவுடன்...

Don't Miss

மண்புழு உரம் உற்பத்தியை தொழிலாகவும் செய்யலாம்.

மண்புழு உரம் உற்பத்தித் தொழில் நுட்பம் பயன்படுத்தி ஆர்வமும், இட வசதியும் உள்ளவர்கள் மண்புழு உரம் தயாரிக்கலாம். முதல் மண்புழு உரக்குழியில் (Vermi bed). மண்புழுக்களை இட்டு முப்பது நாட்கள் கழித்து குப்பைகளைக்...

மஞ்சள் நடவு முதல் பக்குவப்படுத்துதல் வரை..

மஞ்சள் பல்வேறு மண்வகைகளில் குறிப்பாக வண்டல் கலந்த மண், குறைவான களிமண் கொண்ட நிலம் போன்றவற்றில் சாகுபடி செய்யப்படுகிறது. குறுமண்ணும், வண்டலும் கலந்த வடிகால் வசதி உள்ள நிலம் மிகவும் உகந்தது. களர்,...

அறுபது+ வயதிலும் சவாலான முயற்சிகளில் ஈடுபடத் தயங்காதீர்கள்..

இப்போதெல்லாம் 60 வயதைத் தொட்டவுடன், உடலளவிலும் மனதளவிலும் இனி தன்னால் பெரிதாக ஒன்றும் செய்ய முடியாது என்று நம்மில் பலர் முடிவு செய்து கொள்கிறார்கள்... 60 வயதுக்கு பிறகுதான் ஒரு பலமான, வளமான மூளையோடு...

”சாமியின் சக்தியை எவனோ இறக்கிட்டுப் போறான்டோய்..” – ஒரு கல்வெட்டு ஆய்வாளரின் சுவையான அனுபவங்கள்

கல்வெட்டுகள் அதிகம் உள்ள தமிழ்நாடு ஒரு இனத்தின் வரலாற்றை, வாழ்வியலை அறிந்து கொள்வதில் தொல்லியல் ஆய்வு முதன்மையான பங்கு ஆற்றுகிறது. வரலாறு என்பது ஒரு கட்டமைப்பு. வரலாற்றை விட்டு மனிதர்கள் நீங்க முடியாது. மனிதர்களை...

உன்னை அறிந்தால்.., நீ உன்னை அறிந்தால்..!

தன்னை அறிந்து இருத்தல் என்றால் என்ன? மனிதர்களுக்கு, 'தன்னை அறிந்து இருத்தல்' என்பது மற்ற எல்லாவற்றையும் விட முதன்மை ஆனது ஆகும். தன்னை அறிந்து இருத்தல் என்றால் என்ன? என் திறமைகள் என்ன?; என்...

Stay in touch

To be updated with all the latest news, offers and special announcements.